Kli Smalkanka 12:31 - DAWAN BÎLA AISKA

³¹ Baku Dawan Gâdkam ra daukpara, kan bahki kulkan dukia nani ba sika, baha nisanka nani ai gâdka ra mayuni ba, Dawan pain kaikras ban ai luhpia nani sin, pauta ra sakripais daukisa.

Kli Smalkanka 12:31 ပူးပေါင်းရင်းမြစ်များ

2 King Nani 16:3

sakuna Israel kingka nani yabalka ra tauki kan, ai luhpia ba sakripais daukaia yaban, tasba wala nani Dawan yamni kaikras dukia nani dauki kan ba baku witin sin daukan, bara Dawan mita Israel luhpia nani ai mawan wina kangbi sakan.

2 King Nani 17:31

Avá uplika nani ba lika Nibhaz kum bara Tartac kum dauki bri kan, bara Sefarvaim uplika nani lika ai gâdka nani Adramélec wihki Anamélec wal ra mayunaia dukiara ai luhpia nani pauta ra angki sakripais dauki yabi kan.

2 King Nani 21:2

Sakuna witin saura daukan Dawan mawanra, kan nisan wala nani saura daukan ba Israel luhpia nani mawanra bara Dawan mita kangbi sakata ba baku witin daukata:

2 King Nani 3:27

Bamna ai luhpia tawahkia ai watlika ra king aimakaia kata ba alkan, bara alki iki wîna tara aiska ba angkan kutbanka ba purara. Naha ba Israel luhpia nani mapara kasak kupia sauhkan, bara witin nani ai kiampka ba swih ki, mahka ai tasbaya ra tawi wan.

2 Kronikas 33:2

Sakuna witin saura daukan Dawan mawanra, kan nisan wala nani saurka daukan, Israel luhpia nani mawanra bara Dawan mita kangbi sakata ba baku:

2 Kronikas 36:14

Juda tâ uplika nani sin, prîs nani bara tawan uplika nani sut sin, Dawan wina laihura takan, aidul ra mayunan nisan wala nani baku, Dawan tempelka kulkras kan, baha witin wahbi sakan kan ba Jerusalem ra ai pliska holikira baku.

Lawana Nani 106:37

bara ai luhpia waitna nani, ai luhpia mairin nani lasa nani ra sakripais dauki yaban.

Impakan Sturka 23:2

“Upla ailal pali witin ai saurka dauki auya ba nina blîkpara. “Witin nani diara warha daukaia dukiara lâ mapara aisi nani wal ba lâka ra tniwpara;

Jirimaya 32:35

Baha purkara Ben-hinom ilka bîla ra sin Baal altarka nani paskan, ai luhpia waitna ai luhpia mairin nani Moloc ra sakripais dauki yaia, baku dauki yan Juda saura daukaia, diara tâski yang adar yaras lukanki ra sin âpu kan ba daukan.

Jirimaya 7:31

Witin nani ba Ben-hinom ilka bîla ra altar kum paskan nina ba Tófet, bahara ai luhpia waitna nani ai luhpia mairin nani angkaia, witin nani ra wiras kapri baha daukaia, yang lukanki ra sin baha daukaia lukanka âpu sa.

Isikiel 20:31

Baha prisantka, man luhpiam nani pauta ra angkisma ba, man nani kau ban tâski takisma aidulka nani ba wal. ¿Bara man nani baku brinkam sa ki, Israel luhpia nani, yang ra tânka plikaia aulma ba? Yang, Dawan, rayaki ni swer takisna mai swirika man nani ba yang ra bal diara tânka pliki walma apia.

Isikiel 23:27

Baku danh takbia man prikam lâka bara urkam lâka Idsip mihta ra aimakram ba bara kli Idsip uplika nani kaikma apia, witin nani ra sin kupiam kraukma apia.

Libait Lâka 18:21

“Luhpiam nani kumi sin gâd Moloc ra prisant baku yapara. Baku dauki Gâdkam nina ba sauhkpara. Yang sika Dawan.

Libait Lâka 18:3

“Man nani Idsip uplika nani tilara iwi kapram ba, baha kuntrika uplika nani lâka ba nina blîkpara. “Kenan uplika nani daukanka ba nina sin blîkpara, bahara mai brih wamna tasbaya ra, witin nani lâka natka ra man nani iwma apia.

Libait Lâka 20:2

“Naha bîla nani na Israel luhpia nani ra wis: “Israel luhpia nani kum, apia kaka tringsar kum Israel tasbaya ra iwi ba, ai luhpia nani Moloc ra yabia kaka, upla wala nani mita uplika ba walpa ni sabi ikbia.

Miqueas 6:7

¿Sîp nani 1,000 yang bri sal yabamna kaka, apia kaka oliv batanka laya, awala nani 10,000 baku yabamna kra, Dawan baha dukia nani brih lilia takbia ki? ¿Apia kaka, yang luhpi taiwahkia ba yabamna, Dawan mapara buri ba saurki mana aibapaia?

Kli Smalkanka 12:4

“Baku natka ra man nani Dawan Gâdkam ra mayunaia apia sma.

Kli Smalkanka 20:18

bara baku witin nani ai gâdka bahki nani ra mayuni diara saura nani dauki ba mai smalkbia apia, bara mai munbia Dawan Gâdkam mapara saura daukaia.

Kli Smalkanka 9:4

Dawan Gâdkam mita man nani mamwan wina witin nani saki lulkbia ba ra, man nani mânkam tilamra wipara: ‘Naha na wan dukia briaia kan ba wankan bara tingki, Dawan wina naha kuntri na wan pliska wankan’; kan witin nani saura daukan ba tâwan Dawan mita kangbi sakan.

Kli Smalkanka 9:5

Prisant nani ba dukiara apia man nani ra umpira mai kaikan, ai kuntrika ra man nani pliskam brisma ba. Dawan bui man nani mamwan wina saki lulkisa, witin nani ai saurka tâwan. Bara Ebraham ra, Aisak ra bara Jekob ra, man nani damikam nani ra pramis daukan ba daukbia.