Kli Smalkanka 21:22 - DAWAN BÎLA AISKA

²² “Upla kum kra saura daukan tâwan pruaia pâtka ra lakan, dus kum ra paman ba,

Kli Smalkanka 21:22 ပူးပေါင်းရင်းမြစ်များ

Blasi Sturka 40:19

Bara yu yumhpa ba bilka ra, king fero man wauhkamtaya nani ba sin saki laki kaikbia dîa tâwan silak ra mai mangkan ba, bara witin adar yabia dus ra mai langki mai ikaia, bara tnawira nani bal mai pibia.

2 Samuil 21:10

Bamna Rispá, Aiá luhpia mairin ba, sari lâka tukinka krukus kwalka talia dimi, walpa kum purara iwi kau ai pruanka nani ba main kaiki, barli mâ dâkan wina ban lî auhan ba kat, kakna ra tnawira nani sin swin bal piras, tihmia ra daiwan wail nani sin apia.

2 Samuil 21:6

brin wan daukisa waitnika ba kiamka wina, taika 7 yang nani mihti ra mangkma, bara yang nani bui pami swimna Guibeá Saúl tawanka ra, Dawan mawanra. Dawan bui bâk sakan kingka ba. King ba aitani lukan baha nani ba witin nani mihta ra mangkaia.

2 Samuil 21:9

bara baha nani ba Gabaón uplika nani mihta ra mangkan, witin nani baha nani ba il purara bri si Dawan mawanra langki ikan. Baku baha nani 7 ba sut asla pruan, barli mâ namika ra dâki kan ba piua nani ra.

2 Samuil 4:12

Ba ningkara, Debit wihta tara nani ra adar yan, bara baha nani ba ikan; mihta nani bara mina nani klakan bara Hebrón ra lî watla lamara baha nani ba pami swin. Baha ningkara Is-bóset lal ba brih ki, Hebrón ra biki banhwan, Abner raitika ra.

Kulki Kaikanka 25:4

bara Moses ra win: —Kiamka nani wihtka bani ba paiws asla takaia, bara kakna ra yang kaikisna ba ra witin nani ba iks. Bara baku lika lawanki Israel mapara ba wiria mâyara iwbia.

Matiu 26:66

¿bamna man nani nahki lukisma ki? Witin nani pana win: —¡Witin ba pâtkira sa, bara witin pruaia sa!

Mark 14:64

Man nani walram nahki ai bîla ni Gâd mapara saura aisin ba. ¿Nahki lukisma man nani? Bara sut mita pruaia pâtka ra lakan.

Luk 23:33

Witin nani Lalkamhka mâki ba tasbaya ra balan ba ra, Jisas ba dus prihni ra saban, saura dadaukra wâl ba sin: kumi ba aihkika tani ra, wala ba smihka tani ra.

Apastil Nani Sturka 23:29

bara tânka pliki kaikri, bara baha lika witin nani ai lâka ba dukiara kan, sakuna witin ra ikaia, apia kaka silak ra mangkaia pâtka âpu pali kan.

Apastil Nani Sturka 25:11

Yang diara saura kum daukri bara pruaia aitani kaka, yang wilin sna pruaia. Sakuna daihra kwahki nani sut ba kasak apia kaka, upla kumi mita sin sip apia witin nani mihta ra ai mangkaia. Bamna yang makabisna Rom kingka mita lâika ba daukbia.

Apastil Nani Sturka 25:25

Sakuna yang kaikisna witin pruaia pâtka briaia diara kumi sin daukras sa. Sakuna witin makaban Rom ra king tara ba mita ai lâka ba daukbia, bamna yang wilin takri sa witin na king tara ra blikaia.

Apastil Nani Sturka 26:31

Witin nani mahka taki wih, ai mânka taki, baha tânka ba aisin: —Naha waitnika diara kumi sin pruaia pâtka briaia daukras, silak ra kaia sin apia sa.

Kli Smalkanka 19:6

Yabal ba laihura sa kaka, pruan ba taika kum kau asla ba mita, pana munaia lukbia bara sip sa ai kupia baiki nina bliki ikaia, sakuna kasak tânka kat ba, aitani apia kan ikaia, kan kainara ai waihla apia kata.

Kli Smalkanka 22:26

Tiara ba ra lika saura takras, kan witin pruaia pâtka kumi sin daukras sa bamna; waitna kum mita waitna wala ra aiklabi ikbia ba, sim natka ra sa;

Jasua 10:26

Ningkara Jasua bui king nani ba ikan, bara blikan kumi bani ba dus kum ra pami swiaia bara baku swin ban yu diman ba kat.

Jasua 10:27

Bara baku yu lapta ba tutni taki ban ba ra, Jasua upla blikan dus ra paman ba wina alahbaia, bara kli sin tasba untika ra yukuwata ba ra dingki swin. Ningkara walpa nani wal dimaika kata prakan, bara naiwa kat kau ban bâra sa.

Jasua 8:29

Witin sin adar yaban Ai kingka ba dus purara pami langki swiaia tutni kat. Yu diman ra witin kli adar yaban bara witin nani wan bara wîna tara ba saki tawan getka lamara bri balan, bara witin nani walpa tara nani bri sal wîna tara ba purara paski biki swin. Baha walpaya pura paskanka ba naiwa kat ban bâra sa.

1 Samuil 26:16

Man daukankam ba yamni apia sa. Dawan nina ra swer takisna, man nani pruaia ba aitani sa, man nani dawankam kan kahbras kapram, Dawan bui bâk sakan kingka ba. ¡King langsika ba, laya watla ba sin lal lamara kata ba pliki kaiks, sâkma sapa!