Kli Smalkanka 15:19 - DAWAN BÎLA AISKA

¹⁹ “Daiwan wainhka tawahkia, bîp, apia kaka sîp nani wina aisubi takbia ba, Dawan Gâdkam dukiara holikira kulkaia sma. “Bîp luhpia wainhka tawahkia aisubia ba wark dingkpara, sîpkam luhpia tawahkia ba sin tâwa irpara.

Kli Smalkanka 15:19 ပူးပေါင်းရင်းမြစ်များ

Impakan Sturka 13:12

Man nani luhpiam tawahkia bani baiki ba, daiwram nani sin ai tawahkia baiki ba sut Dawan ra yabi kaia sma, kan tawahkia nani sut ba sika Dawan dukia sa bamna.

Impakan Sturka 13:2

“Luhpia tawahkia bani ba aihka saki yang ra bri bal. Upla bara daiwan luhpia tawahkia bani ba, yang duki sa.”

Impakan Sturka 22:29

“Wain mâ nani, insla pata nani sut sakisma ba wina, yang ra prisantka sal aikaia ba wina, tumi takaski kapara. “Luhpiam waitna tawahkia ba sin,

Impakan Sturka 22:30

bîpkam nani, sîpkam nani luhpia tawahkia ba sin yang ra aikaia sma. Witin nani sip sa ai yaptika wal kaia wik kum, kuna lapta 8 alki yua ba yang ra sal aikaia sma.

Impakan Sturka 34:19

“Luhpiam tawahkia bani aisubi taki ba, yang ra aikaia sma. Baku sin bîpkam nani tawahkia ba, sîpkam tawahkia ba wainhka bani ba sut yang ra aikaia sma.

Libait Lâka 27:26

“Bara daiwan ai tawahkia baikan ba, Dawan dukia kabia, kan baha pas baikan bamna, upla kumi sin baha daiwra ba Dawan ra yabaia brih wabia apia, bîp luhpia kabia kra, sîp luhpia kabia kra, baha pas Dawan dukia sa.

Kulki Kaikanka 18:15

“Israel luhpia nani ai luhpia waitna tawahkia bani, bara daiwan tawahkia nani sin yang ra aiki ba, man dukiam kabia. Sakuna luhpia waitna tawahkia nani bara daiwan tawahkia bani ba tâski sa kaka, baha watlika ra wala kum maikbia wis.

Kulki Kaikanka 18:17

Sakuna daiwan nani tawahkia nani pura mana aibapaia lâ daukpara, kan baha nani ba ikaia sakripais daukaia sa, bîp nani ba, sîp nani bara guts nani ba sin. Baha nani ba apahki bris, yang duki, bara man ikaia kama, bara tâlia ba lika aiska angkaia altarka purara bri si laikma, bara batanka ba sin, ai prisantka kîa pain angki aikuya baku kabia.

Kulki Kaikanka 3:13

tawahkia nani sut ba lika yang briri, Idsip tasbaya ra tawahkia nani sut ikri ba yua wina, bara Israel ra tawahkia bani ba, upla nani bara daiwan nani tawahkia sin sut. Bamna tawahkia nani ba yang briri. Yang sika Dawan.”

Roman 8:29

Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 12:17

“Man nani tawankam bilara, plawarkam matawalsipka ba wina piaia apia, wainkam wina sin apia, batankam laya wina sin apia, daiwram nani tawahkia sin apia, Dawan ra prisant yabaia pramis daukram ba wina sin apia, prisant nani kupiam wina daukram ba sin apia.

Kli Smalkanka 14:23

Witin ai nina bâra kaia pliska aihka sâkbia ba ra man nani plawarkam, wainkam, batankam laya matawalsipka nani, bara bîpkam, sîpkam tawahkia nani wîna bahara man nani Dawan Gâdkam lamara mai kaiki ba ra pis, baha pliska witin bâk sakan ba ai nina bâra kaia mata, bara lan takma witin ra ban tara kulki kaia dukiara.

Kli Smalkanka 15:18

Saura lukpara man albikam ra pri swirka waia, kan witin 6 mani warkkam takan; wark uplika ai mana bakriki praiska man aibapaia kapram ba, witin hilp mai munan sa. Baha purkara, diara sut dauki kama ba Dawan Gâdkam yamni mai munbia.

Kli Smalkanka 16:11

Bara Dawan Gâdkam mita witin ai nina bâra kaia pliska kum aihka sakan ba ra luhpiam nani, albikam nani, Libait nani, tringsar nani, rau nani bara piarka nani man nani tilamra iwi ba aikuki lilia dauks.

Kli Smalkanka 16:14

Naha liliaka ra luhpiam nani, albikam, rau nani, piarka nani sut tawankam ra iwi ba aikuki lilia dauks.

Hibru Nani 12:23

Man nani ba Gâd luhpia tawahkia nani asla aidrubanka liliakira lamara balram sa, witinka nani nina nani kasbrika purara ulban ba. Man nani ba Gâd lamara balram sa, witinka upla sut Lâka Dadaukra ba, bara upla yamni nani Gâd mita kasakkira nani daukan ba lamara sin.