7 “Dawan Gâdkam mita kuntrika maikuya ba tasbaya ra upla kum kra bâra sa, umpira man nani uplikam tilara, kupiam karna dauki uplikam diara âpu ba mapara mihtam prakpara;
Ju nani ai waihla nani wina kupia kumi lâka brin yua kulkaia, baha katka ba kupia wirha katka kan, bara âuyapah yua daukan kabia; baku sin baha yua ba upla bani ai lamara iwi nani ra diara pana pana bliki kabia, ba purkara sin umpira nani ra diara mana luha yabi kabia.
“Upla umpira kum ra lalah lin munma kaka, yang upliki nani man nani aikuki nâra na tila wina, witin mapara munpara lalahkam purara kau praki witin wina briaia, lalah lin mamunra nani dauki ba baku.
bara patam ba plun dauki nani ba ra yama kaka, upla sarka paskan ba swima kaka, bâra mika tihmia tara ra, ingnikam ba baiwi bal takbia, man distikam ba yu wan lal kat ingnika baku kabia.
“Man nani kiamkam tilam wina kum diara âpu takan, umpira sa kaka, bara witin ba man ra hilp pliki aula ba ra, hilp munaia kama upla tringsar kum baku, bara man wamtla ra plis yama.
Upla umpira nani ba danh takbia apia naha tasbaya ra, bara baha mita yang mai blikisni, man nani mihtam param kama, man nani kuntrikam ra uplikam nani umpira pâtka wahwi ba aikuki.
Naha lukanka saura na kupiam ra bripara: ‘Mani 7 upla traska ban swih tikaia manka ba pat baila sa,’ bara man uplikam umpira bâra sa kaka, mamwan saura dauki diara kumi sin lin munras kama kaka, witin mampara winanka daukbia, Dawan ra sin, bara baha daukanka ba man ra saurka baku mai kulkbia.