Kli Smalkanka 17:8 - DAWAN BÎLA AISKA

⁸ “Ban kra prura, unsaban, insauhkan, tasba pîs kum diara wala nani unsabanka tâwan trabil brisma kaka lâka daukaia, Dawan Gâdkam bui plis kum aihka sakan ba ra was,

Kli Smalkanka 17:8 ပူးပေါင်းရင်းမြစ်များ

2 Samuil 15:2

Witin titan pali ra buan, bara tawan ra dimaia yabalka un ra wih buan. Bara unsaban uplika nani sut ai lâka wapni daukaia pliki king ra balan ba bani ra, paiwi makabi wali kan witin nani ani tawanka wina aula sapa. Uplika nani ba wibia kaka, Israel luhpia nani taika kum kiamka wina sa,

1 Kronikas 26:29

Ishar kiamka nani wina, Israel tawanka dukiara plis wala nani ra ai warkka alki bri kan ba, wihta bara war lalka nani baku, baha nani sika Quenanías bara ai luhpia nani kira.

Impakan Sturka 18:15

Bara Moses pana witin ra win: —Kan upla nani ba yang ra aula, Gâd lâka nani ba wali ai tânka briaia ba mata.

Impakan Sturka 18:26

Bara witin nani piua bani upla nani lâka ba dauki kan. Lâ tara nani ba lika Moses ra brih wan, sakuna lâ sirpi nani sut ba lika witin nani mita lâka ba aisi wapni daukan.

Impakan Sturka 21:20

“Ani uplika kum ai albika waitna ra, ai albika mairin ra sapa, dus wal pruki ikan sa kaka, witin baha mana klala briaia sa, baha saurka daukan ba tâwan.

Impakan Sturka 21:22

“Waitna kum waitna wala wal aiklabi si mairin kwihra kum ra latwan yan sa kaka, bara luhpia ba prui takan sa kaka, kuna mairin ba lika pruras, pâtka bri ba mita lalah aibapaia sa maya waitna dîa makabi ba, bara wihta nani mita dîa aisi daukbia ba praiska.

Impakan Sturka 21:28

“Bîp wainhka kum mita upla kum ra ai aringka wal sabi ikan kaka, baha bîpka wainhka ba walpa ni sabi ikaia sa bara wîna ba sin piaia apia sa, kuna dawanka ba lika pâtka kulkan kaia apia sa.

Impakan Sturka 22:2

“Âimplikra kum impliki kan pura baiki klakan, apia kaka ikan kaka, witin pruanka ba upla mita upla wala ra ikan saurka kulki ba baku kulkan kaia apia sa.

Impakan Sturka 22:8

Kuna âimplikra ba sakras sa kaka, watla dawanka ba Dawan mawanra brih waia sa, ai uplika dukia ba, apia kra lalahka ba, witin ai mihta alkras kan sapa kaikaia.

Isikiel 44:24

Aiklabanka tilara, witin nani wihta baku kaia sa, bara lâ daukbia yang lâika ba kat. Lâika nani ba kat daukbia bara smalkbia lilia daukaia yua nani ra, bara kulkan kaia yua nani holikira baku riski yua nani ba.

Hageo 2:11

adar yan, karnika sut alki Dawanka ba nina ra, prîs nani ra lâ yan ba tânka kat makabi walanka nani walaia:

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Kulki Kaikanka 35:11

man nani ra mamrikamna ani tawanka nani ba man nani bâk saki briaia, upla kum mita upla wala kum ra ikaia lukras si ban ikan ba yukuwaika.

Kulki Kaikanka 35:16

“Upla kum bui upla wala ra ayan ni insauhkbia kaka, bara baha insauhkanka tâka mita uplika ba ban prubia kaka, baha uplika ba upla âikra kum kulkbia, bara upla ikan ba pruaia pâtka ra lakan kabia.

Kli Smalkanka 1:17

Upla lâka aisi daukisma ba ra, uplika ba mawan aihka kulkpara, kulkanka sirpi bri uplika ba, kulkanka tara bri uplika lâka ba wal baku daukaia. Upla kumi sibrinka sin briaia apia, kan lâ daukaia ba Gâd warkka sa. Sakuna lâ kum man nani daukaia karna kabia kaka, baha lika yang ra laks, bara yang daukamna.’

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 12:14

Dawan bui man nani kiamkam bani tila wina wahbi mai sâkbia ba pliska ra baman man nani baha dauki kama. Bahara yang bui man nani ra adar maikri ba baku daukma.

Kli Smalkanka 12:5

Man nani kiamkam ra, Dawan bui plis kum saki maikbia witin ai nina bâra kaia pliska, bara man nani baha pliska ra wih mayuni kama.

Kli Smalkanka 19:17

bara unsabanka uplika wâlsut Dawan lamara kaiki ba ra brih balbia, bara prîs nani, wihta nani baha yua ra wark dauki kabia mawanra sin.

Kli Smalkanka 19:4

Bara kaikisa witin nani wal ai waihla apia kan ban ikan ba ra, ikan uplika ba sip sa tawan nani ba wina kum ra plapi swakwaia dukiara.

Kli Smalkanka 21:5

“Baha ningkara prîs Libait nani, Dawan mita sakripais daukaia warkka yaban ba, baha wih Dawan nina ra yamni munbia. Unsabi blahwanka nani sut ba witin nani wapni daukbia.

Kli Smalkanka 25:1

“Upla nani unsaban bâra sa kaka, wihta nani mawanra balbia, bara wihta nani mita param sâkbia pâtkas ba, bara pâtkira ba pât ra laki swibia.