Kli Smalkanka 20:6 - DAWAN BÎLA AISKA

⁶ Upla kum kra bâra sa, man nani tilam wina wain nasla daukan bara baha nasla wina kau diras kaka, sip sa ai watla ra tawi waia, ban kra sip sa war ra pruaia bara wainka nasla ra mâ nani ba upla wala wahbia.

Kli Smalkanka 20:6 ပူးပေါင်းရင်းမြစ်များ

Aiseya 65:22

Witin nani utla mâkbia apia, upla wala kra iwbia dukiara, witin nani sin mangkbia apia, upla wala baha wina pibia dukiara; kan dus nani rayaka yua bri ba baku, yang upliki nani rayaka yua sin yari bribia, yang upliki nani bâk saki briri ba ai mihta warkka nani liliaka ba bribia.

Jirimaya 31:5

Kli namsla nani mangkma Sameria ilka nani ra, insla daukma ba dusam mâ wina liliam bri kama.

Sofonías 1:13

Baha mita sika, ai dukia kukanka nani ba wal brih wabia, ai watla nani ba sin slingban kabia. Ai watla nani lika mâkbia, sakuna bahara iwbia apia; wain nasla nani sin daukbia apia, bara sin dibia apia.”

1 Korint 9:7

¿Ya suldiar aimaki ai mana nani aibapi ba? ¿Ya mita wain nasla nani mangki baha wina dabras ba? ¿Ya mita sîp nani main kaiki, tialka laya subi ba wina diras?

Kli Smalkanka 20:5

“Ningkara lalka nani ba aisi bara wibia: ‘Man nani tilam wina upla kum kra utla raya kum paski kau bâra dimras sa kaka, sip sa ai watla ra dimaia, ban kra sip sa war ra pruaia bara upla wala baha watla raya ba ra dimbia.

Kli Smalkanka 20:7

Upla kum kra ai maya takaia pramis daukan ba wal kau briras kaka, sip sa ai watla ra waia, ban kra sip sa war ra pruaia bara pramis munan ba wahma wala wal bribia.’