Kli Smalkanka 20:18 - DAWAN BÎLA AISKA

¹⁸ bara baku witin nani ai gâdka bahki nani ra mayuni diara saura nani dauki ba mai smalkbia apia, bara mai munbia Dawan Gâdkam mapara saura daukaia.

Kli Smalkanka 20:18 ပူးပေါင်းရင်းမြစ်များ

2 King Nani 21:3

idan nani gâdka bahki watla nani ai aisika Ezequías mita sauhki tikan kata ba kli paskan; Baal altarka kata ba paskan, Aserá lilka sin kli daukan, Israel kingka Ahab daukan kata ba baku; baha sut purkara slilma nani kasbrika purara nani ra ba ra mayuni prias daukan.

Impakan Sturka 23:32

“Witin nani wal ban kra bara ai gâdka nani wal sin, kupia kumi takaia wisi aisi lâ daukpara.

Impakan Sturka 23:33

Witin nani ba man nani tasbayam ra swirka takaskaia lâka sin daukpara, witin nani kra mai munka, yang maipara saura yama kra sîa. Ai gâdka ra kra wih puram suni mayunma kaka, baha ba man nani kauhankam kabia tiwaia lâka ra.”

Impakan Sturka 34:12

“Baha tasbaya ra dimma ba ra, uplika nani ba wal lâ kumi sin daukpara pali, baha mita minam alkaika ra kauhma apia.

Impakan Sturka 34:16

apia kaka luhpiam mairin nani bara luhpiam waitna nani ba sin bribia, witin nani ai luhpia waitna ai luhpia mairin nani ba wal maya baikaia, bara gâd bahki nani nina bliki watawi daukbia.

1 Korint 15:33

Man nani mamwahkpara. Aisanka kum aisi ba baku: “Wan pânika saura nani mita wan lâka pain nani ba sauhkisa.”

2 Korint 6:17

Bamna witin bila sin: “Witin nani lilapaska ba wina dakwi taki bal taks, Dawan bila; diara tâski ba kangbi banhpara. Bâra mika yang mita mai brimna,

Epesus 5:11

Diara bahki nani tihmia uplika nani dauki ba wal sin prawpara; sakuna kau pain sa baha diara nani ba ingni ra sal sâkma.

Kli Smalkanka 18:19

Bara ani uplika naha prapitka yang nini ra aisabia ba walras kaka, pâtka ba yang bui witin ra kahbamna.

Kli Smalkanka 18:9

“Dawan Gâdkam bui baha kuntrika maikaia win ba ra dimma taim, nisanka daukanka saura nani wal prawpara.

Kli Smalkanka 20:17

Ban sakuna, Dawan dukiara sakripais kum baku sauhki tiks hitita nani, amorreo nani, Kenan uplika nani, ferezeo nani, heveo nani bara Jebús uplika nani sut, dîa mai win ba kat daukma,

Kli Smalkanka 20:19

“Man nani tawan kum ra dimaia sma kama kaka, man nani piu wihka kutbi bri kaia sma. Dus nani mâ bri ba asa wal klakpara, kan baha ba man nani patam kabia, baha nani ba dus wail sa, upla âpu sa man aiklabisma ba mampara aiklabaia.

Kli Smalkanka 9:5

Prisant nani ba dukiara apia man nani ra umpira mai kaikan, ai kuntrika ra man nani pliskam brisma ba. Dawan bui man nani mamwan wina saki lulkisa, witin nani ai saurka tâwan. Bara Ebraham ra, Aisak ra bara Jekob ra, man nani damikam nani ra pramis daukan ba daukbia.

2 Tesalonaika 3:14

Ya ya naha wauhkataya ra ulbi wisna na bîla wali daukras kaka, uplika ba aman pali kaiki bas, bara witin wal bisnis âpu bas; baku witin ai swira bri kabia.

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

Wihta Nani 2:3

Baha mita nanara yang bui man nani ra mai wisni: Baha uplika nani ba man nani mamwan wina kangbi sakamna apia, witin nani aidulka nani ba sin man nani minam prukaika nani kabia.”