Kli Smalkanka 18:22 - DAWAN BÎLA AISKA

²² Prapitka Dawan nina ra aisin ba baku takras kaka, tânka ba Dawan bui witin ra wiras kan, sakuna prapit ba kaiki ban aisin mayunra lâka ra, baha mita man nani sîa yapara.

Kli Smalkanka 18:22 ပူးပေါင်းရင်းမြစ်များ

1 King Nani 22:28

Kau ban Micaías aisin: “Man raya kli balma kaka, Dawan ba yang bâk aisaras kan.”

2 King Nani 20:1

Baha yua nani ra Ezequías ba sikniska saura pali alkan, pruaia man kan. Bara Aiseya, Emus luhpia ba balan witin ra kaikaia bara win: —Dawan ba naku wisa: ‘Man wamtla uplika nani ra lâs bîla nani smalks, kan man pruaisma; man sikniskam na wina rawma apia.’

Sins Lâka 26:2

Tininiska namhpa namhpa pâli watla tauki ba baku, tânkas lahtubanka ba ban taukisa, kuna diara takras sa.

Aiseya 41:22

Diara nani bal takaia ba dukiara man nani param wan wis, diara pat taki luan ba tânka ba sin wan wis yang nani aman wali kamna; bara diara nani naika takaia ba sin wan wis, ani kat takaskuya yang nani kaikaia;

Jona 4:2

Bara Dawan ra ai pura suni, naku win: —Kaiks, Dawan, naha naku takaia ba yang pat aisari kan kau waitla ra katna ba ra. Baha mita sika Tarsis ra aihni plapaia lukatna ba, kan yang kaikisna man kupiam lukra ba swapni sa, upla ra kupiam baiki si kli pat umpira kaikisma, upla ra latwan pali kaikisma ba mita rausauhkaia pâli si, kli pat kupiam lakisma.

Sakaraya 2:13

¡Yarka upla nani sut Dawan mawanra sâp pali kabia, kan witin iwi yaba watla holikira ba wina yawan ra aula sa!

Kli Smalkanka 18:20

Sakuna prapit ra, yang diara wiras kapri nini bri aimayuni aisi ba, apia kaka gâd wala nani nina brih aisi ba, witin ba pruaia pâtka ra lakan kabia.’

Kli Smalkanka 18:21

Bara man nani kupiam ra lukma: ‘¿Yawan nahki wan tânka bribia aisanka ba Dawan bîla apia sapa?’ Man nani naha na damra wali bas:

1 Samuil 3:19

Samuil pâwan, Dawan lika witin wal kan, tâ baikan ai pramiska nani sut ba daukaia.