Kli Smalkanka 23:18 - DAWAN BÎLA AISKA

¹⁸ Rug lâka wina lalah sakan ba man nani mita swirka Dawan Gâdkam tempelka ra mangkbiara, baku sâtka ba Dawan pain kaikras sa.

Kli Smalkanka 23:18 ပူးပေါင်းရင်းမြစ်များ

1 King Nani 14:24

Baha tasbaya ra bâra kan, ur waitna bara mairin nani sâtka, bara nisan wala nani saurka lâka nani ba bri, ai gâd bahki ra mayuni kan. Dawan bui Israel luhpia nani mawan wina lulki sakan saurka nani sut alki brih dauki kan.

Lawana Nani 22:16

Watawikira nani dakni tara kum, yul nani baku kir kutbi ai brisa, yang mihti bara mini sin witin nani kraukan sa.

Sins Lâka 26:11

Yul witin aikabata ba kli tawi pi ba, baku sa upla taniskira ai taniska kli aima wala dauki ba.

Aiseya 61:8

Kan Dawan ba wapni lâka ra latwan kaikisa, bara impliki upla iki ba misbara kaikisa. Witin mita baha nani ra kasak lâka ra mana yabia bara witin nani wal lâ kum daukbia ban kaia ra.

Isikiel 16:33

Ur mairin nani ra mana kum aibapisa; sakuna man lika latwan kaikisma ba sut ra prisantka yabi mana sin aibapisma, bara baku ani ani wina sut balbia ba ra man wal saura daukaia.

Libait Lâka 18:22

“Waitna tamhkia ra yappara, man mairin kum wal yapisma baku. Baha sika nina sauhkaia lâka saurka kau tara ba.

Libait Lâka 19:29

“Luhpiam mairin ba rug mairin takbiara, swirka ai swira daukbiara. Kuntrikam ba rug lâka bara saurka lâka ni banhki daukpara.

Libait Lâka 20:13

“Waitna kum waitna wala ra yapbia kaka mairin kum ra yapi ba baku, wâlsut ikan kabia. Silp ai prurika ba twilkbia, diara saura daukan bamna.

Libait Lâka 7:16

Sakripais wala, upla kum witin daiwan kum bri balan diara kum daukaia dukiara, Dawan wal aisi pramis takaia, witin aisin ba ai bîla kat daukaia dukiara, baha sika sakripais kum witin ai kupia brinka wina daukaia aula ba. Bara baha daiwra wîna ba sin, baha yua ba sut piaia, ban sakuna wîna ba ban pura luan kaka, baha lika ban sip sa tâka ba yauhka kat piaia.

Miqueas 1:7

Ai gâdka bahki, aidul lilka nani paski bri ba, baha nani sut yuya man krikan kabia; dus plamaya tara nani sunu bri ba, baha sut angkan kabia, kan rug mairin nani lalahka wal baha nani ba paskan sa, bamna kli rugka mairin nani lalahka ra lakamna.”

Abakuk 1:13

Man ban sunukira pali aihwa sma ba mita, saura ba aitani kulkaia sip apia sma, baku sin watawika lâka ba aitani yamni kulkaia dukiara; ¿bamna, nahki man upla âikra nani ra kaiki diara daukras sâp sma ki? ¿Bara upla kau saura nani ba mita upla wala kau yamni nani ra rausauhki ba ra, man diara sin daukras sma ba?

Malaquía 1:14

¡Saura pali kabia baha uplika ra ai daiwra daknika wina daiwan sunu kum, sakripais dauki aikaia wisi, watlika ra daiwan skahwa kum aiki ba! Yang sika King Tara, nisan nani sut yang ra sibrin lukisa.” Karnika sut bri Dawanka ba naha aisisa.

Matiu 7:6

“Diara holi nani ba man nani yul nani ra yapara, kan witin nani kli tawi bal man nani ra mai sami pîs pîs ra mai daukbia. Baku sin kwirku nani mawanra walpaya manakira nani ba lulkpara, kan baha witin nani ai mina ni taibia.

Kli Smalkanka 12:6

Bahara witin ai nina ra luki daiwan nani angki sakripais dauki kama, bara matawalsip mânka nani, mihtam warkka, wan kupia wina prisantka nani brih wama, baku sin daiwram tawahkia nani wina sin.

Kli Smalkanka 22:21

saura lâka tara pali dauki Israel purara ai aisa watla bilara sin swira lâka bri balan ba ra, aisika watla bîla wina saki latara bri si, tawan waitnika nani mita walpa ni sabi ikbia. Baku lika saurka lâka man nani tilamra âpu kabia.

Kli Smalkanka 23:21

“Dawan Gâdkam ra pramis daukma piua ra, daukras kapara, sakuna luki bas Dawan Gâdkam baha mana mai kulkbia, bara man nani ra saurakira mai kulkbia.

Pilipai 3:2

Aman kaiki banhwi bas baha upla saura nani ba mapara, witinka nani diara saura dadaukra nani bara wan wîna tara ra klaki banhwi ba.

2 Pita 2:22

Ban sakuna baha sins bîla aisin ba, naha bîla tânka nani wal praki aisisa: “Yul witin aikaban ba kli tawi pîsa, bara kwirku klin pali aihtabata ba, kli drapapa ra dimi aikarwisa.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.