Kli Smalkanka 24:1 - DAWAN BÎLA AISKA

¹ “Waitna kum mairin kum ra brih ai maya brisa, sakuna ningkara tânka kum ra witin mita saura kaikan kaka, swiaia wauhkataya ulbi yabi, bara ai watla wina mahka blîkka wabia.

Kli Smalkanka 24:1 ပူးပေါင်းရင်းမြစ်များ

Impakan Sturka 21:10

Witin na swi si kli mairin wala brisa kaka, witin ra diara yabi ba takaskaia apia sa. Baku sin wiria lupia sin mâyara yabaia apia sa dîa yabi kan ba wina, kwala, plun, bara maya mairin kulkanka aiska sut yabi kaia sa.

Aiseya 50:1

Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Jirimaya 3:8

baku sin witin kaikan Israel maipara babura takan lâika sauhkan bara lulki swisatna ba, yang wal mayi lâika ba krikan tâwan dakwi takri. Sakuna Juda, Israel muihnika mairin rugkira ba, sibrin daukras kan, witin sin wan bara ur takan.

Malaquía 2:16

Israel Dawan Gâdka karnika sut bri ba aisisa: “¡Bamna man nani lukankam pali wina aman damra wali kaiks, pana pana kunin munpara; man mayam wal dakwi takisma tâskika watawika ba yang misbara kaikisna!”

Kulki Kaikanka 5:12

“Israel luhpia nani ra naha wis: Mairin kum ai maya waitna nakra prakbia kaka,

Kulki Kaikanka 5:28

Ban sakuna, mairin ba tâski takras, pâtkas klin sa kaka, witin ai luhpia pain baiki kabia.

Matiu 1:19

Ai maya Josep ba waitna kasakkira kan ba mita witin Meri nina sauhkaia want apia kan; bamna witin lukan yukuwan ra sâp swiaia.

Luk 16:18

“Ya ai maya mairin ra mahka swisa ba, mairin wala wal marit takbia kaka, witin lika marit lâka sauhkisa; bara ya sin maya waitna mita swisa mairka kum wal marit takbia kaka, witin sin marit lâka sauhkisa.

Kli Smalkanka 21:15

“Sakuna waitna kum mairin wâl brisa, kuna kumi ra latwan kaiki wala ra latwan kaikras, sakuna wâlsut ra luhpa yaban bara luhpia almukka ba mairin latwan kaikras ba wina sakan,

Kli Smalkanka 22:13

“Waitna kum bui mairin kum ra ai maya kaia brisa, bara wal asla takan ningkara sip latwan kaikras kaka,

Kli Smalkanka 22:19

kan Israel ra tuktan mairin kum sunu kan nina sauhkan ba tâwan pâtka ra laki yabia silbar mâ 100 aisika ra aibapbia. Bara swiaia wauhkataya daukras kira ai rayaka aiska ra ai maya bri kabia.

Kli Smalkanka 22:29

baku kaka waitnika ba tiarika aisika ra silbar mâ 50 aibapbia; bara swira daukan tâwan ai maya bribia, swiaia wauhkataya sip daukbia apia ai rayaka aiska ra.

Kli Smalkanka 24:2

Witin utla wina taki wan ba ra, sip sa wala wal ai maya takaia;

Kli Smalkanka 24:3

sakuna maya wala ba sin witin ra want apia swibia kaka, swiaia wauhkataya dauki yabi ai watla wina sâkka taki wabia, apia kaka, maya waitna ba prubia ba kat,