Kli Smalkanka 2:29 - DAWAN BÎLA AISKA

²⁹ Isau kiamka nani Seír ra iwi ba ra, Moab uplika nani Ar ra iwi ba, yang nani wal pramis daukan ba baku, yang nani Jordan awala ba lui bara Dawan yang nani Gâdki mita kuntri kum aikaia win ya ba ra wamna ba kat.’

Kli Smalkanka 2:29 ပူးပေါင်းရင်းမြစ်များ

Blasi Sturka 19:37

Bara ai luhpia mairin almukka ba ai luhpia waitna kum baikan, ai nina ba Moab mâkan, witin sika naiwa kat baha Moab uplika nani aisika mâkan sa.

Impakan Sturka 20:12

“Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.

Kulki Kaikanka 20:18

Sakuna Edom kingka ba pana win: —¡Tasbayi piarkika bâk sin lupara; luma kaka, aiklaklabra nani aikuki mampara wamna!

Kli Smalkanka 1:8

Yang bui tasba ba man nani mihtam ra mangkri sa; man nani was bara tasbaya ba brih iws. Kan yang bui Dawan ra swer taki yabaia aisari, man nani damikam Ebraham, Aisak, Jekob bara ai kiamka nani ra sin.’

Kli Smalkanka 2:9

Bamna Dawan bui ai win: ‘Moab uplika nani ra trabil munpara, saura sin munpara, kan witin nani ba Lot kiamka nani sa. Baha kuntrika wina man nani tasba pîs lupia sin brima apia, yang bui Ar tasbaya ba witin nani ai dukia yabri bamna.’

Kli Smalkanka 23:5

Sakuna Dawan Gâdkam Balaam ra walras kan, sakuna ai lahtubanka ba lamtwan ba mita, witin mita yamni ra lakan man nani dukiamra.

Kli Smalkanka 25:15

Ban sakuna, paun munan kasak kaia, Dawan Gâdkam bui kuntrika maikaia ba ra mani ailal raya kama dukiara.

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 4:21

Ban sakuna, Dawan lika man nani pâtkam dukiara yang ra ai kupia sauhkan. Swer takan yang Jordan awala luamna apia, tasba man nani dukiam maikaia win ba ra sin dimamna apia.

Kli Smalkanka 4:40

Ai lâka bîla nani naiwa maikisna na, man nani dauks, bara yamni kama, kiamkam nani ra sin. Dawan Gâd bui kuntrikam ban kaia ra maikuya ba ra pruras mani ailal raya banhwi kama.”

Kli Smalkanka 5:16

‘Man aisikam bara man yaptikam sin pain kulki bas, Dawan Gâdkam adarka mai win ba baku. Baku man piuam yari bri kama, bara diara sut man ra yamni takbia Dawan Gâdkam wina maikuya ba tasbaya ra.

Kli Smalkanka 9:6

Nu bas man nani kasak sma tâwan Dawan baha tasbaya disang ba maikras, kan man nani lika upla kum lamla karna sa.