Kli Smalkanka 23:17 - DAWAN BÎLA AISKA

¹⁷ “Israel luhpia nani tila wina waitna kum kra apia, mairin kra, rug taki gâdkas nani mayuni ba tilara dimi warkka takaia apia sa.

Kli Smalkanka 23:17 ပူးပေါင်းရင်းမြစ်များ

1 King Nani 14:24

Baha tasbaya ra bâra kan, ur waitna bara mairin nani sâtka, bara nisan wala nani saurka lâka nani ba bri, ai gâd bahki ra mayuni kan. Dawan bui Israel luhpia nani mawan wina lulki sakan saurka nani sut alki brih dauki kan.

1 King Nani 15:12

Kan kuntri ba wina, upla nani ur taki kan ba sut sakan, bara gâd bahki nani ai damika nani daukan kan ba sut sakan.

1 King Nani 22:46

Waitna nani mairin nani ur taki ban ai pura suni nani kan ban swin kan ba Asá piua ra, Josafat mita sika sut pali kangban tasba wala ra wan.

2 King Nani 23:7

Baku sin waitna bara mairin wal ur taki kan nani watla ba sut slingban, Dawan tempelka kat dauki kan prias kum baku, bahara sin mairin nani kwala mami kan gâd bahki Aserá ra yaia dukiara, baku prîs nani ba bui adar yaban kan.

Job 36:14

Kau wahma witin nani pruisa, ai rayaka ba danh takisa swira lâka ra.

Sins Lâka 2:16

Upla wala mairka nani wina sin pri mai sakan kabia, bîla tringsar aisi kunin mai aisi ba wina sin.

Oseas 4:14

Sakuna luhpiam mairin nani rug takisa wisi, klala yabamna apia, mulam yaptika nani, ai maya nakra praki banhwi ba sin apia, kan man nani pali sin rug mairin nani ba wal auma bamna; sakripaiskam daukaia, baha mairka nani aikuki asla takisma; witin nani ai pura sunaia lan taki baku ai maya lâka krikaia warkka dauki ba. ¡Sins lâka briaia tânka briras uplika nani ba baku rungwisa!

Libait Lâka 19:29

“Luhpiam mairin ba rug mairin takbiara, swirka ai swira daukbiara. Kuntrikam ba rug lâka bara saurka lâka ni banhki daukpara.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

Kli Smalkanka 22:21

saura lâka tara pali dauki Israel purara ai aisa watla bilara sin swira lâka bri balan ba ra, aisika watla bîla wina saki latara bri si, tawan waitnika nani mita walpa ni sabi ikbia. Baku lika saurka lâka man nani tilamra âpu kabia.

Kli Smalkanka 22:29

baku kaka waitnika ba tiarika aisika ra silbar mâ 50 aibapbia; bara swira daukan tâwan ai maya bribia, swiaia wauhkataya sip daukbia apia ai rayaka aiska ra.

1 Timoti 1:10

marit takras tâski lâka dauki nani ba, waitna ai tahkia wal tâski lâka dauki nani ba, upla ai tahkia ra impliki nani ba, kuninkira nani, swer taki kunin aisi nani ba sut, wibia sa kaka, ani uplika nani smalkanka kasak ba mapara bûi ba tani ra lâ ba bâra sa.

Wihta Nani 19:22

Witin nani bâra ai kupia kumi ai âuyapah pali kan, bara waitna saura nani kulki tawan ba wina balan, dama watla ba kutban bara mahka watla durka ba prukan, bara dama ra win: —¡Baha waitnika nani mai kaikaia wamtla ra balan ba, latara sâks! ¡Yang nani witin wal yapaisna!