Kli Smalkanka 12:28 - DAWAN BÎLA AISKA

²⁸ “Yang dîa man nani ra mai wîri ba alki dauks, bamna man nani bara luhpiam nani ra sin, ban yamni baman waia dukiara, Dawan nakra ra wapni baman dauki kapram ba mita.

Kli Smalkanka 12:28 ပူးပေါင်းရင်းမြစ်များ

2 King Nani 17:31

Avá uplika nani ba lika Nibhaz kum bara Tartac kum dauki bri kan, bara Sefarvaim uplika nani lika ai gâdka nani Adramélec wihki Anamélec wal ra mayunaia dukiara ai luhpia nani pauta ra angki sakripais dauki yabi kan.

2 Kronikas 7:17

Bara man ba yang maiwanra aisikam Debit wapi kata baku wapma kaka, bara dîa dîa yang mai wimna ba daukma kaka, bara lâika nani ulbanka ba sin bîla walma kaka,

Nihimaya 1:5

Bara witin ra wîri: “Dawan, man laih pura Gâdka, Gâd tara sibrinkira sma, lâ daukisma ba dutki alki brisma, dîa aisi daukram ba kat kulkisma, baha nani man lâmka bîla kulki latwan mai kaiki nani sut ra.

Lawana Nani 105:45

Baha mita, Dawan lâka nani bara smalkanka nani ba kulki, alki brih daukbia dukiara. ¡Dawan nina ba mayunan kabia!

Impakan Sturka 34:11

“Naiwa lâ nani mai wimna ba alki bris, bara yang lika man nani mamwan wina amorreo nani, Kenan uplika nani, hitita nani, ferezeo nani, heveo nani bara Jebús uplika nani sin sut sakamna.

Smasmalkra 8:12

¡Baku takisa, ya saura dauki bara kau ban dauki auya ba sin, mani ailal raya sa! (Kan yang daira walisna ba lika, ya Gâd ra kulki ba, bara mayunra yabi ba yamni auya sa;

Isikiel 37:24

Duki dadaukra Debit ba, king kabia bara sepad unhsak kabia witin nani sut dukiara; bara witin nani bîli walbia bara lâika bîla daukaia lâka ba daukbia.

Libait Lâka 19:37

“Baku bamna, yang lâika nani bara adarki nani ba kat alki man nani sut baku dauks. Yang sika Dawan.”

Jan 15:10

Man nani lâika bîla kat wali dauki kama kaka, yang laitwanka lâka ra sin ban kama, sim yang Aisiki lâka wali daukisna bara latwan ai kaiki ba kat ban sna ba baku.

Jan 15:14

Bamna man nani sika upliki nani, yang dîa mai wisna ba sut daukma kaka.

Jan 15:3

Man nani lika pat klin sma, baha bîla mai smalkri ba mita.

Kli Smalkanka 12:25

Pipara, bara man nani lika Dawan nakra ra wapni baman daukisma tâwan, man nani bara luhpiam nani ra yamni baman wabia.

Kli Smalkanka 24:8

“Lipar sikniska tânka dukiara, Libait nani mita nahki mai smalkbia ba baku dauks. Yang bui witin nani ra nahki smalkri ba baku daukbia.

Kli Smalkanka 4:40

Ai lâka bîla nani naiwa maikisna na, man nani dauks, bara yamni kama, kiamkam nani ra sin. Dawan Gâd bui kuntrikam ban kaia ra maikuya ba ra pruras mani ailal raya banhwi kama.”

Kli Smalkanka 5:33

Dawan Gâdkam yabal mamrikan ba baha nina blîks, yamni wama dukiara, mani ailal sin raya kama tasba man dukiam maikaia win ba ra.