Kli Smalkanka 13:16 - DAWAN BÎLA AISKA

¹⁶ Tawan lilara upla aipaswaika pliska ra, ai dukia kukanka nani ba bri si paski swis, bara tawanka ba ra, diara nani sut waihlam nani wina dakbram ba pauta ra angks. Sauhki tiks, Dawan Gâdkam ra prisantka baku angki yas. Bara baha tawanka ba baku ban kabia, kli raya paskbia apia.

Kli Smalkanka 13:16 ပူးပေါင်းရင်းမြစ်များ

Impakan Sturka 22:19

“Yamna daiwan kum wal yapbia kaka, witin ba lâka aisi dauki ikan kaia sa.

Aiseya 17:1

Damaskus mapara dahra aisin ba: Damaskus tawan tara ba, swika baku ban kabia apia; sauhki tikan yuyaka nani baman kabia.

Aiseya 25:2

Tawan tara nani ba walpa kiaubi paskan nani baku dauki swiram, tawan karnakira nani ba sauhki swiram; waihla nani watla tara nani ba sut slingbram, baha nani kli sin paskan kabia apia ban kaia ra.

Jirimaya 49:2

“Bamna baha aitani, yang, Dawan ba, kasak aisisni: Baha yua balbia ba ra yang daukamna Rabá Amón uplika nani tawanka ba war aiklabi winanka ba walaia; slingwan nani paskanka tara kum takbia, upla nani ba pauta buki klahkla ra ambia. Bara Israel luhpia nani bal ai tawanka nani kli bribia. Yang, Dawan, kasak aisisna.

Isikiel 26:14

Walpa lipni kum baku mai daukamni, plis kum ra tân lâwbia dukiara swin ba baku, bara man kli tawankam ba paskma apia. Yang, Dawan ba, aisari; yang, Dawan, kasak aisisna.

Miqueas 1:6

Baha mita, Dawan naha aisisa: “Sameria tawanka tara ba yang daukamni, tawan almuk nani slingwi luan baku; wain mâ mangkaia tasbaya kum ridi ba baku swimna; tawan bilara walpa nani ba sut il bîla ra lulkamna bara tawanka ba, utla playka nani baman swin kabia.

Kli Smalkanka 7:25

Man nani bui ai gâdka lilka nani ba angkma, kuna gul nani ba silbar dukiam briaia daukma baha wal takaskaia; baha traika kaikanka ra kauhpara, kan warkkam Dawan bui bahki kulkbia.

Kli Smalkanka 7:26

Baha mita lulkan dukia kumi sin man nani wamtla ra bri wapara, man nani ra sin sauhki mai tikan kaia apia ba mata. Baha ba sauhki tikaia lâka sa, baha mita saura kulki banhwaia sma.

Jasua 6:21

bara witin nani sord ni waitna, mairin, wahma, tiara, almuk, bîp wainhka, sîp, biriku nani sut ikan. Diara sut ba sauhki âpu tiki banhwan.

Jasua 6:24

Baha nani sakan ba ningkara, tawanka ba witin nani mita pauta ni angkan, bara dîa dîa bilara ba sut ami luan. Silbar, gul, bras, ayan ni daukan dukia nani ba baman amras kan, bara baha dukia nani ba lika Dawan lalahka watla ra swin.

Jasua 6:26

Baha ningkara Jasua swer taki naku aisin: “Dawan nakra ra ya pali kli Jeriko tawanka ba paskaia bubia ba, saura pali kaikan kabia. Ai luhpia tawahkia ba purara tawanka playka tara ba sunbia, bara ai luhpia sirpika ba purara tawanka getka ba sunbia.”,

Jasua 8:28

bara Jasua bui Ai tawanka ba aiska angki sauhkan, naiwa kat sauhkan ba ban sa.