Kli Smalkanka 12:2 - DAWAN BÎLA AISKA

² “Man nani baha uplika nani pura luaia auma ba, witin nani ai gâdka nani ra ai pura sunaia pliska nani bri sut sauhki âpu dauks: il nani ra, kiuhsi nani ra bara dus tara nani distika ra.

Kli Smalkanka 12:2 ပူးပေါင်းရင်းမြစ်များ

1 King Nani 14:23

Kan witin nani sin gâd bahki nani watla paskan, walpa nani bara dus playa kutbanka nani bukan Dawan bahki ra mayunaia dukiara, kiuhsi nani ra, dus tnawa ailal bri nani munhtara sin.

1 King Nani 3:2

Ban sakuna, baha piua ra upla nani lika il nani ra sakripais dauki kan idan nani ai pura suni kan pliska nani ra, kan baha piua nani ra Dawan tempelka kumi sin kau paskras kan.

2 King Nani 11:18

Ningkara baha tasbaika uplika sut ba Baal tempelka ra diman, aidul altarka nani ba sut slingbi sauhki tikan, baku sin daiwan iki angkaia pliska nani ba sut pali kriki yakaban, bara lilka nani kan ba sin sut sauhkan. Bara Matán Baal prîska ba lika nana dakbi ikan daiwan iki angkaia pliska ba kat. Bara prîs Joiadá ba mita aihwawakra kum Dawan tempel ba aihwaki kaia mangkan.

2 King Nani 16:4

Baha purkara sin sakripais daukan bara kîa yamni angki kan, idan nani ai gâdka bahki ra mayuni dauki kan ba; il nani ra bara dus wahia pranakira distika nani mununhtika ra sin naha nani ba dauki kan.

2 King Nani 23:13

Baku sin, king mita tâski kulkan idan nani gâdka bahki nani, Jerusalem lalma ra paski bri kan ba, bara Oliv nani ilka waupasa tani ra bri kan ba, Salaman Israel kingka ba mita paskan, Astarté gâdka bahki ba, Sidón uplika nani bara Quemós bara Moab uplika nani aidulka saura nani ba sin. Milcom bui aidul saura Amón luhpia nani dukiara paskan ba baha nani sut ba sin sauhki tikan.

Lawana Nani 78:58

Idan altarka paskan ba mita, Dawan kupia sauhkan, aidul nani ra mayuni ba tâwan ai kupia baikan.

Impakan Sturka 23:24

Baha uplika nani ai saurka nani dauki ba, nina bliki man nani sin daukpara, witin nani gâdka ra sin lulam krikpara, mayunra sin yapara; sakuna gâd bahki nani ai walpaya playka nani aihka yamni kulki bri nani ba sut sin sauhki tiks.

Aiseya 36:7

Bara baku ai wima kaka: Yang nani kasak lukisna Dawan wan Gâdka ra, Ezequías mita daukan baha altarka nani pliska purara kan ba, munan altarka nani ba sakan, bara Juda Jerusalem ra win: Naha altarka na mawanra baman man nani maiyunma.

Jirimaya 17:2

Luhpiam nani baha altarka nani ba ra ai kupia kraukisa, dus plamaya nani aidulka ra mayuni baku, dus nani wahia tara pâwan ba mununhtara kiuhsi nani purara ba ra sin bukisa,

Jirimaya 2:20

“Man bui yang maipara buram ba wina pat piu wihka auya, bîli wali daukaia apia wiram. Man aisaram: ‘Warkkam takan ai daukras.’ Bara wala nani warkka daukram il purara nani bani ra dus distika painkira bani ra man ur taki kapram.

Jirimaya 3:13

Man watawi daukram ba daukri, wis, Dawan Gâdkam mapara babura takram ba; tringsar nani latwan kaiki plapi pliki waram ba, dus tara nani sut distiki ra waram, yang bîli walras adarki nani wîri ba daukras. Yang, Dawan, kasak aisisni.’ ”

Jirimaya 3:2

Il nani bahna ba kaiks lipni ba, pain kaiks: ¿anira lika saura pali kulkaia warkka ba man bahara daukras kapram? Arabia uplika nani upla iwras tasbaya yabalka ra iwi bîla kaiki ba baku, yabal un ra iwi lilam nani ba bîla kaikisma. Man ur taki watawika lâka dauki kuntrikam na tâski daukram.

Jirimaya 3:6

King Josías yua nani ra Dawan mita yang ra naku ai win: “¿Man kaikisma ki Israel maipara babura ba diara daukan ba? Witin il purara uli dus tara nani munhtara ur taki tauki banhwi kan.

Oseas 4:13

Il nani bahna ra, il sirpi nani purara witin nani kîa yamni angki sakripais prisant nani yabisa, usupum dusa nani, usupum sâtka dusa nani distika ra sin wih, baku daukisa. Baha mita sika luhpiam mairin nani, rug mairin takan ba, mulam yapti nani sin, ai maya lâka kriki ba.

Kulki Kaikanka 22:41

Yu wala titan Balac bui Balaam pliki saki, witin wal Bamot-baal ilka ra ulan, baha pliska ba wina sip kan Israel luhpia nani ai watla mâkan ba kaikaia.

Kli Smalkanka 7:5

Man nani daukaia sma ba sika idan nani altarka sut batakaia, walpaya nani sut sauhki tikma, walpaya lal nani witin nani mayuni ba, aidulka nani sut angkma.

Wihta Nani 2:2

bamna man nani naha uplika nani naha tasbaya ra iwi ba ra witin nani ai lâka ba wal kupia lâka daukma apia, sakuna ai altarka nani ba slingbi tikma.’ Sakuna man nani bui yang bîli walras, ¡bara nanara kaiks dîa daukram ba!