Kli Smalkanka 17:16 - DAWAN BÎLA AISKA

¹⁶ Sakuna baha kingka, aras ailal briaia apia, Idsip ra sin upla kau blikaia apia, aras âiulra kau want kabia tâwan, kan Dawan aisin: ‘Naha yabalka ra kli tawpara.’

Kli Smalkanka 17:16 ပူးပေါင်းရင်းမြစ်များ

2 Samuil 8:4

Witin nani wina suldiar aras âiulra nani 1,700 alkan, wapi aiklaklabra nani sin 20,000 kum; baha purkara war aiklabaia waginka raski araska mina nani sin sut krikan. Wagin nani 100 kum raski araska nani ba baman ban swin.

1 King Nani 1:5

Bamna Haguit luhpia waitna Adonías, witin yakan tit bûi aisin witin ba king aimakbia. Bara wagin nani, aras ulaia uplika nani ridi daukan, baku sin waitna nani 50 sakan ai kainara impaki waia.

1 King Nani 4:26

Baha sut purkara Salaman aras dingki briaia pliska 4,000 bri kan ai war trukka araska nani dukiara, bara aras âiulra suldiarka sin 12,000 bri kan.

1 King Nani 5:6

Bamna nanara, Líbano ra blîks yalam dusa nani klakaia, bara albiki nani ba man albikam nani ra hilp muni kabia, bara albikam nani mana dîa ai wima ba yang aibapamna. Man bui kasak kaikisma, yang nani tilira dus klakaia tânka bri ba âpu sa, Sidón uplika nani baku.”

2 Kronikas 1:16

Aras nani ba Salaman dukiara Musri bara Cilicia wina brih wan, bara king suliarka nani ba atki brin.

2 Kronikas 9:25

Salaman ba aras nani watla 4,000 bri kan, ai araska bara wagin nani ba dingki swiaia pliska. Aras âiulra waitnika nani sin 12,000 bri kan, baha nani sut ba suldiar nani watla ra, baku sin Jerusalem ra king diara nani bri ba tilara bri sal main kaiki kan.

Lawana Nani 20:7

Tila lika war truk nani bri ba ra lukisa, tila lika aras nani ba ai karnika kulkisa; sakuna yang nani lika, Dawan Gâdki ba tâiura mangki brisni.

Impakan Sturka 13:17

King fero mita Israel luhpia nani ba swin taki wan ba ra, Gâd uplika nani ba, filisteo nani tasbaya bâk lika brih lui waras kan. Bahak lui waia ba lika kau baila kan; ban sakuna, Dawan naku lukan, upla nani ba war aiklabaia sa, sakuna nanara wina ai kainara war aiklabaia takbia kaka, witin nani sut ai kupia laki si Idsip ra kli tawi waia lukbia.

Impakan Sturka 13:18

Bahamna Dawan bui witin nani ba upla iwras tasbaya ra waia yabalka bâk brih lui wan, Kabu Pauni tani ra auya ba yabalka ra. Bara Israel luhpia nani ba, war aiklabaia daknika tara kum ridi daukan ba baku ridi taki, Idsip wina taki wan.

Impakan Sturka 14:13

Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Aiseya 2:7

Kuntrika gul bara silbar banhwan sa, yuyaka tara ba; kuntrika ba aras ni banhwan sa bara war waginka ba kulki sip sakras kama.

Jirimaya 42:19

Man nani Idsip ra waras ban Juda ra takaskuma ba, Dawan mai wisa man nani Idsip ra wapara. Pain tânka bris, nanara yang mai wisna.

Isikiel 17:15

Kuna naha kingka luhpia na, Babilon kingka mapara buan bara kuntri lengstarka nani Idsip ra blikan, aras bara upla ailal nani makabaia. ¿Man nani lukisma ki, baha ningkara pura lubia bara pruras raya mihta wina swakwi takaia? ¿Raya swakwi takaia sip kabia, ai pramiska kat daukras uplika ba?

Oseas 11:5

sakuna witin nani kli, yang ra tawi balaia lukras. Baha mita witin nani kli Idsip ra waia sa, bara Asiria witin purara king aimakbia.

Oseas 14:3

Asiria uplika nani sip yang nani ra swaki ai sakras, aras ra uli plapamna kaka sin sip apia. Yang nani mihti ni alki paskri dawanka nani kumi ra sin kli man ba ‘Yang nani Dawanki sma’ wimna apia, kan Dawan, man ra baman sika rau nani ba umpira kaikan lâka ba sakisa.”

Miqueas 5:10

Naha na Dawan kasak wisa: “Baha yua ra, yang mita araskam nani ba sut ikamna, aiklabaikam waginka nani ba sin sauhki tikamna.

Kli Smalkanka 28:68

Bara Dawan mita mai win kan Idsip yabal kat kli wama apia, ban sakuna duri tara ra mai mangki kli mai lakbia, bara waihlam nani ra alba baku mai atkbia; kuna upla kum sin atki mai briaia brin daukras kabia.”

1 Samuil 8:11

Witin nani ra win: —Kingkam brima ba yua wina, naha lâka nani bîla kaiki bas: War aiklabaia dukiara luhpia nani sut alkbia, tila nani war wagin ulaia mangkbia, wala nani aras âiulra daukbia, wala nani ba witin ra main kaiki kaia mangkbia, bara ai tâura war ra waia daknika sin bribia.