Kli Smalkanka 12:5 - DAWAN BÎLA AISKA

⁵ Man nani kiamkam ra, Dawan bui plis kum saki maikbia witin ai nina bâra kaia pliska, bara man nani baha pliska ra wih mayuni kama.

Kli Smalkanka 12:5 ပူးပေါင်းရင်းမြစ်များ

1 King Nani 12:27

naha uplika nani Jerusalem ra wabia kaka Dawan tempelka ra sakripais daukaia. Ban kra uplika nani na sip sa Roboam, Juda kingka ra tawaia, bamna yang ra ai ikbia bara Roboam ra tawi banhbia, witinka Juda kingka ba.”

1 King Nani 14:21

Salaman luhpia Roboam ba Juda ra king aimaki kan, mani 41 bri kan ba ra. Witin Jerusalem ra 17 mani king aimakan, baha sika tawan kum Dawan mita bâk sakan tawanka ba, bahara witin ai nina bâra kaia. Roboam yaptika nina ba Naamá, Amón wina kata.

1 King Nani 8:16

‘Idsip wina upliki Israel luhpia nani sakatna ba wina, tawan kumi sin bâk sakras kapri Israel kiamka tila wina, anira tempel kum bapka yang nini ba bahara kabia dukiara. Debit ba upliki Israel luhpia nani tâ briaia bâk sakri.’

1 King Nani 8:20

“Bara Dawan witin dîa ai pramiska aisin ba daukan sa. Baku bamna, yang papiki Debit watlika ba briri sa, bara sin Israel kingka iwaika sin briri, bara Dawan Israel Gâdka ba nina ra tempel kumi mâkri sa.

1 King Nani 8:27

“Ban sakuna, ¿baha ba kasak sa ki, Gâd ba naha tasba purara iwi kaia? Bara kaiks kasbrika pura ba bara yahpika ba sip alki briras sa, bara nahki sip kabia naha tempel yang bui paski maikri na.

1 King Nani 8:29

Man lika naha tempelka na kakna bara tihmia aihwaki kaiki kama, naha tempelka ra man wiram bâra kaia, man wali kama albikam naha tempelka ra bal, ai pura suni piua ra.

2 King Nani 18:22

Bara baku sin man nani bui yang ra ai wima kaka: Yang nani Dawan wan Gâdka ra kasak lukisna, yang kasak pali tânka brisna naha waitnika sika kiuhsi pura nani ra prias watla nani sauhki tikan ba, Ezequías apia. Bara sin Juda bara Jerusalem uplika nani ra adar yan, Jerusalem altarka ra baman mayunaia ba.

1 Kronikas 22:1

Baha mita Debit win: “Nahara kabia, Dawan tempelka ba, aiska angki sakripaiska daukaia pliska wan Dawan ra yaia baha sut ba Israel dukia.”

2 Kronikas 7:12

bara Dawan tihmia ra Salaman ra latan takan, bara win: “Yang puram sunra ba walri, bara yang naha pliska ba bâk sakri, sakripais daukaia watla.

Esdras 3:2

Bara Jasua, Josadac luhpia ba, ai pânika prîs nani ba aikuki, baku sin Zorobabel, Salatiel luhpia ba, ai muihni aikuki, witin nani buan Israel Gâdka altarka ba paskaia, daiwan iki baha purara aiska angki Gâd ra yabaia dukiara, Moses, Gâd waitnika, ai wauhkataya ra ulban ba baku, witin nani daukan.

Esdras 6:12

¡Bara Gâd Jerusalem ra ai nina bâra kaia wahbi bâk sakan ba bui ani kingka, apia kaka ani nisanka bal Dawan tempelka ba sauhkaia, apia kaka, warkka ba takaskaia trai munbia uplika nani ra, sauhki tikan kabia! Yang, Darío, baha adarka ba yâri sa. Bamna dîa ulbri ba kat daukan kabia.”

Esdras 7:17

Bara baha lalahka ba ni, tânkira man nani atkma, bîp wainhka nani, sîp wainhka bara mairin nani, baku sin plun bara wain nani sin atkma; baha dukia nani atkuma ba tempel altarka pura ba ra suni angkaia, Jerusalem ra man nani Gâdkam ra mayunra yabaia dukiara.

