Kli Smalkanka 11:30 - DAWAN BÎLA AISKA

³⁰ Naha ilka nani na Kenan uplika nani il âpu tasbaya ra sa, Jordan baila wala muna tani ba sait ra sa, Guilgal mawan kat bara Moré wal lamara sa.

Kli Smalkanka 11:30 ပူးပေါင်းရင်းမြစ်များ

Blasi Sturka 12:6

Ebram baha tasbaya nani bâk lui wan ban Siquem tasbaya bâk, Moré kat wan. Baha piua ra Kenan uplika nani baha tasbaya ra iwi kan.

Nihimaya 12:29

Guilgal watla uplika nani wina, Gueba pliska nani wina bara Azmávet wina sin asla takan, kan aiwawanra nani ba Jerusalem lama kir iwi banhwi kata.

Jasua 4:19

Israel luhpia nani ba Jordan wina takan kati pas lapta yua matawalsip ba ra, Jordan awala ba lui Guilgal Jeriko lama kat ai tintka watla bapan.

Jasua 5:9

Baha daukan ba ningkara Dawan kli Jasua ra win: “Naha Aisa sainka mangkri na wal, Idsip uplika nani wina swira lâka briram ba sakisna.” Naha daukanka tâka ba mita, baha tasbaya ba naiwa kat ban nina Guilgal mâkisa.

Wihta Nani 7:1

Gedeón, nanara Jerubaal nina mâki kan ba, ai uplika nani witin wal bâra kan nani ba aikuki, titan kau puk pali kan pat buan, bara Harod tingnika ra wih, bahara ai kiampka ba bapan. Baha tingnika yahbra tani ra Madián uplika nani sin ai kiampka bapi bri kan, Moré ilka bîla ra.

Wihta Nani 9:7

Jotam baha sturka ba walan ba ra, witin Guerizim ilka purara plapi ulan, bara il pura ba wina ai bîla baikra karna wini aisin, tawan uplika nani ba sut walaia dukiara: “¡Siquem uplika nani, man nani bui yang ra pain ai wals! ¡Bara Dawan sin man nani ra baku mai walbia!