Kli Smalkanka 19:15 - DAWAN BÎLA AISKA

¹⁵ “Upla kum saura daukan, apia kaka swakwanka dukiara, witnis dahra kwakwahkra kumi baman lika aitani kabia apia. Dahra kwakwahkra ba wâl, apia kaka yumhpa kaka lika, ai witniska ba aitani kulkbia.

Kli Smalkanka 19:15 ပူးပေါင်းရင်းမြစ်များ

1 King Nani 21:10

Ningkara witin mawanra kuninkira wâl yas bubia, bara witin nani Nabot mapara kunin aisi wibia witin ba Gâd mapara bara king mapara sin saura aisan. Bara ningkara sâks, bara walpa ni sabi iki banhs.’’

1 King Nani 21:13

Bara kunin aisasara wâl balan, bara witin mawanra iwan, bara baha waitna kuninkira wâl ba, Nabot mapara kunin aisi upla nani ra win Nabot lika Gâd mapara bara king mapara sin saura aisin. Bamna tawan ba wina latara saki bri si walpa ni sabi ikan.

Kulki Kaikanka 35:30

“Upla ailal witnis aisi mita upla âikra kum pruaia pâtka ra lakaia sip sa. Sakuna witnis kumi mita lika sip apia upla kum ikaia.

Matiu 18:16

Sakuna bîlam walras kaka, kau upla kumi, apia kaka wâl paiws, bara dahra saki aisabia ba, witnis wâl, apia kaka yumhpa kaia sa.

Jan 7:51

—Wan lâka ba kat sip apia sa, upla kum ra baku saura kulkaia, yawan pali mita witin dîa daukan tânka kau walras kaka.

Jan 8:17

Man nani lâmka ra ulban sa, upla wâl witnis aisabia kaka, baha lika kasak kulkaia sa.

2 Korint 13:1

Bamna naha kat lika pat aima yumhpa yang na man nani ra aulna. Witnis wâl, apia kaka yumhpa bîla aisabia bara upla sut aitani lukaia sa.

Kli Smalkanka 17:6

“Upla kum ikaia sa kaka, witnis wâl, apia kaka witnis yumhpa ai witnis kaia, sakuna witnis kumi baman aisabia kaka, sip ikras kabia.

1 Timoti 5:19

Serts almukka kum dahra kwahki nani kaka, man baha walpara; witnis wâl, apia kaka yumhpa takbia kaka lika, man wals.

Hibru Nani 10:28

Upla kum Moses lâka ba bîla lulkuya, bara witnis wâl, apia kaka yumhpa witin mapara sa kaka, umpira kaikras pali uplika ba prura pâtka ra mangkisa.