Kli Smalkanka 21:23 - DAWAN BÎLA AISKA

²³ ai wîna tara ba tihmia aiska swika lalawaia apia, sakuna baha yua ra mahka bikaia, kan Gâd mapara saura kulkan sa upla kum dus ra pami ikan ba, bara Dawan Gâdkam bui tasba man nani dukiam maikaia ba ra tâski mai kulkbia apia.

Kli Smalkanka 21:23 ပူးပေါင်းရင်းမြစ်များ

2 Samuil 21:10

Bamna Rispá, Aiá luhpia mairin ba, sari lâka tukinka krukus kwalka talia dimi, walpa kum purara iwi kau ai pruanka nani ba main kaiki, barli mâ dâkan wina ban lî auhan ba kat, kakna ra tnawira nani sin swin bal piras, tihmia ra daiwan wail nani sin apia.

2 Samuil 21:6

brin wan daukisa waitnika ba kiamka wina, taika 7 yang nani mihti ra mangkma, bara yang nani bui pami swimna Guibeá Saúl tawanka ra, Dawan mawanra. Dawan bui bâk sakan kingka ba. King ba aitani lukan baha nani ba witin nani mihta ra mangkaia.

2 King Nani 10:8

Bara sturi bri balan uplika balan ba ra, Jehú ra witin win: —King luhpia nani lal ba witin nani pat bri balan sa. Bara Jehú adar yaban: —Tawan ra dur ra dimaia ba kat lal nani ba paskanka wâl dauki swis bâra kabia, yauhka titan kat.

Isikiel 39:12

Israel wina nani ba kati 7 piua briaia kabia, biki danh daukaia; kuntri ba klin daukbia ba kat.

Libait Lâka 18:25

Tawanka nani ba sut tâski sa, baha mita yang bui witin lâka daukri bara tawan bîla wina upla nani ba sait ra saki lulkan.

Kulki Kaikanka 25:4

bara Moses ra win: —Kiamka nani wihtka bani ba paiws asla takaia, bara kakna ra yang kaikisna ba ra witin nani ba iks. Bara baku lika lawanki Israel mapara ba wiria mâyara iwbia.

Jan 19:31

Insal luan Yua Liliaka kainara kata, bamna Ju nani want apia kan upla wîna tara nani ba dus prihni ra ban swiaia ris yua kat, kan baha ris yua ba lika kulkanka tara yabi kata. Baha mita Ju nani mita Pailat ra makaban suldiar nani blîkbia, dus prihni ra uplika nani ba kuhma dusa nani ba krikaia, ai wîna tara nani ba sin dus prihni ba wina lahbia.

Roman 9:3

bara yang muihki nani bara taiya nani sut ba mapara pain kaia sa kaka, kau yamni kabia yang na Kraist wina ai dakbi saki lahtuban mununhtara ai swibia.

1 Korint 16:22

Ani uplika Dawan Jisas Kraist ra latwan kaikras kaka, witin ba lahtuban kabia. ¡Wan Dawanka, bal!

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Kli Smalkanka 25:19

Dawan Gâdkam bui kuntrika man nani dukiam maikbia ba ra, waihlam nani wina dakbi mai sakan bara ris brima piua ra, tasbaya ba wina Amalec uplika nani lukanka ba diki sâkma. ¡Man nani âmya tikpara!

Kli Smalkanka 4:21

Ban sakuna, Dawan lika man nani pâtkam dukiara yang ra ai kupia sauhkan. Swer takan yang Jordan awala luamna apia, tasba man nani dukiam maikaia win ba ra sin dimamna apia.

Kli Smalkanka 7:26

Baha mita lulkan dukia kumi sin man nani wamtla ra bri wapara, man nani ra sin sauhki mai tikan kaia apia ba mata. Baha ba sauhki tikaia lâka sa, baha mita saura kulki banhwaia sma.

Jasua 7:12

Baha mita Israel luhpia nani ba ai waihla nani mapara sip bubia apia. Baha nani mawan wina witin nani plapaia sa, kan nanara Israel luhpia nani ba aitani sa sauhki tikaia lâka ra mangkan kaia. Bara man nani mahka pali, baha dukia nani sut slingbi tikaia mai wîri ba slingbi tikras sma kaka, yang lika man nani wal ban kamna apia.

Jasua 8:29

Witin sin adar yaban Ai kingka ba dus purara pami langki swiaia tutni kat. Yu diman ra witin kli adar yaban bara witin nani wan bara wîna tara ba saki tawan getka lamara bri balan, bara witin nani walpa tara nani bri sal wîna tara ba purara paski biki swin. Baha walpaya pura paskanka ba naiwa kat ban bâra sa.