Kli Smalkanka 17:18 - DAWAN BÎLA AISKA

¹⁸ “King ba ai pliska ra iwbia piua ra, prîs, Libait nani ra naha lâ smalkanka tâura smalkan main kaiki bri ba wina, blîkka ulbi saki briaia.

Kli Smalkanka 17:18 ပူးပေါင်းရင်းမြစ်များ

1 King Nani 2:3

Dawan Gâdkam lâka nani ba alki bri bas, ai yabalka nani kat sin tauki bas. Ai lâka bîla nani ba aihwaki kaiki kama, ai lâka nani bara ai witniska bîla Moses lâ wauhkataya ra ulbi mangkan ba. Baku mika diara sut daukisma ba yamni kabia, ani anira wama sut ra yamni kama.

2 King Nani 11:12

Bara Joiadá king luhpia waitna ba sakan, bara kraun ba lal mangkan, bara king sainka ba sin mangkan, bara batana laya ba laiki muni king mangkan. Bara upla sut ai mihta pruki winan: “¡King ba raya sa!”

2 King Nani 22:8

Bara Hilquías prîs tara ba mita sturi âiulbra Safán ra win Dawan lâka ulban wauhkataya ba sakan Dawan tempelka ra; bara prîs tara Hilquías mita Safán ra lâka ulban wauhkataya ba yaban, bara aisi kaikan.

2 Kronikas 34:15

Bara minitka ra Hilquías mita sturi âiulbra Safán ra win, Dawan lâka ulban wauhkataya ba tempel watla ba wina sakan, bara Hilquías mita sturi âiulbra Safán ra lâka ulban wauhkataya ba yaban bara aisi kaikan.

Kli Smalkanka 31:9

Moses naha lâka ulbi mangkan, bara Libait nani, prîs nani kan ba ra yaban, witin nani ai warkka kan Dawan lâka nani auhbaika ba twilki waia. Bara Israel almukka sut ra sin,

Jasua 1:8

Piua bani Dawan lâka bîla wauhkataya ba aisi kaiki bas, kakna bara tihmia bahara dîa daukaia ulban ba dauki kaia dukiara. Baku diara sut daukisma ba yamni baman takbia.