Kli Smalkanka 12:3 - DAWAN BÎLA AISKA

³ Ai altarka nani ba slingbi tiki, walpaya nani ba sin pîs ra baman dauks, bara playka nani bapi ba ra mayuni nani ba sut angks lubia. Gâd bahki lilka nani ba sut sauhki tiks, nina ulban pliska nani ba sin diki sâks.

Kli Smalkanka 12:3 ပူးပေါင်းရင်းမြစ်များ

1 King Nani 14:15

Dawan mita Israel ba singban kabia, lî aubra nani bui yauhrus dusa ra muni ba baku. Bara Israel ba, naha tasbaya yamnikira ai damika nani ra yan kan ba wina lulki sakan kabia, bara yakaban kabia Éufrates wina kau laihura, kan gâd bahki Astarté lilka daukan bara Dawan kupia sauhkan bamna.

1 King Nani 15:13

Baku sin, ai kukika Maacá kwin kaia lâka bri kan ba wina sakan, kan witin ba bui Aserá gâd bahki ba lilka kum daukan kata. Asá bui ai yaptika gâd bahki lilka daukan kan ba sut âpu daukan, bara Cedrón tingnika ra bri si angkan.

2 King Nani 11:18

Ningkara baha tasbaika uplika sut ba Baal tempelka ra diman, aidul altarka nani ba sut slingbi sauhki tikan, baku sin daiwan iki angkaia pliska nani ba sut pali kriki yakaban, bara lilka nani kan ba sin sut sauhkan. Bara Matán Baal prîska ba lika nana dakbi ikan daiwan iki angkaia pliska ba kat. Bara prîs Joiadá ba mita aihwawakra kum Dawan tempel ba aihwaki kaia mangkan.

2 King Nani 18:4

Witin mita sika gâd bahki nani dukia tempel ra paskan kan ba sut sakan, bara sin ai gâdka bahki nani ra yaia walpa ni paskan kan ba sin sut sauhki tikan, bara Aserá lilka paskan nani bâra kan ba sin sut klakan, bara bras piutka Moses bui daukan kata ba sin kriki pîs ra yakabata, kan Israel luhpia nani ba baha yua kat sin ban dus kîa nani angki yabi kan, bara sin ai nina ba Nehustán mâkan.

2 King Nani 23:14

Bara sin lilka walpa ni paskan kan ba, yuya baman krikan, dus playa nani ra dawan ra kulki baku kan ba sauhki tikan, bara baha watlika ra upla dusa nani wal baman banhkan.

2 Kronikas 14:2

Asá daukanka nani ba yamni wapni kan, Dawan ai Gâdka mawanra.

2 Kronikas 14:3

Tringsar nani gâdka altarka bâra kan ba sut sakan, ai pura sunaia pliska nani gâd bahki ra witin nani dawan wal aisaia bri kan pliska nani ba sin baiki tikan, baku sin Aserá lilka nani kan ba sut kalki tikan.

2 Kronikas 19:3

Ban sakuna, diara yamni nani manis bâra sa tâm baikaia, kan Aserá lilka nani sut sauhki tikram tawan bilara kata ba, bara Dawan ra plikram.”

2 Kronikas 31:1

Baha sut dauki luan ba ra, Israel luhpia nani bâra kata ba sut Juda tawanka nani ra wan, bara walpa ni lilka nani dauki bri kata ba sut kriki tikan, Aserá lilka nani ba krikan, idan gâd bahki holi pliska kata ba sin, baha dukia nani Juda ra bara Benjamín ra sin sut âpu daukan, baku sin Efraín ra bara Manasés ra kata ba, baha ningkara Israel luhpia nani kumi bani ai tawanka ra kli tawi wan.

2 Kronikas 34:3

Josías mani 8 king aimaki kan, witin ba kau wahma kan ba ra, witin ai almukka Debit Gâdka ba plikan. Bara mani 12 king aimakan ba ra, mahka idan nani ai pura suni pliska nani ba, Aserá lilka nani, aidul nani slilki paskan gâdka nani lilka ba sut slingban.

Lawana Nani 16:4

Lilka nani bri ba, witin nani kau ailal daukbia, mayunra kau tara dauki kabia. ¡Tala laiwi sakripaiska nani dauki ba tilara kamna apia! Yang bîli ni baha nani nina mâkamna apia.

Impakan Sturka 23:13

“Diara nani sut yang mai wîri ba kat dauki bas. Bara aikrika, gâd wala nani kumi sin dukiara man nani unam nani wina walamnara.

Impakan Sturka 23:24

Baha uplika nani ai saurka nani dauki ba, nina bliki man nani sin daukpara, witin nani gâdka ra sin lulam krikpara, mayunra sin yapara; sakuna gâd bahki nani ai walpaya playka nani aihka yamni kulki bri nani ba sut sin sauhki tiks.

Impakan Sturka 34:13

Man nani was bara altar diara angkaia watla bri ba bataks; lilka bahki nani bri ba kriki tiks, walpa ni lilka daukan nani ba sut âpu dauks.

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Jirimaya 17:2

Luhpiam nani baha altarka nani ba ra ai kupia kraukisa, dus plamaya nani aidulka ra mayuni baku, dus nani wahia tara pâwan ba mununhtara kiuhsi nani purara ba ra sin bukisa,

Oseas 2:17

Baal nina ba, un nani wina dikamni, witin nani kli Baal nani nina mâki aisabia apia.

Miqueas 5:14

Aserá dusa sunukira tilamra brisma ba, daiki lulkamna, bara tawankam nani sin sauhkamna.

Sakaraya 13:2

Bara naha kuntrika aiska ra gâd bahki nani ba nina ba kat sin sut sauhki tikamni, ban baha nani nina ra ai pura suni kaia apia dukiara. Prapit nani lukan tâski bri nani ba sut, naha kuntrika wina sakamna. Yang, Dawan, naha aisisna.

Kulki Kaikanka 33:52

upla nani bahara iwi ba sut kangs taki wabia. Lilka nani walpa ni, bras ni paski bapi bri ba sut sauhki tiks, ani ani pliska ra kabia, kiuhsi nani ra ai gâdka mayuni ba sut bataks.

Kli Smalkanka 12:4

“Baku natka ra man nani Dawan Gâdkam ra mayunaia apia sma.

Kli Smalkanka 7:25

Man nani bui ai gâdka lilka nani ba angkma, kuna gul nani ba silbar dukiam briaia daukma baha wal takaskaia; baha traika kaikanka ra kauhpara, kan warkkam Dawan bui bahki kulkbia.

Kli Smalkanka 7:5

Man nani daukaia sma ba sika idan nani altarka sut batakaia, walpaya nani sut sauhki tikma, walpaya lal nani witin nani mayuni ba, aidulka nani sut angkma.

Param Marikanka 13:1

Bara yang daiwan saura kum kabu wina bal uluya kan kaikri; witinka ba lal 7 bri kan, bara aringka matawalsip. Ai aringka bani ra kraun kum bri kan, bara ai lal nani ra Gâd kupia sauhkaia nina kum ulban kata.

Wihta Nani 2:2

bamna man nani naha uplika nani naha tasbaya ra iwi ba ra witin nani ai lâka ba wal kupia lâka daukma apia, sakuna ai altarka nani ba slingbi tikma.’ Sakuna man nani bui yang bîli walras, ¡bara nanara kaiks dîa daukram ba!