Kli Smalkanka 2:24 - DAWAN BÎLA AISKA

²⁴ Baha ningkara, Dawan bui yang ra ai win: ‘¡Man nani kainamra was bara Arnón awala baila wala ra lus! Sihón amorreo ba, Hesbón kingka ba tasbaya sin yang bui man nani mihtam ra mangkaisna. Bamna tasbaya ra dims bara mapara aiklas.

Kli Smalkanka 2:24 ပူးပေါင်းရင်းမြစ်များ

2 Kronikas 36:23

“Ciro, Persia kingka, naku lâ mangkisa: Dawan ba, kasbrika purara nani Gâdka ba, yang mihti ra mangkan sa tasba ra king nani ba sut, bara sin ai win sa ai tempelka kum Jerusalem ra paskaia, baha lika Juda tasbaya pîska ra. Baku bamna, man nani tilamra Dawan uplika sma kaka, bahara was bara Dawan Gâdkam bui hilp mai munbia.”

Esdras 1:2

“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Jirimaya 27:5

Yang karniki tara ba param mariki tasba na paskri, upla nani, daiwan nani diara sut bilara ba sin, bara yaura baha yabaia lukisna ba ra yabisna.

Isikiel 29:20

Yabaisna Nabucodonosor ba, Idsip bribia, Tiro mapara aiklabanka bukan ba mana; kan yang dukira wark daukan sa. Yang, Dawan, kasak aisisna.

Daniel 2:38

ani anira upla nani iwi ba sut purara karnika ba maikan sa, daiwan nani bara tnawira nani ba sin, witin mita baha nani sut ba karnikam mununhtara mangkan sa, baha sika gul ni paskan ba, king tara, man.

Daniel 4:17

Naha lâka nani sika aihwawakra insalka holi nani wan win ba, upla nani sut ba tânka bribia dukiara, Laih Purara iwi Gâdka ba naha tasba kingka nani sut purara karnika bri ba, witin yaura king lâka yaia ba yabisa, bara nisan kum tâ aimaki kau upla mâyara ba buki tara daukisa.’

Kulki Kaikanka 21:12

Baha wina kli taki impaki, Zéred tingnika ra takaski bahara ai watla mâki banhwan.

Kli Smalkanka 2:36

Aroer tawanka tara Arnón awala un ra bâra ba, bara tawan tara il bîla ra bâra ba wina ba Galaad kat, tawan kumi sin karnika âpu kan wan mapara bûi aiklabaia. Dawan wan Gâdka mita baha nani sut ba yawan mihta ra kauhaia daukan.

Jasua 6:16

Prîs nani ba 7 yua ba trumpit puhban, bara Jasua sin upla nani ra win: “¡Nanara man nani sin puram wins! Tawanka na Dawan bui man nani mihtam ra mangkan sa.