Kli Smalkanka 10:17 - DAWAN BÎLA AISKA

¹⁷ kan Dawan man nani Gâdkam ba, Gâd nani gâdka sa, bara Dawan nani dawanka sa. Witin lika Gâd kum ai karnika ba silp brisa, karnakira, sibrinkira pali sa, upla mawanka kulkras, prisant mana sin sip atki briras;

Kli Smalkanka 10:17 ပူးပေါင်းရင်းမြစ်များ

2 Kronikas 19:7

Bara Dawan ra kulkanka yas, bara sin damra wali banhwi bas dîa daukisma ba, kan Dawan wan Gâdka ba, lâ kat daukras nani ra yamni kaikras, pâtkira nani ra ban swin kabia apia.”

Nihimaya 1:5

Bara witin ra wîri: “Dawan, man laih pura Gâdka, Gâd tara sibrinkira sma, lâ daukisma ba dutki alki brisma, dîa aisi daukram ba kat kulkisma, baha nani man lâmka bîla kulki latwan mai kaiki nani sut ra.

Nihimaya 4:14

Sakuna yang kaikri upla nani ba sibrin dauki kan, bara yang mita wihtka nani ra, wark tâ bri nani ra bara tawan uplika nani ra sin naku wîri: “Man nani lika witin nani mawan ra sîa bripara, kupiam krauks Dawan tânka ba, nahki tara sibrinkira ba, bamna man nani luhpiam waitna nani, luhpiam mairin nani, mairin nani bara wamtla uplika nani tâwan pât taki banhwi bas.”

Nihimaya 9:32

“Baku bamna wan Gâdka, Gâd tara sma ba, karnakira, sibrinkira sin, wal aisi lâ daukram ba alki brisma latwankam lâka tara ba wal, man mamwanra ban lulki swipara pât saura nani ailal pali wahwan ba wan kingka nani, wihtki nani, prîski nani, damiki nani bara man uplikam sut, Asiria kingka nani yua nani ba wina naiwa yua kat.

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Lawana Nani 99:3

Witin ai nina ba mayunan kabia, witin ba tara bara sibrinkira sa; ¡Gâd holikira sa!

Impakan Sturka 23:8

“Upla kum taiban lâka ra ai lâka ba wapni dauki yama wisi lalah maikbia kaka, alkpara; kan baku lalahka alki uplika ba, nakras takisa bara upla pâtkas ba ban yan pâtkira daukisa bamna.

Aiseya 37:16

“Dawan karnika sut brisma ba, Israel Gâdka, kirubin nani tilara man iwisma ba, man baman sika king tasbaika nani tasba ra ba, Laih Purara Gâd pali sma; man sika tasba bara kasbrika purara pali ba sin daukram.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 20:11

Sakuna Dawan, man lika yang laimara sma aiklaklabra kum baku, man puram luaia âpu sa; nini bliki nani ba kauhbia, puri luaia sip apia kabia; sip apia takbia, witin nani swira takan kabia, bahki kulkan ni pura prakan ba âuya tiwbia apia ban kaia ra.

Jirimaya 32:18

Kiamka tausin nani ra latwan kaikisma tânka ba man marikisma, sakuna man sin upla ra klala yabisma aisika nani saura daukan ba tâka. ¡Âu, Gâd, man tara pali karnika sut brisma, man ninam ba Dawan karnika sut bri ba!

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 2:45

Baha sika tânka walpa kumi il wina ip daiwan upla kum mita sin platukbras kan karwi balan, man king tara, kaikram ba. Baha walpaya ba mita sika tasba yamhpuska baku daukan kabia, ayan, bras, slaubla, silbar, gul ba sin. Gâd tara pali mita king man ra mamrikan naika dîa takaia ba. Yaprisauhkankam ba kasak sa, ai tânka sin kasak sa.

Daniel 2:47

Baha ningkara, Daniel ra aisin: —Kasak pali, man nani Gâdkam ba kanra tara sa, gâd wala nani sut ba wal; king nani sut Dawanka sa, witin mita dahra prakan ba param ra sakisa, bamna man sip sma naha dahra prakan ba param ra sakaia.

Mark 12:14

Baha nani bal witin ra win: —Smasmalkra, yang nani kaikisna man lika diara kasak ba kat aisisma, upla dîa aisi ba man kulkras, kan man upla nani mawan ba kulkras, sakuna Gâd yabalka ba kasak tânka kat smalkisma. ¿Rom wihtka tara ra lal mana aibapaia ba lâ sa ki, apia kaka, lâ apia? ¿Yang nani lal mana aibapaia sna, apia kaka aibapaia apia sna ki?

Apastil Nani Sturka 10:34

Bara Pita mahka aisi, win: —Nanara kasak pali kaikisni, Gâd mapa ra upla sâtka kumi upla sât wala ba wal aihka apia sa,

Roman 2:11

Kan Gâd ba upla mawanka kulkaia lâka âpu sa, sut ba sim sât kulkisa;

Galesha 2:6

Sakuna baha tâ uplika nani baku kulkan kata ba mita, smalkanka raya kumi sin yang ra aikras; witin nani dîa ai tânka ba yang maipara diara apia, kan Gâd lika upla mawan kulki lâ daukras sa.

Epesus 6:9

Bara man nani, alba dawanka nani sma ba, trai kaiks baha sim natka ra albikam nani ba yarka warkkam dauki kaia, taiban lâka âpu kira. Kupiam krauki bas, man nani wih alba nani wal Dawankam kasbrika purara ba mihta ra sma, bara witin lika upla kumi ba upla wala wal aihka baku kulkras sa.

Kli Smalkanka 1:17

Upla lâka aisi daukisma ba ra, uplika ba mawan aihka kulkpara, kulkanka sirpi bri uplika ba, kulkanka tara bri uplika lâka ba wal baku daukaia. Upla kumi sibrinka sin briaia apia, kan lâ daukaia ba Gâd warkka sa. Sakuna lâ kum man nani daukaia karna kabia kaka, baha lika yang ra laks, bara yang daukamna.’

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.

Kli Smalkanka 24:17

“Tringsar nani bara rau nani lâka ba warha daukpara, piarka nani kwalka sin dakbi bripara.

Kli Smalkanka 27:25

‘Upla pâtkas kum ikan mana ya lalah ai mana brin ba, lahtuban kabia.’ Bara upla sut wibia: ‘Baku kabia.’

Kli Smalkanka 7:21

Witin nani mawanra tatatpara, kan Dawan Gâdkam, Gâd tara sibrinkira ba man nani wal sa.

Kolosi 3:25

Sakuna ya saura daukisa kaka, ai saurka lâka mana ba bribia, kan Gâd lika upla kumi ba upla wala wal aihka kulkras sa.

1 Timoti 6:15

Baha piua ba aimakbia ba ra, Gâd mita naha na daukbia, kan witin baman sika Gâd kumi baman ba, yamnikira bara karnikira, king nani Kingka, bara dawan nani Dawanka ba.

Jasua 22:22

—Gâd nani sut Dawanka bara Gâdka ba, witin nu sa yang nani dîa luki naha altarka paskri ba, witin mapara buaia, apia kaka witin wina tnaya ra tawaia dukiara. Baha witin nu sa, bara witin baha nani sut tânka ba man nani ra mamrikbia. Baha baku daukaia tâka sa kaka, yang nani ra raya ai swipara.

1 Pita 1:17

Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”