Kli Smalkanka 15:11 - DAWAN BÎLA AISKA

¹¹ Upla umpira nani ba danh takbia apia naha tasbaya ra, bara baha mita yang mai blikisni, man nani mihtam param kama, man nani kuntrikam ra uplikam nani umpira pâtka wahwi ba aikuki.

Kli Smalkanka 15:11 ပူးပေါင်းရင်းမြစ်များ

Impakan Sturka 23:11

sakuna mani 7 aimakbia ba ra, wark daukpara: namsla nani swis ailal kabia upla umpira nani tasbayam ra iwi nani ba baha wina piaia, bara daiwan wail nani sin kau dîa ailal ba pibia dukiara. Wainkam nasla nani bara albikam nasla nani wal sin baku dauks.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Sins Lâka 22:2

Lalahkira bara umpira ba wal diara sin dukia bri ba; wâlsut ra Dawan mita paskan ba.

Sins Lâka 31:20

Upla umpira ra bara diara luha uplika ra sin witin yu bani diara yabisa.

Isikiel 18:7

upla ra taiban lâka munras, ya wina dîa brin ba kli yabisa; upla kumi ra sin implikras; ai britka ba yui brisa ai walka wal, bara ai kwalka ba kwala luha nani ra yabisa;

Matiu 26:11

Upla umpira nani ba man nani aikuki ban bri kama, sakuna yang lika tilamra ban ai bri kama apia.

Matiu 5:42

Ya dîa mai makabia ba yas; bara ya ya diara lin mai takka, ninam tawi wapara.

Mark 14:7

Umpira nani ba piua bani tilamra ban bri kama, bara ani ani yua ra yamni munaia lukma ba, sip kama daukaia; sakuna yang lika ban tilamra ai bri kama apia.

Luk 12:33

Dîa brisma ba sut wauhi atks, bara umpira nani ra diara yas. Lalahkam watla nani dauki bris sip almuk takras ba, bara kasbrika purara yuyakam sip luras ban kaia ra ba suni bris, bahara sika âimplikra sip dimras, bara yula nani sin sip sauhkras ba.

Jan 12:8

Piu bani upla umpira nani ba tilamra bri kama, sakuna yang lika piu bani ban ai bri kama apia.

Apastil Nani Sturka 2:45

Ai tasbaya nani bri kan ba, dîa dîa wala nani sin bri kan kaka, baha sut pali wauhi atkan, bara lalahka ba ai walka nani diara âpu umpira ba wal aikuki yui bri kan.

Kli Smalkanka 15:7

“Dawan Gâdkam mita kuntrika maikuya ba tasbaya ra upla kum kra bâra sa, umpira man nani uplikam tilara, kupiam karna dauki uplikam diara âpu ba mapara mihtam prakpara;

Kli Smalkanka 15:8

sakuna kupiam aiska kira dîa brin dauki kabia ba lin muns.