Kli Smalkanka 13:6 - DAWAN BÎLA AISKA

⁶ “Ban kra muihkam, luhpiam nani, mayam lamtwankira, apia kaka pâmnika man wal kau pain ba mita, damra walras tukbi mai dingkbia gâd wala, damikam nani sin kaikras kan ba ra mayunra dauki yabaia,

Kli Smalkanka 13:6 ပူးပေါင်းရင်းမြစ်များ

Blasi Sturka 16:5

Bara Sarai bila Ebram ra win: —Agar yang ra bahki ai kulki ba pâtka ba, man puramra sa. Yang mita sika mairka ba man mairkam maikri, sakuna witin ai luhpia kum briaia sa, bara nanara witin kau tara ai dara walisa bara yang ra bahki ai kulkisa. Sakuna Dawan mita wan wibia ya ba pâtkira ba, man, apia kaka yang.

2 Samuil 1:26

“¡Muihki Janatan, man dukiamra kupi wirha pali sa! ¡Latwan lâka sâtka nani ai muni kapram! Man latwankam ba, mairin latwanka lâka ba pura luan.

1 King Nani 18:40

Bara Ilayas witin nani ra win: —¡Baal prapitka nani sut alki banhs! ¡Yarka kumi sin swakbiara! Bara upla nani mita sut alki banhwan, bara Ilayas brih wan Quisón tingnika ra, bara bahara sut kat nana dakban.

2 King Nani 11:18

Ningkara baha tasbaika uplika sut ba Baal tempelka ra diman, aidul altarka nani ba sut slingbi sauhki tikan, baku sin daiwan iki angkaia pliska nani ba sut pali kriki yakaban, bara lilka nani kan ba sin sut sauhkan. Bara Matán Baal prîska ba lika nana dakbi ikan daiwan iki angkaia pliska ba kat. Bara prîs Joiadá ba mita aihwawakra kum Dawan tempel ba aihwaki kaia mangkan.

2 Kronikas 15:13

Bara pramis taki banhwan, ani uplika, ya kabia Dawan plikras ba, Israel Gâdka ra, almuk, tuktan, waitna, mairin kabia, prura mihta ra mangkan kabia.

2 Kronikas 23:17

Baha ningkara upla sut Baal tempelka ra wan bara bataki sut sauhki tikan, altarka bara lilka nani sut sauhkan. Bara Matán, Baal prîska ba lika, altar nani ba kat nana dakbi banhwan.

Job 31:27

Ban sakuna, aima kumi sin yukuwan ra mayunras katni, kiawalanka sin mihti ni alki blikras katni.

Impakan Sturka 13:3

Bara Moses baha bîla ba upla nani ra win: “Baha yua ba kupiam krauki bas, Idsip tasbaya ra alba lâka ra iwi kapram ba, Dawan mita ai karnika tara ba wal baha tasbaya wina bri sal mai sakan bamna. Bahamna man nani brit îs wal daukan ba piaia apia sma.

Impakan Sturka 32:27

Bara Moses bui witin nani ra naku win: —Dawan, Israel Gâdka ba, naku aisisa: ‘Man nani kumi ba sord ba alkma, bara kumi kiamp ra kli tawi wama. Man nani muihkam ba ikma, lamara iwi nani ba, uplikam nani ba sin sut ikma.’

Sins Lâka 18:24

Wan uplika nani tila nani pat pali yawan wal dakwi takisa, sakuna wan uplika kumi bâra sa, wan muihni wal kau karna dutki wan alki ba.

Sins Lâka 5:20

¿Dîa kan luhpi upla maya wal aiblakwi kaia? ¿Dîa kan mairin tringsar klahkla ra klahbi aimakaia?

Jirimaya 28:15

Bara Jirimaya bui Hananías ra win: —¡Hananías, wals! Dawan bui man ra mai blikras kan, man bui naha uplika nani ra kunin ra kasak lukaia baman smalkisma.

Jirimaya 28:16

Baha mita Dawan aisisa: ‘Man mai blikisna, âu sakuna tasba wina mai tikaia. Naha mani pruma, kan man aisaram bîla nani ba ni upla nani ba yang maipara buaia daukram.’

Jirimaya 44:3

watawika nani witin nani daukan ba tâka, witin nani gâd wala nani ra pura suni mayuni sakripais dauki kîa pain angki dauki, swiri daukan ba mita; baha gâdka witin nani kakaira apia bara ai damika nani sin kakaira apia kan ba.

Sakaraya 13:3

“Bamna upla kum ban dahra aisaia wibia kaka, aisika bara yaptika wal witin ra wibia: ‘¡Man pruaisma, kan Dawan ai bîla dahra aisi ba ninak man kuninkam ba aisaisma ba tâwan!’ ¡Ai aisika, ai yaptika pali mita skiru ni sabia, witin prapit baku aisi kabia ba ra!

2 Korint 5:16

Baha mita, yang nani kum dukiara sin tasba uplika nani luki ba baku kli lukras: Kraist dukiara sin kanra yang nani tasba uplika nani luki ba baku luki kapri; sakuna nanara yang nani witin dukiara kli baku lukras.

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

Kli Smalkanka 11:32

naiwa lâ nani sut man nani mihtam ra maikri ba trai kaiki dauks.

