Kli Smalkanka 2:9 - DAWAN BÎLA AISKA

⁹ Bamna Dawan bui ai win: ‘Moab uplika nani ra trabil munpara, saura sin munpara, kan witin nani ba Lot kiamka nani sa. Baha kuntrika wina man nani tasba pîs lupia sin brima apia, yang bui Ar tasbaya ba witin nani ai dukia yabri bamna.’

Kli Smalkanka 2:9 ပူးပေါင်းရင်းမြစ်များ

2 Kronikas 20:10

Bamna nanara, nâra sa Amón uplika nani, Moab uplika nani bara Seír untika biara ra iwi uplika nani sin, bara Israel luhpia nani Idsip wina aula kan taim man naha tasbaya nani ba ra diman mai daukras kan, sakuna baha wina tnaya ra tawan kan, baha mita sauhki tikras kan.

Lawana Nani 83:8

bara Asiria nani sut witin ra asla takan, Lot luhpia nani klahkla karnikira kata ba.

Aiseya 15:1

Moab, mapara dahra aisin ba: baha tihmia ra Ar ra sauhki kan ba ra, Moab tasbaya sin sauhki tikan sa. Tihmia ra Quir ba sauhki tikan bara Moab tasbaya sin sauhki tikan sa.

Kulki Kaikanka 21:15

bara tingni nani un bâk, baha nani impaki Ar ra waia tasbaya kat wi ba, bara ban Moab tasbaya ra waia piarkika bâk wisa.”

Kulki Kaikanka 21:28

Bamna Hesbón wina, Sihón tawanka ba, pauta klauhan kiasmika ba bal takan, Moab ra Ar tawanka nani ba âpu daukan, bara baku sin Arnón tasbaya pura nani ba.

Kulki Kaikanka 22:4

Bara Moab uplika nani mita Madián almukka nani ra win: “Naha uplika nani balan na wan tasbaya aiska na âpu daukbia, bîp wainhka kum insla ra dimi diara pâwi kan sut pi âpu dauki ba baku.” Baha piua Balac ba Moab kingka kata,

Kli Smalkanka 2:29

Isau kiamka nani Seír ra iwi ba ra, Moab uplika nani Ar ra iwi ba, yang nani wal pramis daukan ba baku, yang nani Jordan awala ba lui bara Dawan yang nani Gâdki mita kuntri kum aikaia win ya ba ra wamna ba kat.’

Kli Smalkanka 2:5

bara man nani lika witin wal unsapara, kan baha tasbaya wina yang pîs kum sin maikaia apia sna, kan Seír ilka tasbaya nani ba Isau kiamka nani tasbaya yang yabri.

Wihta Nani 11:15

bara naku ai bîla blikan: “Jefté naha bîla nani pana mai wiaia yang nani ai blikan: Yang nani Israel luhpia nani, man nani tasbayam nani ba yang nani bui mihtam wina dakbi briras, Moab kiamka tasbaya, Amón kiamka tasbaya nani sin apia.

Wihta Nani 11:17

Cadés wina yang nani Edom kingka ra upla nani saki bîli smalki blikri, witin ra makabaia adar wankbia, yang nani Edom tasbaya bâk lui waia, sakuna king ba yang nani ra adar wankaia apia win ai tasbaya bâk lui waia. Bara yang nani bui Moab kingka ra sin makabri, sakuna witin sin yang nani ra adar aikras kan ai tasbaya bâk lui waia. Baha mita yang nani ba Cadés ra takaskri.

Wihta Nani 11:18

Baha wina, yang nani ban upla iwras tasbaya ra watauki kapri, bara Edom tasbaya nani lamak, Moab tasbaya nani lamak sin. Bara ban Moab tasbaya lalma tani ba kat yang nani wari. Bahara tintki watla bapri, Arnón awala un kat. Sakuna yang nani awala baila wala ra lika luras kapri, kan baila wala ba lika Moab tasbaya piarkika bamna.