Kli Smalkanka 16:4 - DAWAN BÎLA AISKA

⁴ Naha wikka aiska, man nani tasbayam aiska ra brit îs âpu kaia, bara daiwan wîna sakripais daukan ba baha yua aiska tutni kat yu wala ra dimuya ba, titan wala dukiara kau swiaia apia.

Kli Smalkanka 16:4 ပူးပေါင်းရင်းမြစ်များ

Impakan Sturka 12:10

Yu wala dukia wisi pîs sirpi kum sin suni swiaia apia sa; wîna pîs takaskbia ban kra sip piras sa kaka, angki tikaia sa.

Impakan Sturka 12:15

Witin nani wik kum brit îs âpu dauki pi kabia. Baha mita baha yua pas ba wina man nani wamtla nani ra îs âpu kaia sma. Wik kum ba bilara, ya kabia sin sakuna brit îs wal daukan ba pibia kaka, uplika ba, Israel tila wina ai mawan ba tikan kabia.

Impakan Sturka 12:6

Daiwan ba main kaiki bri kabia, yu mahka tutni tawi ba ra, upla kumi bani ai daiwra ba ikbia.

Impakan Sturka 12:8

Bara wîna ba sin tihmia iwbia ba ra pauta ra duki, brit îs âpu dauki angki, dus wahia tahpla nani aikuki dauki pibia.

Impakan Sturka 13:7

Yu 7 brit îs âpu dauki pi kaia sma. Baha yua nani sut ra, tawankam ra, tasbayam aiska ra sin îs âpu kaia sa. Baku sin îs mangki daukan britka kumi sin âpu kabia.

Impakan Sturka 23:18

“Yang ra daiwan sakripais dauki aikisma piua ra, tâlia ba brit îs wal daukan ba aikuki kumi ra aikpara, baku sin batanka ba swipara yu wala titan kat dukiara.

Impakan Sturka 34:25

“Daiwan angki alkisma tâlia ba, bara brit îs mangki angkan ba wal aikpara. Insal luan Liliaka daukaia ra, daiwan ikan wîna kau tawan ba, yauhka dukiara swipara.

Matiu 13:33

Naha maprika lilka wala na sin baha nani ra win: “Gâd king aimaki lâka ba îs wal baku sa. Baha ba mairin kum mita brih plawar paun yumhpa ra mangkisa, plawarka miks munan ba sut puskuya kat.”

Kli Smalkanka 16:5

Tawan sut Dawan Gâdkam wina maikan ba ra, Insal luan Yua sakripaiska dauki yapara.