Kli Smalkanka 18:10 - DAWAN BÎLA AISKA

¹⁰ Man nani wina kumi sin luhpiam pauta ra bri si sakripais dauki yapara, dahra pliki saki warkka sin daukpara, kainara dîa takaia ba aisi wipara, sukia warkka sin daukpara,

Kli Smalkanka 18:10 ပူးပေါင်းရင်းမြစ်များ

Blasi Sturka 44:5

yang Dawanki bahara diara laiki di, baha wina smaya kaiki kan kapka ba? ¡Man nani diara saura pali daukram!’

2 King Nani 16:3

sakuna Israel kingka nani yabalka ra tauki kan, ai luhpia ba sakripais daukaia yaban, tasba wala nani Dawan yamni kaikras dukia nani dauki kan ba baku witin sin daukan, bara Dawan mita Israel luhpia nani ai mawan wina kangbi sakan.

2 King Nani 17:15

Bara witin nani ai lâka nani ba lulki swin, bara sin ai damika nani wal lâ aisi daukan kan ba sut krikan, baha tânka bribia dukiara kaina wina ulbi swin kan ba witin nani dukiara. Bara baku gâd bahki nani ba nina blikan, bara witin nani ba sin bahki baman takan. Baha purkara sin, nisan sât wala nani witin nani ai lamara iwi nani kan ba ninara wan, baha pali dukiara sika Dawan mita pat win kan daukbiara naha uplika nani dauki ba.

2 King Nani 17:17

Baku sin ai luhpia waitna bara ai luhpia mairin nani ba pauta ra angkan, baku sin ai kanra diara takaia ba kaiki wi uplika nani ra ai kaina kaiki kan, bara diara luki sakisa wisi dauki nani ra ai tânka pliki kan, baku sika witin nani Dawan mawanra diara saura dauki banhwi kan, bara baku Dawan kupia sauhki kan.

2 King Nani 21:6

Baha purkara, ai luhpia waitna nani pauta ra angkan sakripais daukaia wisi, bara pirit bahki nani ra, smaya kakaira nani ra, pirit saura warkka dauki bara sukia lâka nani sin bukan. Saura pali Dawan nakra ra daukan, baha sât saurka nani dauki kan ba mita Dawan kupia sauhki kan.

2 King Nani 23:24

Baku sin Josías ba sukia nani, diara wan kanra takaia nani ba nu wan munisa wisi kunin aisi nani ba, upla nani ai tila kat aidul nani bri kan ba, bara aidul wala saura nani Jerusalem bara Juda wal ai tilara bri kan nani ba sut âpu daukan, baha bîla lâka nani prîs Hilquías mita Dawan watla ra kan sakan ba wauhkataya ra ulban kan ba tânka kat.

1 Kronikas 10:13

Bamna baku Saúl ai saurka ba mita pruan, kan witin saura daukan bara Dawan lâ yan ba kulkras, sukia kumi ra ni wih wal aisin,

2 Kronikas 28:3

bara Ben-hinom il langnika ra sakripais dauki dus mâka kîa nani angkan, saura dadaukra nani Dawan mita Israel luhpia nani mawan wina kangbi sakata ba.

2 Kronikas 33:6

Bara ai luhpia nani sakripais angkan Ben-hinom langnika ra, pirit nani ra wih ai pura sunan, yapi kaiki nani ra wan, diara kaiki nani ra wan pirit saura ra winaia, ai pura sunaia lâka bukan, sukia lâka nani daukan. Ai daukanka Dawan saura pali ba Dawan nakra ra daukan, Dawan kupia baikaia dukiara.

Impakan Sturka 22:17

Kuna tuktan mairin aisika mita witin ra ai luhpia mairin ba yaia apia wisa kaka sin, witin tuktan mairin waitna tânka kaikras kan munan ba praiska kulki ba lika aibapaia sa.

Impakan Sturka 22:18

“Sukia sâtka kumi sin swirka raya kabiara.

Aiseya 47:13

Lâ smalki, kupiam krauki nani ailal bri katma tilara, ban swapni takram. ¡Witin nani nanara bal bubia bara tâmwan aisabia, kasbrika pura tânka plaplikra nani ba mawanra, diara nani puramra aula ba kaikan dahra mai wiaia dukiara!

Jirimaya 27:10

Baha witin nani aisi ba kunin, baha wina diara kumi baman man nani saki brima ba lika, tasbayam wina tasba wala ra mai blîkbia, yang bui man nani mai yakabamna bara prui banhma.

