Kli Smalkanka 10:19 - DAWAN BÎLA AISKA

¹⁹ Bamna man nani bui tringsar nani ra latwan kaiks, kan man nani sin Idsip ra tringsar kapram.

Kli Smalkanka 10:19 ပူးပေါင်းရင်းမြစ်များ

Impakan Sturka 22:21

“Upla tringsar nani ra saura munpara bara rau sauhkpara, kan man nani sin tringsar kapram Idsip tasbaya ra.

Isikiel 47:22

Naha sika man nani briaia sma ba, bara tringsar nani man nani tilamra iwi nani ba bara luhpa bri nani ba Israel ra aisuban baku kulkaia sa. Israel kiamka tilara baiki saki bribia ba ra, witin nani ra sin ai dukia yaban kabia.

Isikiel 47:23

Tringsar nani ba bribia ani kiamka tilara iwi ba tasbaya ra. Yang, Dawan, baku adar yabisni.

Luk 17:18

¿Naha tringsar waitna na baman Gâd ra tingki wiaia balan ki?

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Galesha 6:10

Bamna ani piua yawan sip ba ra, upla sut ra diara pain nani dauki kap, bara kau aiska pali lika, kasak lukan lâka ra wan muihni nani ba sut ra.

Kli Smalkanka 23:7

“Ban sakuna, Edom uplika nani ra kulkanka yaras kapara, kan baha nani ba man nani tamya sa, Idsip uplika nani ra sin, kan man nani lika witin nani ai kuntrika ra iwi kapram;

Kli Smalkanka 23:8

ai kiamka nani yumhpa kat ba sip sa Dawan daknika ra dimaia.