Kli Smalkanka 12:6 - DAWAN BÎLA AISKA

⁶ Bahara witin ai nina ra luki daiwan nani angki sakripais dauki kama, bara matawalsip mânka nani, mihtam warkka, wan kupia wina prisantka nani brih wama, baku sin daiwram tawahkia nani wina sin.

Kli Smalkanka 12:6 ပူးပေါင်းရင်းမြစ်များ

2 Kronikas 31:14

Lalma durka main kakaira ba sin Libait kum nina Coré, Imná luhpia, upla nani Dawan ra diara brih warkka ba witin dauki kan pura sunaia warkka ba daukaia Gâd ra yaia ba, witin kaiki kan baha daukaia.

2 Kronikas 7:12

bara Dawan tihmia ra Salaman ra latan takan, bara win: “Yang puram sunra ba walri, bara yang naha pliska ba bâk sakri, sakripais daukaia watla.

Esdras 3:2

Bara Jasua, Josadac luhpia ba, ai pânika prîs nani ba aikuki, baku sin Zorobabel, Salatiel luhpia ba, ai muihni aikuki, witin nani buan Israel Gâdka altarka ba paskaia, daiwan iki baha purara aiska angki Gâd ra yabaia dukiara, Moses, Gâd waitnika, ai wauhkataya ra ulban ba baku, witin nani daukan.

Nihimaya 10:36

baku sin luhpi nani tawahkia nani bani ba, bara daiwan nani tawahkia ba sin, lâ ra ulban ba baku, bîp tawahkia nani, sîp tawahkia nani sut, Gâd watla ra bri balbia, prîs nani Dawan warkka dauki ba lamara.

Nihimaya 10:39

Israel luhpia nani Libait nani wina plawar, wain, bara batana laya yan ba sut bri si, tempel ra diara auhbaia watlika nani ra auhbi swin Dawan ra yan dukia nani ba tilara, prîs nani wark dauki ba lamara, dur nani main kakaira bara aiwawanra nani lamara. Yang nani sin pramis takri Dawan wan Gâdka tempelka na lulki swiaia apia.

Lawana Nani 116:17

Man ra tingki mai wiaia sakripaiska dauki maikamni, bara Dawan ninam mâki winamni.

Isikiel 20:40

Israel luhpia nani sut ba maiyunbia ilki holikira ra, baha ilka Israel dukiara purara bukan ba, yang kuntriki ra bâra ba. Yang, Dawan, kasak aisisna. Bahara liliakira mai brimni; bahara makabamna prisant nani aikaia, bara brih balaia wimna dusam mâ tawahkia nani dakbi ba bara dîa dîa yang duki aikaia aihka sâkma ba.

Libait Lâka 1:3

“Baha daiwra aiska angkaia ba, witin ai daiwra tila wina brih aula kaka, bîp wainhka kum, taya sauhkan âpu ba bri balbia. Baha yamni kulki bribia dukiara, daiwra ba tint watla dimaika ba kat dawanka mita bri balbia, upla nani mawanra witin ai prisantka ba Dawan lamara, altar ra bri balbia, witin kaiki ba ra,

Malaquía 3:10

Man nani diara 10 bani wina kumi, yang duki ba tempel ra lalahki watla ra brih bal, baku yang waitla ra plun ailal bâra kabia. Man nani baku dauki tâinka kaiks, man nani kaikma kasbrika purara windarka nani ba bukutbi, yamnika ailal man sut puramra yakabras kamna sapa.

Malaquía 3:8

Bara yang mamkabi walisna: ¿Upla kum sip sa ki Gâd ra kunin muni ba wina diara briaia? ¡Sakuna man nani lika kunin aisi yang wina diara brisma! Sakuna man nani kau ban makabi walisma: ‘¿Dîa pali yang nani dauki kunin mai munisna ki?’ ¡Diara 10 bani wina kumi aikaia bara prisant wala nani sin aikaia sma ba man nani aikras kapram!

Luk 11:42

“¡Alai, man nani, parisi nani! Mint wahia, ru wahia bara diara sirpi pâwi ba sut wina Gâd ra matawalsip bani wina kumi yabisma ba, sakuna diara wapni bara Gâd latwanka lâka bîla walras sma ba. Naha diara nani sika man nani daukaia sma ba, diara wala nani sut ba sin ban dauki kira.

Luk 18:12

Wik bilara aima wâl Gâd ra luki plun piras sna, bara diara sakisna bani wina matawalsip mana ba maikisna.’

Kli Smalkanka 12:17

“Man nani tawankam bilara, plawarkam matawalsipka ba wina piaia apia, wainkam wina sin apia, batankam laya wina sin apia, daiwram nani tawahkia sin apia, Dawan ra prisant yabaia pramis daukram ba wina sin apia, prisant nani kupiam wina daukram ba sin apia.

Kli Smalkanka 26:2

tasbaya wina plun mâ tâura dâkma ba, watlika wala ra brih was, Dawan Gâdkam ai nina bâra kaia pliska sakan ba ra.

Jasua 22:27

sakuna man nani wihki yang nani wal wan lilapas ra witnis kum kaia, bara yawan wan kiamka nani tilara sin baku kabia. Bara baku yawan bui Dawan mawanra aiska angkaia, wan saurka ban swih tikaia, kli wal uplika takaia sakripaiska nani dauki kaia. Bara baku man nani kiamkam yang nani kiamki ra sip wibia apia: ‘Man nani lika Dawan wal diara daukaia âpu sma.’

1 Samuil 1:21

Baha ningkara Elcaná ai watla uplika sut aikuki kli Siló ra wan, witin nani dîa daukaia win ba kat daukaia, bara mani bani Dawan ra sakripais dauki kan;

1 Samuil 1:24

Tiala dakban ba ra, tukta ba kau sirpi kan, sakuna Siló ra ban brih wan Dawan watla ra, bara bîp wainhka ba sin yumhpa bri wan, plawar mâ 22 litro wihki wain sumi kum sin brih wan.