Kli Smalkanka 25:2 - DAWAN BÎLA AISKA

² Wihta bui pâtkira ba yaka ai mawanra aimakupbia, bara adar yabia wipaia, witin ai pâtka ba mana.

Kli Smalkanka 25:2 ပူးပေါင်းရင်းမြစ်များ

Nihimaya 13:25

Baku yang bui witin nani aikuki aisi blauhri bara lahtubri. Witin nani tila nani ba lika prukri bara tâwa sin daikri, bara taibi munri Gâd nina ra swer taki aisaia, ai luhpia mairin bara ai luhpia waitna nani ba upla sât wala nani ba wal kli maya baikaia apia, mairka nani ba luhpia waitna nani maya baku bribiara, luhpia nani mita sin mairka nani ba ai maya bribiara.

Sins Lâka 19:29

Bin dadaukra nani nina ba, dus ni prukan kaia dusa ba sin pat ridi daukan sa; prukanka nani sin, taniskira nani nina dusa dukiara sin ridi sa.

Matiu 10:17

Aman kaiki bas, kan upla nani mita mai alki wihta nani mihta ra mai mangkbia, bara prias watla nani ra mai wipbia.

Matiu 27:26

Bara Pailat mita Barabas ba pri sakan; ningkara, Jisas ba yan wipan, bara baha nani mihta ra mangkan dus prihni ra sabaia.

Apastil Nani Sturka 23:3

Sakuna Pal pana win: —¡Dawan mita man ra mai prukbia yu kumi, kuninkira! ¿Man baha iwaika ba wina lâ ba kat lâika daukisma ki? Sakuna kaiks, man mita lâ ba krikisma, ai prukaia adar yabisma bamna.

Apastil Nani Sturka 5:40

Witin nani Gamaliel aisin ba pain walan. Bamna apastil nani ba winan balan, bara wipi muni, win: —Man nani kli pali Jisas nina brih smalkpara. Baha ningkara mahka pri sakan.

1 Pita 2:20

Kan man nani diara kum saura daukisma ba tâwan, klala maikisa bara baha ba ban bapi bûi wahwisma kaka, ¿dîa mana brima ki? Sakuna diara kum yamni daukram tâwan ban bapi mita pât wahwisma kaka, baha ba pain sa Gâd mawanra.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.