Kli Smalkanka 1:7 - DAWAN BÎLA AISKA

⁷ Dukiam nani sut wahbi lamam ra brih amorreo nani tasbaya ra, il nani tilara man nani was: Arabá ra, il nani tilara, twi langnika ra, Négueb ra, kabu un ra, Kenan uplika nani kuntrika ra, Líbano ra bara kau kainara Éufrates awala tara ba kat.

Kli Smalkanka 1:7 ပူးပေါင်းရင်းမြစ်များ

Blasi Sturka 12:9

Baha ningkara witin kau ban tawa tawa ra ai yabalka ba impaki kan ai kainara, Négueb tasbaya ra waia.

2 Samuil 8:3

Hadad-ézer, Rehob luhpia, Sobá kingka ra sin, Debit bui pura luan, witin auya kan ba ra Éufrates awala tasbaya lamara, ai tasbaya piarkika kulki briaia.

1 Kronikas 18:3

Debit bui Hadad-ézer kingka Sobá kingka pura luan, baha ba Hamat ra sa; naha sika Éufrates awalka un ra ai karnika bapaia luki kan ba.

1 Kronikas 27:29

Bîp nani Sarón ra bri si twi dakakaia ba lika, Sarón uplika Sitrai mihta ra kan, bîp nani twi langni ra kan ba lika, Adlai luhpia Safat mihta ra kan.

1 Kronikas 5:9

Lalma tani bâk upla iwras tasbaya Éufrates awalka wina wih unyukwika kangbi ba kat ai putka bapan, kan ai daiwra nani ba ailal pali sahwan Galaad tasbaya pîska ba ra.

Impakan Sturka 23:31

Tasbayam piarkika ba sin naku daukri sa: Kabu Pauni ba wina filisteo nani kabuka kat, bara tasba lâwan ba wina Éufrates awalka kat. Upla nani sut baha bilara iwi ba yang mita man nani mihtam ra mangkri sa, man nani mita witin nani ba mamwan wina kangbi sâkma.

Emus 2:9

Âu, man nani ra yamni mai munaia tâwan, yang bui amorreo nani ba sut mamwan wina âpu daukri, kiamka kumi sin swiras, sut pali âpu daukatna, witin nani yalam dusa baku tara pali pâwan kan, karnika tara sin bri kan usupum dusa karnika ba baku, ban sakuna sut âpu pali daukri.

Kulki Kaikanka 10:12

Bara Israel luhpia nani ba Sainai wina upla iwras tasbaya ra mahka impakan, bara kasbrika ba Parán langnika kat takaskan.

Kli Smalkanka 1:19

“Yawan Horeb wina takan ba wina amorreo nani ilka nani ra impakan, Dawan Gâd adar wankan ba bîla wali dauki. Baha upla iwras tasbaya tara, sibrinkira pali man nani kaikram yaba, yawan sut bâk wataukan, Cadés-barnea ra balan ba kat.

Kli Smalkanka 11:11

kuna kuntri man nani pliskam briaisma ba, il nani kuntrika bara langni ra, kasbrika pura wina laya srikban sa.

Kli Smalkanka 11:24

Man nani anira minam taima ba, bahara man nani takaskma. Tasbayam piarkika ba, upla iwras tasbaya wina Líbano kat kabia, kli Éufrates awala wina Mediterráneo kabuka ba kat kabia.

Jasua 1:4

Man nani tasbayam ba maikamna, upla iwras tasbaya ba wina ban Líbano ilka nani bâk, awala tara Éufrates kat, hitita nani tasbaya ba sut, bara ban Mediterráneo kabuka ba kat.

Jasua 10:40

Baku bamna, Jasua tasbaya pîs ra iwi kan nani ba sut pura luan, unta biara ra iwi kan kingka nani sut sin sauhki tikan, Négueb wina langni nani ra kan ba, bara il tnaya witni nani ra kan ba, sut sauhki tikan, sut sin iki tikan. Diara kumi sin takaskras, upla bani sin raya swiras kan, Israel Gâdka dîa win ba kat daukan.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.

Jasua 9:1

Hitita nani, amorreo nani, Kenan uplika nani, ferezeo nani, heveo nani bara Jebús uplika nani kingka nani ba, diara nani taki luan sturka ba walan. Baha kingka nani ba Jordan awala muna tani ra, il nani tilara, twi langnika ra bara Mediterráneo kabuka lamara iwi tasbaya aiska ra bâra ban Líbano tasbaya nani sut ra iwi kan.

Param Marikanka 9:14

Bara bîla baikra ba insal 6 trumpit bri kan ba ra win: “Éufrates awalka tara ra insal walhwal priskan ba, lanhks.”