Kli Smalkanka 14:1 - DAWAN BÎLA AISKA

¹ “Man nani ba Dawan Gâd luhpia nani sma. Upla kum prubia kaka, baha dukiara lamla kusbi wînam ra klakpara.

Kli Smalkanka 14:1 ပူးပေါင်းရင်းမြစ်များ

Blasi Sturka 6:2

Gâd luhpia nani ba kaikan, upla luhpia mairin nani ba mawan pranakira pali kan, witin nani ai laikka ba kat ai maya nani brin, ailalka nani ba tila wina pliki saki.

Blasi Sturka 6:4

Baha yua nani ra, upla tara yakura nani tasba ra bâra kan. Gâd luhpia waitna nani bara upla luhpia mairin nani wal prawan ba ningkara, witin nani ai luhpia baikan ba, baku tara yakura baman takan. Baha nani sika, blasi tasba almukka yua ba wina, waitna karnakira nani bal takata ba, waitna karnakira nani, ai nina tara kulkan ba.

1 King Nani 18:28

Bara witin nani ai bîla baikra karna wini kan, witin nani ai natka baku. Skiru ni, apia kaka kalkaia dukia sâtka wala nani wal ai wîna ba klaki kan, ban sin ai taya aiska ba tala baman kan.

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Jirimaya 16:6

Naha kuntrika ra almuk nani ba tuktan nani ba prubia, upla kumi bal baha nani bikbia apia, pura mata sin inbia apia, sarka brisa wisi ai taya ra klaki ai tâwa sin irbi banhbia apia.

Jirimaya 3:19

“Israel, luki kaikri man ba luhpi waitna baku mai briaia bara tasba pain pali kum maikaia, tasba ra kuntri kum kau pranakira ba. Yang lukri ba man ai wima yang lika man aisikam bara yang laima wima kli taki wama apia.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Jirimaya 41:5

Siquem, Siló bara Sameria wina sin 80 waitna nani balan, uplika nani ba ai unmaya irban, prâka nani ba kalwan, taya ba sin insauhkan kan, witin nani mita ai taya ba klakan. Witin nani bri balan plun nani kîa pain angkaia dukia nani Dawan ra sakripais dauki yaia tempelka ra.

Jirimaya 47:5

Gaza uplika nani ai tâwa irbia, Ascalón uplika nani sip aisaras takbia. Blasi upla tarka tara nani kan ba wiria takaskan nani, ¿ahkia kat man tamya ra klaki ban kama sari brisma tukinka ba?

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Libait Lâka 21:5

“Tâwa ba klakan kaia apia sa, ai unamaya ba irban kaia apia sa, taya ra sin klakan âpu kaia sa,

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Jan 11:52

bara Ju nani nisanka tâwan baman apia, sakuna Gâd luhpia nani laihura yakaban nani ba sut asla daukaia mata sin.

Roman 8:16

Bara baha Spiritka ba sika yawan wan spiritka wal asla taki aisisa yawan na Gâd luhpia nani sa.

Roman 9:26

‘Man nani ba yang upliki nani apia sma’ wisata ba, baha sim pliska ra witin wibia: ‘Man nani ba Gâd rayakira luhpia nani sma.’ ”

Roman 9:4

Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

Roman 9:8

Naha tânka wan marikisa upla kiamka tilara kaia baman ba mita kau Gâd luhpia wan daukras sa; sakuna Gâd mita pramis daukan ba kulki nani ba baman lika rait kiamka pali kulkisa.

2 Korint 6:18

bara yang baman man nani Aisikam kamna, bara man nani ba luhpi waitna nani bara luhpi mairin nani kama, Dawan, karnika sut bri ba, baku wisa.”

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Kli Smalkanka 13:18

naiwa Dawan Gâdkam lâka man nani ra maikri ba bîla wali, ai nakra ra wapni baman daukisma kaka.

Kli Smalkanka 32:6

¿baku Dawan ra aibapaia sma ki? Tawan saura kum sins lâka âpu sma ba, ¿witin ba man aisikam apia, man mai papaskra sin? ¡Witin mai paski rayakam maikan!

1 Tesalonaika 4:13

Muihki nani, yang nani want sna man nani kaiki kama pruan uplika nani ra dîa taki ba, baku man nani sari bri banhma apia, sim upla wala nani ai kanra diara bîla kaikanka âpu nani ba baku.

Hibru Nani 2:10

Diara sut ba Gâd dukia nani sa, bara witin mita sin paskan sa; bara Gâd want sa ai luhpia nani sut ba ai prana ra ai dukia bri kabia. Baha mita, pât wahwan bâk, Gâd mita Jisas Kraist ba aiska aihwa daukaia kan, Jisas sika witin nani Sasakrika bamna.

1 Jan 3:10

Baha mita yawan param kaikisa, Gâd luhpia nani ba ya sa, bara dibil luhpia nani ba sin ya nani sa, kan ani uplika diara yamni daukras bara ai muihni ra sin latwan kaikras ba, witin lika Gâd luhpia apia sa.

1 Jan 5:2

Bamna yawan lika Gâd ra latwan kaiki ai lâka nani wankan ba sin daukisa kaka, baha piua yawan pain kaikisa, Gâd luhpia nani ra sin latwan kaikisa.