Kli Smalkanka 27:15 - DAWAN BÎLA AISKA

¹⁵ ‘Diara papaskra nani mita ayan slilki aidul lilka kum paski tihmia pliska kum ra swika bâra kabia lahtubanka dukiara, kan baha ba Dawan saura kaikisa.’ Bara upla wibia: ‘Baku kabia.’

Kli Smalkanka 27:15 ပူးပေါင်းရင်းမြစ်များ

Blasi Sturka 31:19

Sakuna Labán sîp taya irbaia wisi ai sîpka daknika wala nani tilara taki wan kan, bara Raquel ai watla ra dimi, aidul nani bri kan ba impliki brih wan.

Blasi Sturka 31:34

sakuna Raquel lika aidulka nani ba brih kiamil satilka bilara yukuki, bara witin baha purara uli iwan. Bara Labán bal utla aiska ba pliki taukan, sakuna ai gâdka nani ba sakras kan.

Blasi Sturka 9:25

bara win: “¡Kenan ba lahtuban kabia! ¡Ai muihni wâl ba wina albika kau mâyara kabia!”

2 King Nani 17:19

Ban sakuna, Juda sin Dawan Gâd lâka nani ba kulkras kan, sakuna witin nani ban Israel lâka kat ban tauki kan, dîa witin nani dauki kan ba kat.

2 King Nani 23:13

Baku sin, king mita tâski kulkan idan nani gâdka bahki nani, Jerusalem lalma ra paski bri kan ba, bara Oliv nani ilka waupasa tani ra bri kan ba, Salaman Israel kingka ba mita paskan, Astarté gâdka bahki ba, Sidón uplika nani bara Quemós bara Moab uplika nani aidulka saura nani ba sin. Milcom bui aidul saura Amón luhpia nani dukiara paskan ba baha nani sut ba sin sauhki tikan.

1 Kronikas 16:36

¡Dawan ba yamni pali kabia, witinka Israel Gâdka ba ban kaia ra!’’ Bara upla nani sut bila win: “¡Baku kabia!” Bara Dawan ra mayuni banhwan.

2 Kronikas 33:2

Sakuna witin saura daukan Dawan mawanra, kan nisan wala nani saurka daukan, Israel luhpia nani mawanra bara Dawan mita kangbi sakata ba baku:

Impakan Sturka 20:23

Man nani lika gâd bahki nani dauki bripara gul bara silbar ni paski, bahara kaiki yang ra baku man nani mayunpara.

Impakan Sturka 20:4

“Aidul nani kumi sin dauki bripara, diara nani kasbrika purara bâra ba lilka sin apia, diara nani tasba ra bâra ba lilka, diara nani kabu ra bâra ba, baku sin kabu mununhtara bâra nani ba lilka sin apia.

Impakan Sturka 34:17

“Piu kumi sin man nani mihtam ni gâd bahki slilki paski dauki bripara pali.

Aiseya 44:13

Yawan kaikpi dus ni diara papaskra ba: kulkaika dukia ba ni, dus ra praki kulki kaikisa, lilka ba ulbisa dus ra, baha ningkara klakaika ba ni klaki upla lilka painkira kum daukisa, upla wîna daukra lilkika paskisa, upla pranakira lilka ba, bara tempel bilara suni swisa.

Aiseya 44:17

Bara tâka kau swin ba wina gâd bahki lilka kum daukisa, baha mawanra bawisa, bara mayunisa bara witin ra ai pura suni wisa: “¡Pri ai sâks, kan man sika yang gâdki!”

Aiseya 44:19

Man nani luki kaikras sma, sins lâka âpu, diara tânka aisaia: “Naha wina mânka kum pauta ra piakri, ai maskuka purara plun angkri, wîna angkri, bara baha piri; bara kau witin mânka wala ba wina diara saura pali kum daukri, dus klakan praiska kum dauki bahara puri sunisna.”

Jirimaya 11:3

bara man bui witin nani ra naku wis, yang Dawan, Israel Gâdka, param aisisna, saura pali kabia baha uplika ra naha wal lâ daukan lâka bîla nani ba kat wali daukras ba.

Jirimaya 11:5

Man nani bîli walma kaka, damikam nani ra swer taki aisari ba kat daukamna, tasba kum witin nani ra yabaia wîri ba, baha tasbaya sika nanara witin nani bri ba bahara tialka laya nasma wal lî baku aubisa.” Bara yang pana wîri: “Âu, Dawan.”