Nihimaya 1:9

sakuna yang nani kli man ra tawi balamna bara lâmka bîla nani ba brimna, bara baha warkka daukamna kaka, ban ai yakabi ai swiram sa, sakuna tasba aiska kir ba wina, yang nani na kli asla ai daukma, bara man ninam bâra kaia pliska bâk sakram ba, bahara kli wan brih wama.

Lawana Nani 78:68

Juda kiamka ba ni bâk saki brin, Saion ilka latwankira ba sin.

Impakan Sturka 15:2

Laiwana ba Dawan ra yabisna, witin lika yang karniki bara swaki ai sasakra sin ba. Witin ba yang Gâdki, yang bui witin ai nina mayunaia sna; witin ba aisiki nani Gâdka, yang bui witin ba purara bukaia sna.

Impakan Sturka 20:24

Tasba ni altar kum paski aik, yang duki, bara baha purara daiwram nani daknika ba tila wina, sîp sapa, bîp sapa aiska angki aikaia brih bal, naha sakripaiska na yang wal man nani kli kupia kumi takaia prisantka kabia. Bara yang balamna, yamni sin mai munamna baha pliska bani ra puram sunaia maikri ba ra, yang baku brin ai dauki kan ba man nani piu bani ra nini ba âmya ra bri kama dukiara.

Impakan Sturka 25:22

Baha wina man nani wal yang aisamni, pura bikaika purara, insal nani wâl ba lilapaska ba wina, lâ nani auhbi watla ba wina, yang bui man nani ra mai wi kamni, yang dîa Israel luhpia nani ra wiaia brisna ba.

Jirimaya 26:2

bara win: “Tempel ra dimaia durka ba ra wih bus, bara dîa sut man aisaia yang mai wîri ba Juda tawanka nani wina upla nani ai pura sunaia aula nani ba ra wis. Mai wîri ba sut pali aisas.

Jirimaya 7:12

Yang waitla Siló ra man nani was, baha pliska ba pas yang sakri bahara takaski maiyunaia, bara kaiks Israel upliki nani watawan tâwan dîa daukri ba.

Jirimaya 7:14

Baha mita, yang pliski holikira Siló ra dîa munatna ba baku, naha tempelka mâki aikan na ra sin daukamna, naha tempelka man nani ra maikri na baha damikam nani ra yabri ba, man nani bahara kasak lukisma ba.

Libait Lâka 17:4

baha daiwra ba Dawan wal aisaia tintka watla ra brih waras ba prisantka kum yabaia tempel ra, witin baha tâlia laikan ba mana pâtkira kulkan kabia, baha tâwan witin ba upla nani tila wina mawan ba tikbia.

Kulki Kaikanka 7:89

Moses ba Dawan wal aisaia tint watla ra wih diman ba ra, witin walan Dawan bui witin ra aisi kan lâ watla auhban pura prakaika ba wina, insal lilka wâl ba lilapas wina.

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 12:13

“Aman kaiki bas ani ani pliska ra man nani bui Dawan ra daiwan angki yabi kaia apia sma;

Kli Smalkanka 12:18

Dawan Gâdkam ani pliska witin aihka saki maikbia ba ra baman daukaia sip kama; bahara, man nani Dawan Gâdkam mawanra bara luhpiam nani wihki albikam nani aikuki asla, bara Libait nani man nani tilamra iwbia ba aikuki, man nani mihtam warkka nani daukisma mâ nani ba wal lilia kama.

Kli Smalkanka 12:4

“Baku natka ra man nani Dawan Gâdkam ra mayunaia apia sma.

Kli Smalkanka 14:23

Witin ai nina bâra kaia pliska aihka sâkbia ba ra man nani plawarkam, wainkam, batankam laya matawalsipka nani, bara bîpkam, sîpkam tawahkia nani wîna bahara man nani Dawan Gâdkam lamara mai kaiki ba ra pis, baha pliska witin bâk sakan ba ai nina bâra kaia mata, bara lan takma witin ra ban tara kulki kaia dukiara.

