Kli Smalkanka 15:1 - DAWAN BÎLA AISKA

¹ “Tras nani maikaia ba, 7 mani alkbia taim swis tiwbia.

Kli Smalkanka 15:1 ပူးပေါင်းရင်းမြစ်များ

Nihimaya 10:31

Baku sin upla sât wala nani diara wauhi atki ba dukia nani, piaia dukia nani ris briaia yua ra bri balbia kaka, yang nani diara kumi sin atkamna apia; baku sin 7 mani aimaki bani insla daukamna apia, tasba ba ris yaia dukiara; baku sin, yang nani pana aikuya wisi diara yabri traska ba, ban swih tiki banhwi kamna.

Impakan Sturka 21:2

“Alba kum atki brisma kaka, bara witin ba Hibru uplika sa kaka, witin lika mani matlalkahbi ba bilara wark taki kaia sa. Kuna 7 mani alkbia ba ra witin ba pri takan kaia sa. Witin pri takuya ba dukiara sin diara aibapaia apia sa.

Jirimaya 34:14

Ju atkan kum ai dawanka albika 6 mani takuya bara 7 mani alkaia manka ba pri swiaia sa. Sakuna damikam nani lâika ba kulkras bîli wali daukras kan.

Kli Smalkanka 15:2

“Bara mana aibapaia apia tânka ba naha sa: Upla bani ai uplika ra diara kum kra lin takan kaka, lin takan uplika ba ra traska ba kulkbia apia. Ai uplika ra, apia kaka ai tawanka uplika ra sin aibapaia dukiara taibi munaia apia, kan traska ban swih tikaia manka ra Dawan ra mayunra daukbia piua ra baha aisin kabia.

Kli Smalkanka 15:9

Naha lukanka saura na kupiam ra bripara: ‘Mani 7 upla traska ban swih tikaia manka ba pat baila sa,’ bara man uplikam umpira bâra sa kaka, mamwan saura dauki diara kumi sin lin munras kama kaka, witin mampara winanka daukbia, Dawan ra sin, bara baha daukanka ba man ra saurka baku mai kulkbia.

Kli Smalkanka 31:10

naha lâka nani sin yaban: “Mani 7 bani, traska ban swih tikaia lâka daukbia, baha piua ra Utla Papakni liliaka dauki piua ra,