Kli Smalkanka 24:19 - DAWAN BÎLA AISKA

¹⁹ “Namsla wina plun mâ nani dâkisma piua ra, lal kum pan swiaia âmya tiwbiara; tringsar nani, rau nani, piarka nani man tilamra iwi nani ba swirka wahbi bribia. Baku lika Dawan Gâdkam bui diara sut dauki kama ba ra yamni mai munbia.

Kli Smalkanka 24:19 ပူးပေါင်းရင်းမြစ်များ

Job 42:12

Gâd bui Job ra ai yamnika ailal yaban kan kau siknis takras kan ba kainara, sakuna nanara kau ai yamnika tara yan: Sîp nani 14,000 brin, kiamil 6,000, tasba baikaia bîp ba 1,000 bara biriku mairin 1,000.

Lawana Nani 112:9

Umpira nani tilara diara yuisa ai kasak lâka ba ban sa, ai lal buki ai kulkanka lâka ba wal.

Sins Lâka 14:21

Ya ai walka ra bahki kulki uplika lika, saura kum daukisa, sakuna upla umpira nani ra yamni muni ba âuyapah kira sa.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Aiseya 32:8

Sakuna kasakkira kunin aisaras ba, kunin âpu lâka baman luki kaikbia, bara kunin âpu lâka ba mita purara bukan kabia.

Libait Lâka 23:22

“Dâkaia piua balbia ba ra, sut pali wahbi bripara, pliki sin taukpara kau takaskan ba. Swima upla umpira nani bribia bara tringsar nani sin. Yang sika man nani Dawan Gâdkam.”

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Luk 6:38

Yas upla wala nani ra, bara Gâd bui pana man nani ra maikbia. Pakitkam ra aitani pali maikbia, lasbi, singbi, bara banhki pali. Gâd bui man nani ra mai kulkan kabia, dîa kulkanka wal pana upla wala ra kulkma ba.”

Kli Smalkanka 14:29

Bara Libait nani tasba briras kan ba balbia, apia kaka tringsar nani, rau nani, piarka nani sin, sip kabia ai âuyapah piaia. Baku Dawan Gâdkam bui dîa sut daukma ba yamni munbia.

Kli Smalkanka 15:10

Wirha mai taibras kira ban hilp muni bas, kan baha daukisma mita diara sut daukma ba ra Dawan Gâdkam yamni mai muni kabia.

Kli Smalkanka 24:18

Man nani Idsip ra alba kapram ba kupiam krauki bas, bara Dawan Gâdkam mita baha wina mai sakan ba, baha mita yang naha lâka maikamna ba dauks.

Kli Smalkanka 26:13

Dawan Gâd lamara mai kaiki ba ra aisama: ‘Yang dâkri ba waitla wina pat sait ra lakri sa yamni munaia dukiara. Bara Libait nani, tringsar nani wan kuntrika ra iwi ba ra pat baiki lakri sa, bara piarka nani, rau nani wan tilara ba sin man lâmka wan wiram ba daukbia.

Rut 2:16

Bara man nani sin swis mâ nani ban kauhi kabia man nani pali klubankam nani ba wina, bara baha nani sin witin wahbi kabia. ¡Upla kumi sin witin ra lawi daukbiara!

Rut 2:2

Yu kumi Rut Noemí ra win: —Aik insla nani ra wamna, bara mâ kriki uplika kum pan kaikamna, witin kra aikbia ai nina bliki mâ kauhan nani ba wahbi kaia. Bara Noemí win: —Was, luhpi mairin.