Kli Smalkanka 14:29 - DAWAN BÎLA AISKA

²⁹ Bara Libait nani tasba briras kan ba balbia, apia kaka tringsar nani, rau nani, piarka nani sin, sip kabia ai âuyapah piaia. Baku Dawan Gâdkam bui dîa sut daukma ba yamni munbia.

Kli Smalkanka 14:29 ပူးပေါင်းရင်းမြစ်များ

Lawana Nani 41:1

Ani uplika, upla siknis nani dukiara luki ba, lilia pali kabia. Piua saura mani balbia ba ra, Dawan bui witin ra sin swaki sakan kabia.

Lawana Nani 41:2

Naha tasba ra Dawan bui witin nani ba kan kahbi kabia, rayaka sin alki bribia, liliaka sin yabia, ai waihla nani witin ra munaia luki ba mihta ra sin mangkan kabia apia.

Lawana Nani 94:6

Piarka nani bara tringsar nani ra ikisa; rau nani ra sin ikisa.

Sins Lâka 11:24

Upla bâra sa diara yui ba kau aiska pura praki brisa; wala bâra sa, diara yuaia kan ba takaskisa, ban sakuna umpira bara diara luha takisa.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Aiseya 1:17

¡Lâ yamni daukaia ba man nani lan taks, trai kaiks dîa kasak ba daukaia, ai raitka bri ba raitka ba yas, rau nani lâka ba kasak dauks, piarka nani raitka ba tâwan aisas!”

Libait Lâka 19:34

Man nani uplikam kum baku yamni munma, latwan kaiks. Luki bas man nani sin tringsar katma Idsip ra. Yang sika man nani Dawan Gâdkam.

Kulki Kaikanka 18:20

Bara Dawan bui Eran ra win: “Man lika Israel luhpia nani tilara tasba brima apia, baku sin diara wala nani âpu kama. Sakuna man diara sut briaia sma ba, yang maiki kamna.

Luk 11:41

Sakuna man nani mita umpira nani ra diara yabi bas bîla tani ra bâra ba wina, bara baku mika diara sut klin daukan kabia.

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Kli Smalkanka 10:9

Baha mita, Libait nani ai muihni nani wal baku diara briras, kan Dawan ba witin nani ai dukia brin, Dawan witin aisin ba baku.)

Kli Smalkanka 12:12

Dawan Gâdkam mawanra luhpiam albikam nani aikuki lilia daukma, bara Libait uplika man nani tilamra iwi kabia ba aikuki sin, kan witin nani ba man nani tilamra tasbaya ba wina ai dukia briras bamna.

Kli Smalkanka 14:27

“Libait nani man nani tilamra iwbia ba man nani lulki swipara, kan witin nani ra man nani ra tasbayam maikan ba baku tasbaya yabras bamna.

Kli Smalkanka 15:10

Wirha mai taibras kira ban hilp muni bas, kan baha daukisma mita diara sut daukma ba ra Dawan Gâdkam yamni mai muni kabia.

Kli Smalkanka 16:11

Bara Dawan Gâdkam mita witin ai nina bâra kaia pliska kum aihka sakan ba ra luhpiam nani, albikam nani, Libait nani, tringsar nani, rau nani bara piarka nani man nani tilamra iwi ba aikuki lilia dauks.

Kli Smalkanka 16:14

Naha liliaka ra luhpiam nani, albikam, rau nani, piarka nani sut tawankam ra iwi ba aikuki lilia dauks.

Kli Smalkanka 23:21

“Dawan Gâdkam ra pramis daukma piua ra, daukras kapara, sakuna luki bas Dawan Gâdkam baha mana mai kulkbia, bara man nani ra saurakira mai kulkbia.

Kli Smalkanka 28:8

“Dawan patam auhbaika watla ra ai yamnika blîkbia, diara wala nani dauki kama ba ra sin, bara kuntrika maikaia ba ra lilia iwi kaia mai daukbia.

Kli Smalkanka 6:11

bara utla diara pain nani baman ni banhkan ba, man nani banhkras kapram ba; liwanhta man nani salhkras sma ba, insla, oliv dusa man nani mangkras sma ba, baha wina âmyapah pima.

Hibru Nani 13:2

Upla tringsar nani wamtla ra dingki briaia ba kupiam krauki bas. Upla tila nani naku dauki, ai dara walras pali insal nani ai watla ra dingki brisata.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.