Kli Smalkanka 12:10 - DAWAN BÎLA AISKA

¹⁰ Sakuna piua kum man nani Jordan lui, bara baha kuntrika witin maikaia win ba ra iwma, bara waihlam nani mai kutbi ba wina pri kama, bara sibrin sin mai daukbia apia,

Kli Smalkanka 12:10 ပူးပေါင်းရင်းမြစ်များ

1 King Nani 4:25

Bara Salaman raya iwan piua ra, Juda bara Israel wal trabil âpu iwi kata, Dan wina Beerseba kat, ai wainka kiwka muhungka kat bara ai kwah damni dusa mununhta kat iwi kan.

1 King Nani 8:56

“¡Dawan ba yamni pali kabia, ai uplika Israel luhpia nani ra kupia kumi lâka yan ba, dîa witin pramis win ba kat! Dîa dîa witin ai albika Moses ra aisin ba kumi sin swiras, sut kat yan aimakan.

1 Kronikas 22:18

“Dawan Gâdkam ba man nani wal sa, bara tasba aiska ra kupia kumi lâka maikan sa, witin bui sika tasba aiska ba mihtam ra mangkan sa, bara tasba aiska na Dawan mihta ra sa bara ai upla nani ba sin.

Lawana Nani 4:8

Kupia kumi lâka ra yang aitnikuna, bara isti pali yapisna; bamna man, Dawan, yang ra daukisma kasak luki iwaia ba.

Impakan Sturka 33:14

Dawan pana witin ra win: —Man wal yang wamna ba ra, maikrika ris brima.

Sins Lâka 1:33

Sakuna yang ra ai wali uplika nani ba, kupia kumi lâka ra iwbia; bara pât briaia sip ba laihura kabia.”

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 32:37

Tawanka uplika nani ba kli asla daukisna, yang kupi baiwan, yang lawri bara yang lawanki tara ra kuntri nani ra yakabri ba wina, yang daukamna witin nani kli bal baha tasbaya ra ai âuyapah iwi kaia.

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Isikiel 28:26

Bahara iwbia lamni bara trabil âpu kira. Bara utla nani paskbia bara wain nasla nani dauki mangkbia. Yang lâka daukamna baha lamara iwi nani ba, Israel ra misbara kaiki nani sut ra. Baku mika ai tânka bribia, yang sika Dawan sna ba, Israel Dawanka sni.”

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Isikiel 34:28

Nisan tringsar nani ba, kli witin nani purara kabia apia; daiwan wail nani sin pibia apia. Lamni iwbia, upla kum sin sirang ikbia apia.

Isikiel 38:11

Wima: Kuntri kum sip apia ba purara kauhamna, upla nani laman lâka ra, ai dara walras iwi nani ra, kuntri tara kutbanka âpu ra, get ba prakbia apia.

Isikiel 38:8

Mani ailal lubia ningkara adar brima, kuntri kum piua luan war ra kan ba purara kauhaia, kuna pat ai plamaika brin kabia ba; kuntri kum yakabrira kan ba nisan ailal tilara bara danh tikan kan ba, ban kaia ra, kuna pat kli asla takan ba Israel ilka nani ra. Baha piua ra, witin pat kuntri ailal wina tawi balan kabia, bara sut lamni ra iwi kabia.

Kli Smalkanka 11:31

Man nani ba Jordan luaia pat baila sma ba ra, Dawan Gâd mita kuntrika maikuya ba dakbi briaia. Dakbi brima piua ra bâra iwi kama,

Kli Smalkanka 3:27

Pisgá ilka pura ba ra uls, bara baha wina kaiks lalma ra, muna ra, yahbra ra waupasa ra, sakuna Jordan baila wala ra lika luma apia.

Kli Smalkanka 33:12

Benjamín dukiara aisin: “Dawan mita latwan kaiki ba ai kupia kumi sa; Laih Purara iwi ba piu bani ra kan kahbi bri kabia. ¡Ai klahkla munhtara raya kabia!”

Kli Smalkanka 33:28

Israel ba kasak luki tniwi kabia, ai kiamka nani sut kupia kumi ra lâka ra iwi kabia. Ai tasbaya ra plawar nasla nani bara wain nasla nani bâra kabia, kasbrika purara ba wina witin nani ra lî auhi ban kabia.

Kli Smalkanka 4:22

Baku bamna yang Jordan ra luras, naha kuntrika ra pruamna. Man nani lika luma, tasbaya painkira ba ra pliskam brima.

Kli Smalkanka 9:1

“Israel luhpia nani, wali banhs: piua balan sa man nani Jordan ba lui waia, bara mahka man nani wal nisan kau tara, kau karna nani tawanka nani kutbanka purara ba pura lui tawanka ba bris;

Jasua 11:23

Baku bamna, Jasua tasba ba pura luan, dîa Dawan bui Moses ra win ba kat. Ningkara Israel kiamka nani tilara tasba ba pîs ra baiki yan, ai tasbaya prapatika baku. Baha ningkara kupia kumi lâka bâra kan, baha tasbaya ra war âpu kan.

Jasua 14:1

Naha sika Kenan tasbaya nani Israel luhpia nani ai tasbaya baku brin ba, prîs Eleazar ra yan ba baku, Jasua ra bara Israel masraka nani lalka nani ba.

Jasua 3:17

Awala bîla lâwan bâk upla nani sut ba wapi lui wan, sakuna prîs nani ba lika awala bîla lila ba kat takaskata, kan Dawan lâ daukan auhbaia watla ba bâra bri kan, tasba lâwan karna ba purara.

Jasua 4:12

Bara aiklaklabra nani Ruben bara Gad kiamka nani ba bara Manasés kiamka bakriki tila ba sin awala baila wala ra luan aiklabaia dukia nani ba brih, Israel uplika wala nani ba tâura witin nani aimakan, baku daukaia Moses mita pat win kan ba baku.

1 Samuil 7:12

Baha ningkara Samuil walpa tara kum brin, bara mark kum kaia mangkan Mispá bara Sen wal bilka ra, bara nina ba Eben-ézer mâkata, kan witin bila: “Nanara kat Dawan hilp wan munan sa.”