Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.
Man nani pain nu sma, kuna brin ai daukisa, Dawan ba mita sika Israel luhpia nani ba Idsip wina sakan, ningkara witin nani tilara, ani uplika nani kasak lukras kan ba âpu sauhki tikan.
Aima bani witin nani war aiklabaia taki wan ba ra, Dawan ba witin nani mapara kan, baha mita witin nani ai daukanka ba saura baman taki kan. Dawan ba Israel luhpia nani ra karna dihbi kan, ban sakuna,
Tawanka aiska ba purara prura sibrinka pat dingkan kan, Gâd wina klala karna pali blikan ba witin nani kaikan bamna. Bara filisteo wihta tara nani ba sut asla paiwan, bara win: “Israel Gâdka lâka auhbaia watla ba naha wina brih sâks. Kli bri si watla ra swis, kau wan iki âpu wan daukras ba ra.”
Baha takan ba ningkara, Dawan bui Asdod uplika nani sut ba ai tasbaya aiska ra sin klala saura yan, sibrin tara dingkan bara yukri sikniska ni sin wipan.
Naku filisteo nani ba pura luan kata, bara witin nani kli baku Israel luhpia nani tasbaya mapara dimi waras kan; Samuil raya kan ba piua nani sut ra Dawan filisteo nani mapara karna kan.