Kli Smalkanka 14:24

Bara Dawan bui man nani ra yamni mai munbia kaka, sakuna yabal laihura wapaia sma kaka matawalsipkam mânka nani brih waia sma ba dukiara Dawan ai nina bâra kaia pliska aihka sakan ba wina man nani laihura iwisma ba tâwan,

Kli Smalkanka 15:20

Tamya nani aikuki mani bani asla taki Dawan Gâdkam, witin plis kum aihka sâkbia ba ra pi bas.

Kli Smalkanka 16:11

Bara Dawan Gâdkam mita witin ai nina bâra kaia pliska kum aihka sakan ba ra luhpiam nani, albikam nani, Libait nani, tringsar nani, rau nani bara piarka nani man nani tilamra iwi ba aikuki lilia dauks.

Kli Smalkanka 16:15

Naha liliaka na Dawan Gâdkam, witin ai nina bâra kaia pliska kum aihka ba ra wik kum witin ai nina ra mayunra yabaia liliaka dauki bas; kan Dawan Gâdkam, patam mâ nani sut ra, warkkam sut ra yamni munbia, bara man nani âmyapah kama.

Kli Smalkanka 16:2

“Witin ai nina bâra kaia pliska aihka sakan ba ra, Insal luan Yua ra bîpkam bara sîpkam nani Dawan Gâdkam ra sakripais dauki yama.

Kli Smalkanka 16:6

Witin ai nina bâra kaia pliska, witin mita aihka sâkbia ba, bahara lika tutni lapta dimaia man awarka ra sakripais dauki yama, kan baha awarka ra sika man nani Idsip wina takram.

Kli Smalkanka 16:7

Sakripais daukan wîna ba Dawan Gâdkam ai nina bâra kaia pliska sakan ba ra piaki pis, bara titan wala wamtla ra kli tawi was.

Kli Smalkanka 17:8

“Ban kra prura, unsaban, insauhkan, tasba pîs kum diara wala nani unsabanka tâwan trabil brisma kaka lâka daukaia, Dawan Gâdkam bui plis kum aihka sakan ba ra was,

Kli Smalkanka 18:6

“Libait kum, Israel man nani uplikam tawanka tilara ba wina brin daukisa kaka Dawan bui plis aihka sakan ba ra balaia,

Kli Smalkanka 26:2

tasbaya wina plun mâ tâura dâkma ba, watlika wala ra brih was, Dawan Gâdkam ai nina bâra kaia pliska sakan ba ra.

Kli Smalkanka 31:11

Israel uplika sut asla taki kabia piua ra, Dawan mita pliska bâk sakan ba ra, witin nani sut pali mawanra aisi kaikbia.

Kolosi 2:9

Bamna Gâd tânka aiska ba, Kraist upla takan ba mita wan marikisa,

Hibru Nani 12:22

Sakuna, man nani lika Saion ilka ra bara Gâd rayakira tawanka ba lama kat sin balram sa, tânka ba lika, kasbrika purara Jerusalemka ra, bahara insal nani tausin ailal ba ra sin.

Jasua 18:1

Israel luhpia nani sut ba Siló ra asla takan, bamna bahara bapan Dawan wal aisaia tintka watla ba. Baha piua kat tasba lika ailal pura lui brin kan,

Jasua 22:11

Israel uplika wala nani ba sturka na walan, nahki Ruben bara Gad wal, baku sin Manasés kiamka bakriki aikuki altar kum paskan Jordan ra, Israel luhpia nani tasbaya piarkika ra.

Jasua 9:27

ban sakuna, lâ daukan witin nani Israel luhpia nani ba, Dawan altarka nani ba ra bri si swibia bahara pauta baiki lî panhki yabi kaia. Bahamna Gabaón uplika nani ba naiwa kat ban, baha warkka upla dukia dauki kaia warkka ba daukisa.

Param Marikanka 14:1

Baha ningkara yang kaikri, bara Sîp Luhpia ba Saion ilka ra bûi kan. Witinka wal upla 144,000 bâra kan, bara baha nani ai lal purara Sîp Luhpia nina ba bara ai Aisika nina ba sin ulbi bri kata.