Kli Smalkanka 23:6 - DAWAN BÎLA AISKA

⁶ Witin nani dukiara wisi, kupia kumi bara painka sin plikpara rayakam aiska ra.

Kli Smalkanka 23:6 ပူးပေါင်းရင်းမြစ်များ

2 Samuil 12:31

upla kau tawan ra bâra kan ba alkan bara wark takaia mangkan, sâ klakaia, ayan ni hu paskaia, asa ni klakaia bara walpa nani baikaia, baku sin diara angkaia watla walpa ni paskaia. Amón uplika nani tawanka nani sut wal sim baku daukan, baha ningkara ai daknika wal kli Jerusalem ra balan.

2 Samuil 16:12

Ban kra Dawan lika yang trabilki nani kaikbia, bara naiwa saura ai win walisna na watlika ra, yamnika nani blîkbia.

2 Samuil 8:2

Moab uplika nani ra sin pura luan, bara yan witin nani sut tasba ra aitnikan, bara kulki kaikaia kiwka brih kulki kaikan: kiwa wâl kulkanka bilara aimakan ba, ikaia pâtka ra lakan, kiwa kumi kulkanka bilara aimakan ba, ikras swin. Baku Moab uplika nani ba sin yan Debit ra bawan, bara ai lal mana sin aibapaia kan.

Esdras 9:12

Bara yang nani luhpi mairin nani ba, witin nani luhpia waitna nani wal maya baikamna apia wiram, baku sin luhpi waitna nani ba baha nani luhpia mairin nani wal maya baikamna apia wiram, witin nani aikuki sin kupia kumi lâka dauki, yamnika briaia lâka daukamna apia wiram, bara baku mika tawan ba karna kaia. Bara tasba ritska wina pi kamna wiram, bara wan luhpia nani ra prapatika yama piu bani ra ban kaia ra.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Miqueas 6:5

Nanara, upliki nani, naha na âmya ra bri bas: Moab kingka Balac, man nani ra daukaia luki kan ba, bara Beor luhpia Balaam sin pana aisin ba. Âmya ra sin luki bas, Sitim wina Guilgal kat impaki kapram yabalka ra diara nani takan ba tilara yang bui man nani dukiamra daukri ba kupiam krauki bas.”

Kulki Kaikanka 24:10

Balac walan witin aisin ba, bara Balaam mapara ai kupia sauhkan, bara ai mihta pruki aisin: —Yang mai paiwri waihli nani ra lahtubaia, sakuna naha kat aima yumhpa man yamni ni munisma.

Kli Smalkanka 7:8

Dawan Idsip wina mai sakan, man nani alba kapram, karnika tara ni king fero karnika wina pri mai sakan. Latwan mai kaikisa bara man nani almukkam nani ra pramis daukan ba daukaia want sa.