Jirimaya 27:9

“Bahamna, man nani baha prapitka aisi ba ra walpara, diara kaikisa wi ba bara yapi kaiki aisi ba, sukia nani ra sin walpara naika diara takaisa wisi aisi ba, bara upla nani ra smalki ba Babilon kingka munhtara bawaia apia.

Jirimaya 32:35

Baha purkara Ben-hinom ilka bîla ra sin Baal altarka nani paskan, ai luhpia waitna ai luhpia mairin nani Moloc ra sakripais dauki yaia, baku dauki yan Juda saura daukaia, diara tâski yang adar yaras lukanki ra sin âpu kan ba daukan.

Jirimaya 7:31

Witin nani ba Ben-hinom ilka bîla ra altar kum paskan nina ba Tófet, bahara ai luhpia waitna nani ai luhpia mairin nani angkaia, witin nani ra wiras kapri baha daukaia, yang lukanki ra sin baha daukaia lukanka âpu sa.

Libait Lâka 19:26

“Wîna ba tâlia ba wal ban pipara. “Yapi smaya kaikaia bara yu wala dîa takaia ba wiaia warkka daukpara.

Libait Lâka 19:31

“Pirit saura wal aisi, yapi kaiki uplika ra man nani wapara, witin wal aisi tâski takmara sîa. Yang sika man nani Dawan Gâdkam.

Libait Lâka 20:6

Upla kum pirit saura wal aisi yapi kaiki uplika nina bliki saura taki ba, yang baha uplika ba mapara kamna, bamna tawan wina bara ai uplika nani tila wina sakamna.

Miqueas 5:12

Yang bui sukia lâka nani ba sut, tilam wina kangbi sakamna, bara tilamra smaya kakaira kumi sin âpu kabia.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Apastil Nani Sturka 19:19

Sukia warkka lan takan uplika nani ailal sin ai wauhkataya nani bri sal, upla nani sut mawanra angkan. Baha wauhkataya nani atkan praiska ba kulkan silbar mâ 50,000 kata.

Apastil Nani Sturka 8:9

Sakuna baha tawanka ra waitna kum kan nina ba Saiman, bara kaina piua ra witin lika sukia aimaki kan. Sameria uplika nani ra kasak kunin muni kan. Aisi kan witin ba upla tara kum sa.

Galesha 5:20

aidul nani ra mayunaia, sukia warkka daukaia. Upla ra misbara kaikaia, tar baiwan lâka, bara nina tâwan lawaia nani. Diara bahki dukiara wan kupia baikaia, bara wan kupia lâka baman pliki daukaia, dakwi takaia lâka, bara dakni sât sât paskaia sin.

Kli Smalkanka 12:31

Baku Dawan Gâdkam ra daukpara, kan bahki kulkan dukia nani ba sika, baha nisanka nani ai gâdka ra mayuni ba, Dawan pain kaikras ban ai luhpia nani sin, pauta ra sakripais daukisa.

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”

1 Samuil 28:3

Baha piua ra Samuil pat pruan kan, bara Israel luhpia nani sut pat ini luan kan, pruan ba pura mata; baha ningkara ai tawanka Ramá ra bikan, witin aisuban tasbaya ra. Bara Saúl bui diara kakaira nani, upla pruan piritka wal aisi uplika nani kan ba sut ai tasbaya wina kangbi sakan.

1 Samuil 28:7

Baha mita Saúl wihta tara nani ra adar yan: —Upla pruan wal aisi ba mairka kum pliki was, bara yang wih witin wal aisi diara tânka kum plikaia sna. Wihta tara nani ba win: —Endor ra mairin kumi bâra sa, witin lika upla pruan nani wal aisisa.

1 Samuil 28:8

Saúl kwala sât wala dimi, sât aihka taki ai yula kahbaika waitna wâl bri, tihmia ra mairka ba kaikaia taki wan. Bara witin ra win: —Yang bui man ra puri sunisni dîa yang ra takaia ba kaiki ai wis, ya piritka wal aisaia wimna ba, paiws balbia.

1 Samuil 28:9

Mairin ba pana win: —Man kaikisma Saúl dîa daukan ba, diara kakaira nani, upla pruan piritka wal aisi uplika nani ba sut ai tasbaya wina kangbi sakan. ¿Bara dîa muni man bui yang rayaki tikaia pâtka ra ai dingkisma?