Kli Smalkanka 13:2

sain nani dauki maisa pakan ba baku takbia wisi mai wibia kaka: ‘¡Kaisa man nani bui gâd nani kakaira apia sma ba ninara waia; kaisa mayunra dauki yabaia!’,

Kli Smalkanka 13:7

upla nani bahmuna gâdka nani bri ba, lamara, apia kaka laihura, tasba tnata wina tasba tâ wala kat kutbi kir bri ba,

Kli Smalkanka 17:12

Sakuna bahara prîs nani, apia kaka wihta nani Dawan warkka dauki ba, witin nani dîa daukaia lukbia ba mapara ani uplika ai kupia sauhki bîla walras kaka, pruaia ra laks. Baku Israel ra saurka ba âpu daukma,

Kli Smalkanka 18:20

Sakuna prapit ra, yang diara wiras kapri nini bri aimayuni aisi ba, apia kaka gâd wala nani nina brih aisi ba, witin ba pruaia pâtka ra lakan kabia.’

Kli Smalkanka 19:19

wala dîa prais rau munaia wan kan ba baku witin ra rau munan kabia. Baku lika man nani tilamra saurka bâra ba, âpu daukbia.

Kli Smalkanka 21:21

Baku sa kaka, tawan waitnika sut mita walpa ni sabi ikbia. Baku lika man nani tawankam ra saurka lâka bâra ba âpu kabia, bara Israel uplika baha wali bara si bribia.

Kli Smalkanka 22:21

saura lâka tara pali dauki Israel purara ai aisa watla bilara sin swira lâka bri balan ba ra, aisika watla bîla wina saki latara bri si, tawan waitnika nani mita walpa ni sabi ikbia. Baku lika saurka lâka man nani tilamra âpu kabia.

Kli Smalkanka 24:7

“Israel uplika kum mita ai tasbaya uplika ra impliki alba natka ra lakbia, apia kaka atkka wabia, baha ba pruaia pâtka ra lakbia. Baku lika man nani tilamra saurka lâka bâra âpu daukbia.

Kli Smalkanka 28:54

Ban upla kupia babaiwra ba ra, upla pain baku man nani tilamra ba, ai nakra saura ni ai muihni ra kaiki kabia, ai maya latwan kaiki ba ra, ai luhpia nani kau takaskbia ba ra sin,

Kli Smalkanka 29:18

Man nani tilamra waitna, mairin, utla bîla uplika, masrakam kra, apia kaka kiamka kra, Dawan wan Gâdka ra lulki swibia apia, baha nisanka gâdka ra mayunaia dukiara. Man nani tilam wina kumi sin dus kum wakia tahplira ba, puisinkira ba baku takpara.

Kli Smalkanka 8:14

Tara pulan lâka ni aibanhwi, Dawan Gâdkam âmya tikpara, alba kapram Idsip wina mai sakan ba.

Kolosi 2:4

Naha yang bui man nani ra mai wisna, upla kumi mita sin yarka ai bîla damni aisi ba ni, kunin mai munbia apia dukiara.

Jasua 7:13

Bus bara upla nani sut paiws balbia. Witin nani ra wis upla sut ridi takbia yauhka yang maiwanra bal buaia. Yang Dawan, Israel Gâdka, yang naha bîla nani man nani ra aisaia brisna: ‘Man, Israel, diara sut sauhki âpu tikaia kapram ba dukia nani ba wina diara nani briram, bara baha dukia nani ba sut sauhki lulki swiras kama kaka, waihlam nani mapara sip buma apia.’

2 Pita 2:1

Bamna Israel nisanka tilara, gâd prapitka kuninkira nani sin bâra kan; baku sin man nani tilamra smasmalkra kuninkira nani bâra kabia. Witin nani ai lukanka ra wan sauhki nani ba, yukuwan lâka ra wan smalkbia, bara witin nani ra swaki sakata Dawanka pali ra sin kulkaia apia wibia; naha na lika witin nani ra pat pali âpu daukaia tânka sa.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 20:3

Tihu tara ra lulkan, bara bahara durka praki baha purara sîl mangkan, bara baku nisan nani ra kau kunin munbia apia dukiara, mani 1,000 ba lubia kat. Mani 1,000 ba lubia ningkara, witin ba lanhkan kaia sa piua wiria baman.

Wihta Nani 10:6

Sakuna Dawan kaikan Israel luhpia nani ba kli saura daukan, gâd bahki Baal bara Astarté wal lilka nani sât sât ba ra kau ai pura suni banhwi kan, baku sin Siria, Sidón, Moab, Amón bara filisteo nani gâdka nani ba sut ra ai pura suni banhwi kan. Witin nani Dawan mayunra lulki swin.

Wihta Nani 2:13

Witin nani Dawan ba swin, Baal lilka bara Astarté lilka sât sât nani ra ai pura sunaia dukiara,

Wihta Nani 20:13

Bamna baha uplika nani Guibeá ra saura dadaukra nani ba, yang nani mihti ra mangks, witin nani ba ikamna, bara baku Israel luhpia nani watawika lâka ba wina klin sakan kabia.” Sakuna Benjamín kiamka nani ba ai taya Israel luhpia wala nani aisin bîla ba wali alki daukras kan,

Wihta Nani 5:8

“Israel luhpia nani 40,000 ai gâdka raya nani mangki briaia tawan getka nani ra aiklabi kan ba ra, sakuna witin nani ai langsika tâura, ai kaina kahbi yukuwaika briaia tânka kum sin kaikras kan.

1 Samuil 18:1

Debit ba Saúl wal aisi swin ba ningkara, Janatan ba Debit wal ai uplika aihwa pali takan, ai wîna baku latwan kaikan.

1 Samuil 18:3

Bamna Janatan bara Debit wal ai muihni ban kaia lâka daukata, kan Janatan Debit ra latwan kaiki kan ai wîna baku.

1 Samuil 20:17

Janatan bui Debit ra ai wîna baku latwan kaiki kan ba latwanka mita, witin wal kli swer takan.