Kli Smalkanka 2:23 - DAWAN BÎLA AISKA

²³ Heveo nani ra sin baku takan, witin nani Gaza tawanka lupia nani ra iwi kan ba, bara filisteo nani, Creta wina bal âpu dauki, bara witin nani baha tasbaya ra iwan.)

Kli Smalkanka 2:23 ပူးပေါင်းရင်းမြစ်များ

Blasi Sturka 10:14

petruseo nani, casluhíta nani bara caftorita nani sin; baha nani kiamka wina filisteo nani ba bal takan.

Blasi Sturka 10:19

Witin nani ai tasbaya piarkika ba, Sidón wina waupasa tani ra Guerar kat, baha lika Gaza lamara, baha wina lalma tani ra Sodoma, Gomora, Adma ban Seboím bâk lui Lesa lama kat.

1 King Nani 4:24

Bara witin lika Éufrates tasbaya muna tani aiska tâ aimaki kan, Tífsah wina ban Gaza kat, bara naha tasbaya kingka nani sut purara, bara ai tnaya aiska kir kupia kumi bri kan.

2 King Nani 18:8

Ba purkara sin, filisteo nani ra aiklabi pura luan Gaza ra, bara ai tasbaya piarkika nani kan ba sin sut dakban, tawer aihwawakra nani pliska purara daukan ba wina, tawan karnika kutbanka ba kat.

1 Kronikas 1:12

Patrus uplika nani, casluhíta nani bara caftorita nani sut ba. Baha nani kiamka wina sika filisteo nani ba bal takan.

Jirimaya 25:20

bara upla wala nani masraka sât sât nani bâra ba nani ra sin; Us tasbaya kingka nani sut ra, filisteo nani tasbaya aiska ra: Ascalón, Gaza, Ecrón, Asdod ra takaski nani ba sin;

Jirimaya 47:4

Filisteo nani ba âpu daukaia aikan bamna, witin nani Tiro, Sidón wina dakbi sakaia hilpka nani briaia ba takaskbia.” Âu, filisteo nani ba Dawan mita sauhkbia, witin nani Creta wina balan ba.

Emus 9:7

Dawan bui Israel luhpia nani ra aisisa: “Etiopía uplika nani ba, man nani wal, yang maipara upla sâtka kumi banhwisma. Israel luhpia nani, Idsip tasbaya ba wina yang saki bri balri ba baku, filisteo uplika nani sin, Creta wina yang saki bri balri, baku sin Siria uplika nani ba, Quir wina yang saki bri balri.”

Sofonías 2:4

Gaza tawanka tara ba âpu daukbia, Ascalón sin sauhki tikan kabia, Asdod ra iwi uplika nani ba sin baha yua pali kangbi sakan kabia, bara Ecrón uplika nani lika, pliska wina sakan kabia.

Sakaraya 9:5

“Ascalón tawanka uplika nani baha kaikbia ba ra, kasak sirang iwbia. Gaza tawanka uplika nani sin pât uya wauhbia, Ecrón uplika nani sin bîla kaikanka âpu takbia. ¡Gaza ra king âpu kabia, Ascalón ra sin upla âpu!

Apastil Nani Sturka 17:26

‘‘Waitna kumi wina baman witin bui nisan nani sut paskan, baha nani ba tasba aiska ra iwbia dukiara; bamna piua ba bara anira witin nani iwaia ba sin marikan sa,

Jasua 10:41

Bara Jasua Cadés-barnea wina Gaza kat sauhki tikan, bara Gosen tasbaya wina Gabaón kat. Naha kingka nani ai tasbaya nani sin, Jasua sut dauki brin, kan Dawan Israel Gâdka, witin nani tâwan aiklabata bamna.

Jasua 11:22

bara baku Anac upla tara kiamka kumi sin raya swiras, Israel tasba piarkika ra iwi kan nani ba. Anac kiamka tara Gaza ra, Gat bara Asdod ra iwi kan nani baman takaskan.

Jasua 13:3

baha sika Sihor awala wina auya ba, Idsip lalma ra, Ecrón piarkika kat baha yahbra tani ra, baha lika Kena uplika nani tasbaya kulkisa, bahara wihta nani matsip bâra sa, baha nani sika Gaza, Asdod, Ascalón, Gat bara Ecrón wihtka nani. Aveo nani tasbaya pîska nani sin takaskan

Jasua 15:47

Asdod tawanka tara bara tawan sirpi nani ba sut, bara Gaza tawanka tara ai tawanka sirpi nani kira, Idsip tingnika kat bara Mediterráneo kabuka piarkika nani kat.

Wihta Nani 1:18

Ban sakuna, Gaza, Ascalón bara Ecrón tawanka nani lika sip dakbi briras kan, tasbaya nani ai lamara ba sin apia.