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

Jirimaya 28:6

—¡Âu, ban kra Dawan baha daukbia kra si! ¡Man aisaram bîla nani ba Dawan ban kra baku daukbia kaka pain pali, tempel dukia nani ba kli bri balbia upla nani Babilon ra brih wan ba sin kli balbia!

Isikiel 14:4

Witin nani aikuki aisas bara wis: ‘Dawan naku aisisa: Ya ya uplika, Israel luhpia nani tila wina, aidul nani bri ba ra ai kupia mangki bri ba, ai mina prukaika warkka ai kainara mangki bri yaba, prapit ra ai pura suni walaia balbia ba ra, yang pana witin ra aisamna, witin aidulka ailal bri ba natka kat.’

Isikiel 7:20

Walpa klauhira prana ba mita sinskas lâka ba banhwan, bara baha wal yamni kaikaia apia aidulka lilka nani paskan kan. Baha mita yang walpa klauhira ba bahki daukamni.

Daniel 11:31

‘Suldiar nani bui tempel ba sauhki tiki bahki kulkan, baha karnika ba sin yu bani Gâd ra sakripais yaia lâka ba kli daukbia apia win, baha watlika ra saura lâka ni daukbia lâ mangkan.

Daniel 9:11

Israel luhpia nani sut man bîlam kulkras atia takan, bara dîa lâ mangkram ba sin wali daukaia apia win; baha mita naha lahtubanka na wan purara kauhan, aikuki swer daukan ba nampakan Moses lâ wauhkataya ra ulban ba kat, ban yang nani lika man mampara saura dauki banhri.

Libait Lâka 19:4

“Aidul nani nina bliki wapara, bras aidulka nani sin paskpara. Yang sika man nani Dawan Gâdkam.

Libait Lâka 26:1

“Aidul nani bara upla lilka nani paskpara, man nani kuntrikam ra bahmuna walpaya bripara bara baha nani ra puram sunpara, kan yang sika man nani Dawan Gâdkam.

Kulki Kaikanka 5:22

Bamna naha lahtubaia laya nani na man dima bara biamra bilara iwi wabia bara baku takbia.’ Bara pana mairin ba wibia: ‘Baku kabia.’

Matiu 24:15

“Prapit Daniel ulban diara tâski ban swin tiwi ba dukiara; man nani naha na plis holikira ra balan sa kaikma ba ra —ya aisi kaiki ba, tânka pain bri kabia—,

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

1 Korint 14:16

Kan man ba spiritkam ni baman Gâd ra mayunra yabisma kaka, upla kum baha wali ba sip tingkikam pura sunra bara man wal asla takras, kan dîa aisisma ba witin tânka briras sa.

Kli Smalkanka 27:14

Libait nani lika Israel luhpia nani tâ bribia, ai bîla wini kira naku wibia:

Kli Smalkanka 29:17

bahara yawan kaikan gâd kuninkira nani aidul nani dus ni paskan, aitani kulkanka âpu ba, walpa, silbar bara gul ni paskan, baha uplika nani mayuni ba.

Kli Smalkanka 4:25

“Man nani luhpiam bara mulam nani brima piua ra, bara naha kuntrika ra almuk kama ba ra, lilka bahki nani paski dauki baha ra ai pura sunbia kaka baku saura dauki, Dawan Gâdkam kupia sauhki kama.

Kli Smalkanka 5:8

‘Aidul nani kumi sin dauki bripara, diara nani purara bâra ba lilka sin apia, diara nani tasba ra bâra ba lilka sin apia, diara nani kabu ra bâra ba, kabu mununhtara bâra ba lilka sin apia.

Kli Smalkanka 7:25

Man nani bui ai gâdka lilka nani ba angkma, kuna gul nani ba silbar dukiam briaia daukma baha wal takaskaia; baha traika kaikanka ra kauhpara, kan warkkam Dawan bui bahki kulkbia.

Wihta Nani 17:4

Micaías baha lalahka ai yaptika ra kli yaban ba ningkara, yaptika taki wan silbar ni diara papaskra waitnika kum ra, bara silbar mâ 200 yaban gâd bahki kum karbi paskaia, bara silbarka ba slilki taya pura ba lalaubaia. Baha paskbia ba ningkara, gâdka bahki ba Micaías watla ra bri si swibia.

1 Samuil 26:19

Yang bui king ra puri sunisni, man albikam aisinka na wals: Dawan bui king ba yang maipara blikisa kaka, prisantka kum yabrika bribia kaka lilia kamna; sakuna waitna bui daukisa kaka, Dawan bui lahtubia. Kan nanara Dawan tasbaya wina saki ai lulkan, bara baku plaitukbisa gâd bahki nani dukia daukaia.