Kli Smalkanka 20:14 - DAWAN BÎLA AISKA

¹⁴ Dawan Gâdkam mita man nani waihlam baha tawanka bilara ba wina, mihta dakbi mairka, tuktika bara daiwra nani sut maikbia, baha wina pih aibanhwi liliam takma.

Kli Smalkanka 20:14 ပူးပေါင်းရင်းမြစ်များ

2 Kronikas 20:25

Bara baha ningkara Josafat ai uplika aikuki kupia tanh krawan, ai waihla nani diara swih wan ba wih wahbi briaia. Witin nani wan bara aiklabaia dukia nani, kwala nani bâra kan, bara baha sut witin nani wahbi kan. Diara ailal pali kan bamna, sut bri waia sip apia kan. Baha diara ailalka ba yu yumhpa wahbi kan.

Lawana Nani 68:12

“¡King nani ba ai aiklaklabra aikuki plapisa!” Mairin nani ba, watla ba ra yui bri banhwisa, dîa ai waihla mihta wina dakban kata ba dukia nani ba.

Kulki Kaikanka 31:11

Bara dîa dîa sut mihta dakban ba, upla nani bara daiwan nani ba sut,

Kulki Kaikanka 31:12

baha dukia nani ba brih ki Moses ra bri balan, Eleazar ra, Israel upla nani sut ra sin, baha nani ba ai watla dauki Moab twiya ra kata, Jordan lamara, Jeriko ra waia yabalka ra.

Kulki Kaikanka 31:15

bamna witin nani ra win: —¿Dîa muni man nani mairin nani ba ikras raya ban swih banhram?

Kulki Kaikanka 31:18

mairin tiara kau waitna tânka kaikras nani ba lika ban swis, baha nani ba lika yarka man nani wal kabia.

Kulki Kaikanka 31:9

Israel luhpia nani mita Madián mairka nani bara luhpia kau sirpi nani ba sin priski brih wan, bara daiwra nani sin mihta dakban, bîp nani, diara mana tara dukia nani kan ba sin brin.

Roman 8:37

Sakuna baha sut tilara, yawan na kau pura lalura sa, witin mita latwan wan kaikan bamna.

Kli Smalkanka 2:35

Yang nani dakbi briri tawanka nani wina alkri ba daiwan nani, diara mana tara dukia nani baman bri banhri.

Kli Smalkanka 20:15

Baha tawanka uplika nani nisanka nani man nani iwisma ba wina laihura iwi nani ba ra sin baku daukma.

Jasua 11:14

Baha tawanka ra iwi kan ba sut sord napa malika ra pruan, upla kumi sin swakras, daiwra nani bara diara sut bâra kan ba brin.

Jasua 22:8

Bara witin nani ra win: “Man nani lika kli tasbayam ra tawi was, diara ailal brisma ba wal, bara daiwram ailal, gul, silbar, bras, ayan bara kwala nani ailal wal. Muihkam nani kira yui bris, kan naha lika waihlam nani wina dakbi briram.”

Jasua 8:2

bara man bui Ai tawanka kingka ba ra, Jeriko tawanka kingka ra sin daukan ba baku man dauks, sakuna naha taim lika Ai ra pura luma ba ra, diara nani ba, daiwan nani ba sut man nani dukiam kabia. Bamna ridi taks tawanka nina tani bâk dimi kutbi alkaia.”