Kli Smalkanka 23:23 - DAWAN BÎLA AISKA

²³ Sakuna kupiam wina Dawan Gâdkam ra pramis daukisma kaka, man nani daukaia sma.

Kli Smalkanka 23:23 ပူးပေါင်းရင်းမြစ်များ

Lawana Nani 116:18

Pramiski nani aiska Dawan ra daukamni ai uplika nani ba sut mawanra,

Lawana Nani 50:14

¡Tingki wiaia lâka ba, Gâd ra prisantka yas; Laih Purara ba ra pain kulkan yaia pramiskam ba yas!

Sins Lâka 20:25

Upla Dawan ra diara kum pramis taki ba; bara baha ningkara diara daukaia win ba daukras, ai kupia wal aisaia ba trabil bâra sa.

Jirimaya 44:17

Sakuna yang nani dîa daukaia lukri ba baha ban dauki kamna, yang nani gâdki Kwin Kasbrika Purara bara witin ra kîa pain sakripaiska dauki wain sin bri sal yabamna, yang nani kainara dauki kapri ba baku nanara sin dauki kamna, damiki nani, king nani bara wihta nani Juda tawanka nani ra Jerusalem yabal ra sin dauki kan ba baku. Blasi yang nani plun ailal bri katna, diara sut yamni kan yang nani ra pât balras kan;

Libait Lâka 27:2

“Israel luhpia nani ra naku wis: Upla kum bui Dawan ra pramis daukan ba aibapaia want sa kaka, upla kum mana praiska ba aibapbia.

Kulki Kaikanka 30:2

upla kum Dawan nina ra aisi diara kum daukaia aisin kaka, witin dîa dîa daukaia win ba kat daukaia sa.

Matiu 5:33

“Man nani sin pat walram damikam nani ra win ba: ‘Swer taki Dawan mawanra aisaram ba kat daukaia sma.’

Apastil Nani Sturka 23:12

Yu wala titan, Ju nani asla taki swer taki kira lâ daukan, witin nani plun pibia apia, diara sin dibia apia, Pal ikbia ba kat.

Apastil Nani Sturka 23:21

Bamna man baha nani bîla walpara; kan witin nani tila wina waitna 40 pura yukuwi bîla kaikisa, swer sin taki banhwan plun piaia apia, diara sin diaia apia, Pal ikbia ba kat. Bara nanara baha nani ridi pali sa, dîa man wima ba bîlam kaikisa.

Kli Smalkanka 23:22

Pramis kum sin daukras sma kaka, saurakira mai kulkbia apia.

Kli Smalkanka 23:24

“Upla wainka nasla ra dimma kaka, sip sma piaia, sakuna kiamp ra lika brih waia apia.

Jasua 9:18

Sakuna Israel luhpia nani bui witin nani ba ikras, kan wihta tara nani ba witin nani ra Dawan nina ra Israel Gâdka nina ra swer takan, witin nani ba ikaia apia bara pâtka ban swih tikaia. Bamna tawan ba wihta nani mapara lawan,

Wihta Nani 11:35

Jefté ai luhpia mairin aula ba kaikan, bara sari lâka tara tukinka natka kat ai prâka ba kalkan bara witin ra win: —¡Ay, luhpi mairin, man sari lâka tara kum aikuma na! ¡Man pali bui kupi sarka lâka tara paskuma, yang sika Dawan wal pramis takri sa, bara yang dîa daukaia wîri ba dukiara bîli kat daukaia sna!

1 Samuil 1:11

bara Dawan ra witin pramis daukan: “Dawan karnika sut pali brisma ba, albikam mairin kupia kriwan na maisa nihkaia yamni lukisma kaka, yang ra luks bara luhpa waitna kum aik, bara ai rayaka yua nani sut ra witin ba man warkkam ra maikamna, bara tukinka ba lika ai tâwa ba klakan kabia apia.”

1 Samuil 14:24

Ban sakuna, Israel luhpia nani baha yua ba swapan pali kan, upla kumi sin plun piras kata, kan Saúl upla sut ra swer aisin ba mita, witin win: “Baha uplika ra naiwa lahtuban kabia witin pas plun pibia kaka, yang bui pas waihli nani ra pana muni pura luras sna kaka.”