Kli Smalkanka 12:21 - DAWAN BÎLA AISKA

²¹ Sakuna Dawan Gâdkam bui ai nina bâra kaia dukiara plis kum aihka sakan ba, man nani iwisma ba wina laihura sa kaka, yang mai wîri ba baku bîpkam bara sîpkam nani Dawan wina maikan ba, sip sma man nani bahara iwma ba ra iki piaia.

Kli Smalkanka 12:21 ပူးပေါင်းရင်းမြစ်များ

1 King Nani 14:21

Salaman luhpia Roboam ba Juda ra king aimaki kan, mani 41 bri kan ba ra. Witin Jerusalem ra 17 mani king aimakan, baha sika tawan kum Dawan mita bâk sakan tawanka ba, bahara witin ai nina bâra kaia. Roboam yaptika nina ba Naamá, Amón wina kata.

2 Kronikas 12:13

King Roboam ba ai karnika ba kau brin Jerusalem ra, bara ban king aimaki kan. Witin nan king aimakan ba ra pat 41 mani bri kan, bara witin 17 mani king aimakan Jerusalem ra, baha sika Dawan mita bâk sakan tawanka ba Israel kiamka nani bahara kaia dukiara. Roboam yaptika nina ba Naamá kan, Amón wina.

Esdras 6:12

¡Bara Gâd Jerusalem ra ai nina bâra kaia wahbi bâk sakan ba bui ani kingka, apia kaka ani nisanka bal Dawan tempelka ba sauhkaia, apia kaka, warkka ba takaskaia trai munbia uplika nani ra, sauhki tikan kabia! Yang, Darío, baha adarka ba yâri sa. Bamna dîa ulbri ba kat daukan kabia.”

Impakan Sturka 20:24

Tasba ni altar kum paski aik, yang duki, bara baha purara daiwram nani daknika ba tila wina, sîp sapa, bîp sapa aiska angki aikaia brih bal, naha sakripaiska na yang wal man nani kli kupia kumi takaia prisantka kabia. Bara yang balamna, yamni sin mai munamna baha pliska bani ra puram sunaia maikri ba ra, yang baku brin ai dauki kan ba man nani piu bani ra nini ba âmya ra bri kama dukiara.

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 12:15

“Ban sakuna, man nani sip sma ani piua ra kabia daiwan iki piaia uplikam nani tilara, Dawan Gâdkam ai yamnika nani maikan ba wina. Man nani puram suni klin takras kama sakuna, man nani sut piaia sip kama.

Kli Smalkanka 12:20

“Dawan Gâdkam man nani ra tasbayam kau tara maikaia win ba maikbia ba piua ra, dîa wîna pin mai daukbia ba, man nani ani ani piua ra piaia sip kama.

Kli Smalkanka 12:22

Snapuka bara sula wîna piaia lâka ba sin baku kulkan sa, man nani sut sip sma baha piaia, puram suni klin takram, apia kaka klin takras kama sin.

Kli Smalkanka 12:5

Man nani kiamkam ra, Dawan bui plis kum saki maikbia witin ai nina bâra kaia pliska, bara man nani baha pliska ra wih mayuni kama.

Kli Smalkanka 16:11

Bara Dawan Gâdkam mita witin ai nina bâra kaia pliska kum aihka sakan ba ra luhpiam nani, albikam nani, Libait nani, tringsar nani, rau nani bara piarka nani man nani tilamra iwi ba aikuki lilia dauks.

Kli Smalkanka 16:6

Witin ai nina bâra kaia pliska, witin mita aihka sâkbia ba, bahara lika tutni lapta dimaia man awarka ra sakripais dauki yama, kan baha awarka ra sika man nani Idsip wina takram.

Kli Smalkanka 26:2

tasbaya wina plun mâ tâura dâkma ba, watlika wala ra brih was, Dawan Gâdkam ai nina bâra kaia pliska sakan ba ra.