Kli Smalkanka 10:18 - DAWAN BÎLA AISKA

¹⁸ rau bara piarka nani lâka kasak daukisa, bara tringsar man nani tilamra iwi ba ra latwan kaiki, pata bara kwalka sin yabisa.

Kli Smalkanka 10:18 ပူးပေါင်းရင်းမြစ်များ

2 Kronikas 19:7

Bara Dawan ra kulkanka yas, bara sin damra wali banhwi bas dîa daukisma ba, kan Dawan wan Gâdka ba, lâ kat daukras nani ra yamni kaikras, pâtkira nani ra ban swin kabia apia.”

Lawana Nani 10:18

Bara tuktan rau bara taiban lâka ra uplika nani ba, wapnika aisi dauks. ¡Baha mita upla tasba wal paskram ba, kli sirang wan ikbia apia!

Lawana Nani 103:6

Dawan lika lâ tânka kat bara kasak tânka ba wal, lâ daukisa, baha nani rausauhki uplika nani ra.

Lawana Nani 145:9

Dawan upla sut wal pain sa; bara ai kupia swapni wal ai warkka nani ba main kaikisa.

Lawana Nani 146:9

Dawan bui tringsar nani ra tâ baiki brisa; rau nani, piarka nani ra sin tâ baikisa; sakuna watawikira nani yabalka lika witin makupisa.

Lawana Nani 68:5

Gâd ai tempelka holi ra iwi ba, witin sika rau nani aisika ba, bara sin piarka nani ra tâ babaikra ba;

Lawana Nani 68:6

Gâd mita upla yakan, watauki nani ra takaskaia watla yabisa, silak ra mangkan uplika nani ba, pri daukisa bara pâwaia sip sa; sakuna mapara, babura nani ba, tasba mâ âpu ba ra iwi kabia.

Impakan Sturka 22:20

“Dawan ra baman sakripais dauki yaia kata ba watlika ra, upla kum mita gâd wala nani ra sakripais dauki yabia kaka, witin ba lâka dauki ikan kaia sa.

Impakan Sturka 22:21

“Upla tringsar nani ra saura munpara bara rau sauhkpara, kan man nani sin tringsar kapram Idsip tasbaya ra.

Impakan Sturka 22:22

“Piarka nani ra saura munpara, bara tuktan rau nani ra sin,

Impakan Sturka 22:23

kan man nani bui witin nani ra saura munma kaka, bara witin nani bui yang ra ini hilp makabia kaka, yang lika witin nani tâwan aimakamna,

Aiseya 1:17

¡Lâ yamni daukaia ba man nani lan taks, trai kaiks dîa kasak ba daukaia, ai raitka bri ba raitka ba yas, rau nani lâka ba kasak dauks, piarka nani raitka ba tâwan aisas!”

Jirimaya 49:11

‘Raukam nani ba yang laimara swis, yang main kaiki kamna. Piarkikam nani ba yang ra tniwaia sip sa.’ ”

Oseas 14:3

Asiria uplika nani sip yang nani ra swaki ai sakras, aras ra uli plapamna kaka sin sip apia. Yang nani mihti ni alki paskri dawanka nani kumi ra sin kli man ba ‘Yang nani Dawanki sma’ wimna apia, kan Dawan, man ra baman sika rau nani ba umpira kaikan lâka ba sakisa.”

Libait Lâka 25:35

“Man nani kiamkam tilam wina kum diara âpu takan, umpira sa kaka, bara witin ba man ra hilp pliki aula ba ra, hilp munaia kama upla tringsar kum baku, bara man wamtla ra plis yama.

Kulki Kaikanka 10:32

Man ba yang nani wal wama kaka, Dawan bui yang nani ra yamni ai munaia win ba aikbia ba ra, yang nani bui man ra sin yamni mai muni banhwamna.

Matiu 5:45

Baku mika kasbrika purara ba luhpia nani kama. Kan witin bui yu lapta ba yan ingwisa, saura nani bara pain nani purara; lî sin yan auhisa, kasakkira nani ra bara watawikira nani dukiara sin.

Apastil Nani Sturka 14:17

piua bani witin ba ya sapa tânka marikan, diara yamni dauki ba bâk: lî kasbrika purara ba wina wankisa, insla ra plun yan pâwisa, witin plun aitani wankisa yawan pih lilia kabia dukiara.

Kli Smalkanka 27:19

‘Tringsar nani mapara, piarka nani ra, rau nani ra lâka watawi daukbia kaka, lahtuban kabia.’ Bara upla sut wibia: ‘Baku kabia.’