Kli Smalkanka 17:20 - DAWAN BÎLA AISKA

²⁰ baha mita witin ai tawanka uplika nani ba wal kau tara sa lukaia apia sa, naha lâka nani na wina sin tnaya ra tawaia apia sa. Baku lika witin bara ai kiamka nani ba sin piua yari bribia, Israel kingka aimakaia.

Kli Smalkanka 17:20 ပူးပေါင်းရင်းမြစ်များ

2 Samuil 22:23

Ai lâka daukanka nani sut yu bani maiwan kat brisna; ¡ai lâka nani wina yu kum sin tnaya ra tawras kapri!

1 King Nani 11:34

Ban sakuna, king lâka ba bara dîa dîa sin ai mihta ra ba wina kumi sin sakamna apia, ban swirka king baku bâra kabia ai rayaka aiska ra, yu nani sut ra sin, Debit albiki ba latwanka ra, witinka yang bui bâk sakri ba. Bara witin sin lâika bîla nani bara dîa lâ mangkri ba sin lulkan.

1 King Nani 11:36

Bara ai luhpia ra kiamka kumi yabamna, baku mika albiki Debit ba maiwanra piua bani ingni kumi kabia Jerusalem ra. Baha tawanka yang bui bâk sakri ba, nini bahara swiaia ba mata.

1 King Nani 15:3

Bara Abiam witin sin saura daukan ai aisika wal baku; Dawan ai Gâdka wal wapni apia kan, ai damika Debit kupia kan ba baku apia kan.

1 King Nani 15:5

Debit lika Dawan nakra nani ra yamni daukan ba mita, Dawan lâka nani ba wina ai rayaka aiska ra tnaya ra tawras kata, Urías hitita tânka ba baman lika apia.

1 King Nani 2:3

Dawan Gâdkam lâka nani ba alki bri bas, ai yabalka nani kat sin tauki bas. Ai lâka bîla nani ba aihwaki kaiki kama, ai lâka nani bara ai witniska bîla Moses lâ wauhkataya ra ulbi mangkan ba. Baku mika diara sut daukisma ba yamni kabia, ani anira wama sut ra yamni kama.

2 King Nani 10:30

Bara Dawan Jehú ra win: “Man lika yang naikra ra diara yamni nani ba daukram, baha purkara sin yang kupi ra Ahab watla ra daukaia lukri kan ba kat daukram, bamna man kiamkam nani ba king iwaika ra mani nani ailal iwbia ban kiamka nani 4 ba kat Israel tasbaika ra.”

2 King Nani 14:10

Edom ra pura luram ba kasak kulkisna, baha mita man kupiam ra lukisma man baman sma. Aitani pain, man baman sma baku luki bas; sakuna kanra yamni kabia man watla ra takaski bâra kama. ¿Dîa kan man un pâtkam plikisma bara Juda ra sin pât ra dingkaia lukisma?”

2 Kronikas 25:19

Man bila wisma Edom uplika nani ba sauhki tikram, baha wal man liliam brisma, bara mayunra ba kau plikisma. Sakuna kau yamni sa wamtla ra kama. ¿Dîa kan man bui klauna plikisma sauhki tikaia bara Juda ra sin pât dingkisma?”

2 Kronikas 26:16

Sakuna ai karnika ba brin ba ra kli praut takan, baha tâka witin ra sauhki tikan. Witin Dawan ai Gâdka ra kulkras daukata, kan witin Dawan tempelka ra dimi mahka kîa yamni dukia nani ba angkan altar ra.

2 Kronikas 33:12

Sakuna witin ai sarka tilara kan bara Dawan ra makaban, bara bawan ai almukka nani Gâdka ra.

2 Kronikas 33:19

Ai pura sunanka bara Dawan wina aisinka brin ba, ai saurka bara kasak apia daukanka nani bîla walras lâka nani daukan ba, aidul gâdka nani ra altar paski yaban ba, Aserá lilka nani mangkan kan ba, baku sin aidul nani lilka, Dawan ra bawaia watlika ra, naha sut ba prapit nani sturka tilara ulban sa.

2 Kronikas 33:23

Dawan mawanra bawras kan, sim ai aisika Manasés daukan baku, sakuna witin kau saura daukan.

2 Kronikas 34:27

bara kupiam ra uya luki yang ra mihti ra aimakram bamna naha pliska ra bara ai uplika nani iwi ba mapara aisari ba walram bamna, bara man lika yang ra bawram bamna, kwalkam nani sin kalkram maiwanra, baha mita sin mai walri. Yang, Dawan, mai wisni.

Lawana Nani 119:102

Man lâmka aisi daukram ba wina tnaya ra tawras, kan man bui sika ai smalkisma bamna.

Lawana Nani 132:12

“Man kiamkam nani ra king iwaika ba yabamni. Man luhpiam nani, yang lâika ba daukbia kaka, bara yang lâika nani smalkaisna ba, witin luhpia nani sin, ban kaia ra man king aimakisma ba iwaika ra iwi kabia.”

Lawana Nani 19:11

Baha lâka nani ba mita, naha nampakan sna na kupia kraukuya; baha lâka bîla nani wali dauki ba wina, nampakan ra diara yamni uya takisa.

Sins Lâka 10:27

Dawan ra sibrinka ba mita, wan yua nani ba kau pura prakisa; sakuna upla watawi nani manka ba, klutka daukan kabia.

Sins Lâka 27:24

kan wan dukia ailal ba bara kraunka sin, ban kaia ra bâra kabia apia bamna.

Smasmalkra 8:13

bara kau ni, watawi dadaukra nani ra saura baman auya, bara ai rayaka ba dista kum baku lui auya, kan Gâd ra mayunra yaras bamna.)

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Abakuk 2:4

Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

2 Korint 12:7

Diara nani param kaikri ba lika diara aihka pali kan, baha mita yang sip maiyunamna apia, wîni ra latwan kum aikan kata sin wîni tara ra kiaya kum ai diman ba baku, bara baha lika Sitan warkka baku balan kan wîni tara ra rausauhkaia.

Kli Smalkanka 12:25

Pipara, bara man nani lika Dawan nakra ra wapni baman daukisma tâwan, man nani bara luhpiam nani ra yamni baman wabia.

Kli Smalkanka 12:28

“Yang dîa man nani ra mai wîri ba alki dauks, bamna man nani bara luhpiam nani ra sin, ban yamni baman waia dukiara, Dawan nakra ra wapni baman dauki kapram ba mita.

Kli Smalkanka 12:32

“Ban main kaiki bri, yang dîa mai wîri ba alki brih trai kaiks daukaia, pura prakaia apia, dakbi sin sakaia apia.

Kli Smalkanka 17:11

Sât aihka daukpara, sakuna witin nani mita nahki daukaia mai marikbia ba kat dauks.

Kli Smalkanka 4:2

Yang mai wîri ba, pura prakpara, dakbi sin sâkpara, Dawan Gâdkam dîa mai win ba kat dauks. Yang mai wîri ba kat,

Kli Smalkanka 5:32

Baku bamna trai kaiks, Dawan man nani Gâdkam bui adar maikan ba, baha wina tnaya ra tawpara.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”

1 Samuil 10:25

Bara baha wina Samuil upla sut ra aisi marikan king lâka nani ba tânka, bara wauhkataya tara ra lâka nani ba ulbi, Dawan watla ra lâka tilara swin. Baha ningkara Samuil adar yaban upla sut ai watla ra mahka wabia.

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”