Kli Smalkanka 25:18 - DAWAN BÎLA AISKA

¹⁸ Kupiam krawisa Gâd sibrinka sin âpu, man nani yabal ra wapi swapi tayat takram kan, puramra bal rau mai sauhkan ba. Bara swapni takan nani kan ba nina saitku bal, rausauhkan bara ninara ban takaskan.

Kli Smalkanka 25:18 ပူးပေါင်းရင်းမြစ်များ

Nihimaya 5:15

Sakuna wihta wala nani yang kainira aimaki kan ba tawan purara wirhika kum; kan yu bani witin nani silbar mâ 40 upla nani wina dakbi kan, baha ba plun piaia bara wain diaia mana saki kan. Baha purkara witin nani wal wark taki nani kan ba mita tawan ra taibi muni kan. Sakuna yang lika baku daukras, Gâd ra sibrin lukisna bamna.

Nihimaya 5:9

Bara kau wîri: “Man nani daukisma ba yamni apia sa. Man nani wan Gâdka sibrinka ra tauki banhras sma, upla sât wala wan waihla nani ba mita wan swira paski kaia apia dukiara.

Lawana Nani 36:1

Watawi lâka ba mita watawikira kupia lukanka pali kat dimi aisisa, witin ai lukanka ra, Dawan ra sibrin lukaia tânka âpu pali sa.

Impakan Sturka 17:8

Ningkara Amalec uplika nani balan Refidim kat Israel luhpia nani wal war aiklabaia.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Roman 3:18

Piu kumi sin lukras banhwisa Gâd ra sibrinka briaia ba.”