Kli Smalkanka 11:24 - DAWAN BÎLA AISKA

²⁴ Man nani anira minam taima ba, bahara man nani takaskma. Tasbayam piarkika ba, upla iwras tasbaya wina Líbano kat kabia, kli Éufrates awala wina Mediterráneo kabuka ba kat kabia.

Kli Smalkanka 11:24 ပူးပေါင်းရင်းမြစ်များ

1 King Nani 4:21

Bara Salaman lika baha king tasbaya aiska kingka aimaki kata, Éufrates awala ba wina filisteo tasbaya kat bara ban Idsip tasbaya lainka kat. Ai lal mana sin aibapi kata, dukia sin dauki kan Salaman raya kan yua nani sut ra.

1 King Nani 4:24

Bara witin lika Éufrates tasbaya muna tani aiska tâ aimaki kan, Tífsah wina ban Gaza kat, bara naha tasbaya kingka nani sut purara, bara ai tnaya aiska kir kupia kumi bri kan.

2 Kronikas 9:26

King tasbaya nani sut bâra kan ba, Éufrates awala wina, filisteo nani kuntrika kat, Idsip tasbaya piarkika sut purara Salaman ba king kan.

Impakan Sturka 23:31

Tasbayam piarkika ba sin naku daukri sa: Kabu Pauni ba wina filisteo nani kabuka kat, bara tasba lâwan ba wina Éufrates awalka kat. Upla nani sut baha bilara iwi ba yang mita man nani mihtam ra mangkri sa, man nani mita witin nani ba mamwan wina kangbi sâkma.

Joel 2:20

Kruhkru nani yahbra wina man ra aula ba, man wina laihura sakamna bara upla iwras tasbaya ra man lulkamni. Kabu Pruan ra tâura daknika ba, yarka sut kwapi prubia, bara ninara aula daknika ba sin, Kabu Mediterráneo ra rungkamna, bahara wîna ba sukwi, bisbaya takbia. ¡Yang diara tara nani daukaisna!”

Kli Smalkanka 1:7

Dukiam nani sut wahbi lamam ra brih amorreo nani tasbaya ra, il nani tilara man nani was: Arabá ra, il nani tilara, twi langnika ra, Négueb ra, kabu un ra, Kenan uplika nani kuntrika ra, Líbano ra bara kau kainara Éufrates awala tara ba kat.

Kli Smalkanka 1:8

Yang bui tasba ba man nani mihtam ra mangkri sa; man nani was bara tasbaya ba brih iws. Kan yang bui Dawan ra swer taki yabaia aisari, man nani damikam Ebraham, Aisak, Jekob bara ai kiamka nani ra sin.’

Kli Smalkanka 12:20

“Dawan Gâdkam man nani ra tasbayam kau tara maikaia win ba maikbia ba piua ra, dîa wîna pin mai daukbia ba, man nani ani ani piua ra piaia sip kama.

Kli Smalkanka 34:2

Neftalí, Efraín bara Manasés tasbaya nani bâra ban Juda tasbaya aiska sut ban Mediterráneo kabuka ba kat,

Jasua 14:9

Bara Moses swer ai munan: ‘Man tasba ba minam taima bani ba, man bara kiamkam dukia kabia, kan man kasak kapram yang Gâdki bara Dawanki ra.’