Kli Smalkanka 22:21 - DAWAN BÎLA AISKA

²¹ saura lâka tara pali dauki Israel purara ai aisa watla bilara sin swira lâka bri balan ba ra, aisika watla bîla wina saki latara bri si, tawan waitnika nani mita walpa ni sabi ikbia. Baku lika saurka lâka man nani tilamra âpu kabia.

Kli Smalkanka 22:21 ပူးပေါင်းရင်းမြစ်များ

Blasi Sturka 34:7

Jekob luhpia waitna nani ba twi wina balan bara dîa takan sturka ba sut walan. Bara witin nani ai kupia baiki banhwan. Siquem, Dina ra taibi munan lâka ra wal yapan ba lika Israel mapara diara saura pali daukan. Baha daukanka saura ba lika daukaia apia pali saurka ba daukan.

Blasi Sturka 38:24

Baha takan ba wina kati yumhpa prais luan ba ra, upla nani bal Juda ra win: —Mulam yapti, Tamar waitna wala nani wal taukan bara kwihra tiwan. Juda baha walan ba ra, ai kupia baiki ai bîla karna aisin: —¡Man nani bui witin ba alki latara saki, pauta ra angks!

Libait Lâka 19:29

“Luhpiam mairin ba rug mairin takbiara, swirka ai swira daukbiara. Kuntrikam ba rug lâka bara saurka lâka ni banhki daukpara.

Libait Lâka 20:2

“Naha bîla nani na Israel luhpia nani ra wis: “Israel luhpia nani kum, apia kaka tringsar kum Israel tasbaya ra iwi ba, ai luhpia nani Moloc ra yabia kaka, upla wala nani mita uplika ba walpa ni sabi ikbia.

Libait Lâka 21:9

“Prîs luhpia kum ai aisa lâka lulkbia bara tiara rugkira takbia kaka, raya angkan kabia.

Libait Lâka 24:23

Bara Moses naha lâka Israel luhpia nani aikuki aisin; bara upla nani ba wih baha waitnika Dawan mapara saura aisin ba tint watla wina sakan, bara witin nani waitnika ba ikan. Dawan bui Moses ra dîa win ba kat daukan.

Kli Smalkanka 13:10

Idsip ra alba ra kapram, Dawan Gâdkam baha wina mai sakan ba tnaya ra mai lakaia dauki ba tâwan walpa ni sas, ikma ba kat.

Kli Smalkanka 13:5

Bara baha prapitka, apia kaka yapi kakairika ba pât ra lakan kabia, Dawan mapara buaia mai smalkan bamna, witin bui Idsip ra alba ra mai dingkan kan wina pri mai sakan ba, bara Dawan Gâd mita yabal nani mamriki adar maikan, baha nani wina tnaya ra tawaia. Baku lika saura lâka man nani tilamra ba, âpu daukan kabia.

Kli Smalkanka 13:6

“Ban kra muihkam, luhpiam nani, mayam lamtwankira, apia kaka pâmnika man wal kau pain ba mita, damra walras tukbi mai dingkbia gâd wala, damikam nani sin kaikras kan ba ra mayunra dauki yabaia,

Kli Smalkanka 17:5

Bara baha saurka daukan uplika ba, tawan wihtka mawan ra brih wabia, bara walpa ni sabi ikbia.

Kli Smalkanka 17:7

Witnis takan nani ba, pas pruaia pâtka ra lakan uplika ra walpa ni sabia, ningkara tawan aiska sin. Baku lika saura daukan ba man nani tilam wina sâkma.

Kli Smalkanka 19:19

wala dîa prais rau munaia wan kan ba baku witin ra rau munan kabia. Baku lika man nani tilamra saurka bâra ba, âpu daukbia.

Kli Smalkanka 21:21

Baku sa kaka, tawan waitnika sut mita walpa ni sabi ikbia. Baku lika man nani tawankam ra saurka lâka bâra ba âpu kabia, bara Israel uplika baha wali bara si bribia.

Kli Smalkanka 22:22

“Waitna kum mairin kum ai maya bri kaka wal prawbia kaka, wâlsut pruaia pâtka ra tawbia. Baku lika man nani saurka lâka Israel ra sâkma ba âpu daukaia sip kama.

Kli Smalkanka 22:24

tawan lâka watla mawanra wâlsut brih wabia, bahara pât ra laki walpa ni sabi ikbia. Tiarika ba tawan bîla kat kan bara hilp makabras kan ba tâwan, waitnika ba ai uplika maya takaia kan ba kulkras kan ba dukiara. Baku lika saurka lâka man nani tilamra âpu daukma.

Wihta Nani 19:23

Sakuna utla dawanka dama ba mita waitnika nani ra makaban: —¡Apia pali, upliki nani, du pali! ¡Naha saurka tara na man nani daukpara, waitnika na sika yang ai kaikaia impaki balan!

Wihta Nani 20:10

Kiamka bani ba tila wina, upla matawalsip bani tila wina kumi, witin nani suldiar nani ba pata pliki briaia wirhika ba baha nani ai purara bribia. Upla wala nani ba aiklaklabra nani Guibeá ra wabia, witin nani baha wan nina sauhkanka lâ tara pali daukan ba mana klala yabaia.

Wihta Nani 20:5

Sakuna baha tihmika tawanka uplika nani ba yang dimri watla ba kutbi brin, yang ai ikaia wisi, bara baku yang mayi lila ba alki saura muni ikan.

Wihta Nani 20:6

Bara yang mayi wîna tara ba tami sirpi daukri, bara wîna klakanka pîska nani ba kuntri aiska ra blikri, Israel aiska ra marikaia naha lâ krikanka tara na nina sauhkanka lâka tara daukan tânka ba marikaia.